صحیح ابن خزیمہ تحقیق و تخریج از شیخ زبیر علی زئی

[رضا میاں]

اسلام علیکم۔

شیخ زبیر علی زئی کی صحیح ابن خزیمہ پر تحقیق بمع ترجمہ شایع ہو رہی ہے۔ یہ نہایت ہی قیمتی کتاب ہے، سب سے پہلے تو میں یہ کہوں گا کہ اس کو جلد سے جلد آن لائن آنا چاہیے، لیکن میرا اصل مقصد اس تھریڈ سے یہ پوچھنا ہے کہ کیا یہ کتاب مکمل ہے؟ اور کون سے نسخہ پر مبنی ہے؟ الاعظمی والا نسخہ تو صرف کتاب الحج تک ہے اس کے بعد اس کو نسخے نہیں ملا تو کیا شیخ زبیر کی کتاب مکمل ہو گی؟ اور یہ شایع کب ہو رہی ہے۔

جو بھائی شیخ زبیر کے قریب ہں وہی یہ جواب دے سکتا ہے۔۔ لہذا اگر کوئی اس پر ان لوگوں کو ٹیگ کر دے تو مہربانی۔

جزاک اللہ خیرا

 

[Muhammad Waqas]

وعلیکم السلام !
یہ کتاب چھپنے میں ابھی کم از کم ۶ ماہ درکار ہوں گے کیونکہ اس کی تحقیق و تخریج کا کام تو شیخ زبیر علی زئی حفظہ اللہ نے کرنا ہے لیکن اس کے فوائد شیخ ندیم ظہیر حفظہ لکھ رہے ہیں اور جو کہ ابھی لکھے جا رہے ہیں اور وہ آجکل کچھ مصروف بھی ہیں۔
اور اس کتاب کے بارے میں ماہنامہ اشاعۃ الحدیث میں جو اشتہار چھپا تھا مکتبہ اسلامیہ کی جانب سے اس کی ایک خاص وجہ تھی۔۔۔۔۔صحیح ابن خزیمہ شیخ البانی کی تحقیق کے ساتھ اردو میں طبع ہو کر مارکیٹ میں آ چکی ہے جو غالبا مکبتۃ السلفیہ نے چھاپی ہے(میں نے یہ کتاب کل ہی دیکھی تھی لیکن مکتبے کا نام کچھ بھول رہا ہوں)۔دونوں مکتبے ایک ہی کتاب پر کام کر رہے تھے اور ایک دوسرے اس بات کا علم نا تھا جس کی وجہ سے دوگنا محنت ہوگئی۔لہٰذا پھر مکتبہ اسلامیہ نے مسند حمیدی اور صحیح ابن خزیمہ کا اشتہار دے دیا تاکہ اگر کوئی مسند حمیدی پر کام کرنا چاہ رہا ہو تو وہ نہ کرے۔
البتہ مسند حمیدی جلد ہی ان شاءاللہ چھپ کر مارکیٹ میں آ جائے گی۔

 

[رضا میاں]

وعلیکم السلام !
یہ کتاب چھپنے میں ابھی کم از کم ۶ ماہ درکار ہوں گے کیونکہ اس کی تحقیق و تخریج کا کام تو شیخ زبیر علی زئی حفظہ اللہ نے کرنا ہے لیکن اس کے فوائد شیخ ندیم ظہیر حفظہ لکھ رہے ہیں اور جو کہ ابھی لکھے جا رہے ہیں اور وہ آجکل کچھ مصروف بھی ہیں۔
اور اس کتاب کے بارے میں ماہنامہ اشاعۃ الحدیث میں جو اشتہار چھپا تھا مکتبہ اسلامیہ کی جانب سے اس کی ایک خاص وجہ تھی۔۔۔۔۔صحیح ابن خزیمہ شیخ البانی کی تحقیق کے ساتھ اردو میں طبع ہو کر مارکیٹ میں آ چکی ہے جو غالبا مکبتۃ السلفیہ نے چھاپی ہے(میں نے یہ کتاب کل ہی دیکھی تھی لیکن مکتبے کا نام کچھ بھول رہا ہوں)۔دونوں مکتبے ایک ہی کتاب پر کام کر رہے تھے اور ایک دوسرے اس بات کا علم نا تھا جس کی وجہ سے دوگنا محنت ہوگئی۔لہٰذا پھر مکتبہ اسلامیہ نے مسند حمیدی اور صحیح ابن خزیمہ کا اشتہار دے دیا تاکہ اگر کوئی مسند حمیدی پر کام کرنا چاہ رہا ہو تو وہ نہ کرے۔
البتہ مسند حمیدی جلد ہی ان شاءاللہ چھپ کر مارکیٹ میں آ جائے گی۔

