صحیح سیرت مصطفی صلی اللہ علیہ وسلم= ڈاکٹر محدث محمد عبداللہ ضیا الرحمان اعظمی رحمہ اللہ

[ملک سکندر نسوآنہ]

صحیح سیرت مصطفی صلی اللہ علیہ وسلم

شائع ہو کر دستیاب ہے ۔الحمدللہ

تعداد احادیث= 1532
2 جلدیں
اعلیٰ ایڈیشن
رعایتی قیمت 4200

برائے رابطہ
+923024056187

چند ناگزیر وجوہات کی بنا پر یہ کتاب شائع ہونے میں تاخیر کا شکار ہوگئی تھی اور آج الحمدللہ یہ کتاب شائع ہوکر دو جلدوں میں منصہ شہود پر آگئی ہے اور عام دستیاب ہے.

سیرت کے مطالعہ کا شوق بڑھانے کے لیے اس کتاب کے متعلق تفصیلات درج ذیل میں ملاحظہ فرمائیں

تمام تعریفیں اسی بابرکت ذات کے لیے جس نے کائنات کو تخلیق فرمایا اور پھر عرش پر مستوی ہوا اور انبیاء کرام علیہم السلام کو لوگوں تک اپنا پیغام اور راہ ہدایت بتانے کے لیے مبعوث فرمایا اور درود و سلام ان سیدالاولین و الآخرین صلی اللہ علیہ وسلم پر جنہیں صحراؤں کے وسط میں مبعوث فرما کر لوگوں کو ظلمات کے اندھیروں سے نکال کر اسلام کے نور سے منور کردیا اور جنہیں رحمۃ للعالمین اور خاتم النبیین بنایا اور جنہیں حشر کے دن اولاد آدم کی سرداری عطا کی جائے گی۔
یہ جو مبارک کتاب ہے یہ صحیح سیرت مصطفیٰ صلی اللہ علیہ وسلم ،محدثین کے منہج پر لکھی جانے والی اک انمول کتاب ہے جسے شیخنا و حبینا محدث مدینہ محمد عبداللہ اعظمی (المعروف بالضیاء) رحمہ اللہ نے تالیف کیا اور اس کے متعلق یہ بھی فرمایا کہ مؤرخین و محدثین کا اسلوب الگ ہوتا ہے مؤرخین واقعات کو تاریخی اعتبار سے مرتب کرتے ہیں اور پھر کہیں کہیں سند کا ذکر کر دیتے ہیں لیکن محدثین کا اسلوب پہلے سند اور پھر متن ہے اور اس کو میں نے محدثین کے اسلوب پر مرتب کیا ہے اور جہاں کہیں ضعیف روایات اس موضوع پر آئیں ان کو بحث میں ذکر کیااور ان کا ضعف بیان کردیا ہے تاکہ قارئین کو علم ہو کہ سیرت کے باب میں کون سی حدیث صحیح ہے اور کون سی ضعیف اور اس کتاب کے متعلق شیخ رحمہ اللہ نے شیخ عبدالہادی عمری مدنی حفظہ اللہ سے ترجمہ کے متعلق بات چیت کے دوران کہا کہ اس کا ترجمہ میں خود کروں گا یا میرے شاگردوں میں سے کوئی اس کا ترجمہ کرکے نشر کرے گا اور یہ سعادت بھی الحمدللہ ہمارے حصہ میں آئی اور شیخ ابن بشیر الحسینوی اور راقم بھی شیخ کے شاگردوں میں سے ہیں (ہمارے لیے سعادت ہے کہ ہم نے بھی شیخ سے استفادہ کیا ہے)اور ہماری کوشش ہے کہ شیخ رحمہ اللہ کی تراث کو عوام تک پہنچایا جائے اور اس کے لیے دار ابن بشیر کی انتظامیہ اپنی حد تک کوششیں کر رہی ہے ، اب تک شیخ کی متعدد کتب شائع کرچکی ہے ، باقی تو رب العالمين کا فضل وکرم ہے کہ وہ آسانیاں پیدا فرما دیتا ہے۔

سیدالاولین و الاخرین صلی اللہ علیہ وسلم کی شان تو اللہ تعالی کے علاوہ کوئی حقیقی معنوں میں بیان نہیں کرسکتا اور (اللہ تعالی ہمیں غلو کرنے سے محفوظ رکھے) ہر دور میں ہر صدی میں علماء