اس کا مطلب مسند حمیدی بھی اردو میں چھپ رہی ہے؟؟؟؟ کیا بات ہے!! بہت خوشی ہوئی سن کر!
باقی کیا آپ یہ بتا سکتے ہیں کہ یہ کتاب (صحیح ابن خزیمہ) بھی صرف کتاب الحج تک ہے یا مکمل ہے؟

 

[رضا میاں]

سنا ہے کہ شیخ زبیر علی زئی صحیح ابن حبان پر بھی کام کر رہے ہیں۔ اس کا کیا سٹیٹس ہے؟

 

[Muhammad Waqas]

اس کا مطلب مسند حمیدی بھی اردو میں چھپ رہی ہے؟؟؟؟ کیا بات ہے!! بہت خوشی ہوئی سن کر!
باقی کیا آپ یہ بتا سکتے ہیں کہ یہ کتاب (صحیح ابن خزیمہ) بھی صرف کتاب الحج تک ہے یا مکمل ہے؟

صحیح ابن خزیمہ تو دنیا میں کہیں بھی مکمل موجود نہیں ہے بھائی نہ مطبوع نہ مخطوط !
البتہ یہ صحیح ابن خزیمہ اعظمی والے نسخے کو بنیاد بنا کر شائع نہیں کی جارہی ۔
اور صحیح ابن خزیمہ یہ کام ان شاءاللہ بالکل منفرد ہوگا آپ انتظار کیجئے بس۔

سنا ہے کہ شیخ زبیر علی زئی صحیح ابن حبان پر بھی کام کر رہے ہیں۔ اس کا کیا سٹیٹس ہے؟

میرے بھائی یہ آپ نے بالکل غلط سنا ہے ۔شیخ صاحب ایسا کچھ نہیں کر رہے ۔

 

[عدنان سلفی]

شیخ اعظمی و الے نسخے میں کافی اغلاط ہیں اس لئے شیخ ماہر یاسین الفحل کے نسخہ (جو کہ 6 جلدوں میں دار المیمان سے مطبوع ہے) پر اعتماد کیا گیا ہے متن کے لئے
فائدۃ کے لئے عرض کرتا ہوں کہ کتاب التوحید لابن خزیمۃ بھی صحیح ابن خزیمۃ کا ہی ایک جزء ہے جس کا اکثر لوگوں کو علم نہیں
صحیح ابن خزیمۃ کا اصل نام (مختصر المختصر من المسند الصحيح عن النبي صلى الله عليه وسلم) ہے
شیخ ماھر تی تحقیق والا نسخہ پشاور سے بھی 6 جلدوں میں شائع ہو چکا ہے

 

[خضر حیات]

السلام علیکم ورحمۃ اللہ !
عدنان سلفی صاحب !
محترم بھائی تعارف والے زمرے میں اپنے بارے میں کچھ بتائیں ۔
آپ عالم دین محسوس ہوتے ہیں یہاں علماء کے لیے ایک خاص زمرہ ’’ مجلس علماء ‘‘ بھی ہے ۔
آپ وہاں بھی تشریف لاسکتے ہیں ۔

 

[عدنان سلفی]

وعلیکم السلام و رحمۃ اللہ
خضر حیات بھائی اللہ مجھے آپ کے حسن ظن کے مطابق بنائے۔
میں ایک ادنی سا طالب علم ہوں۔
کوئی خاص تعارف نہیں ہے۔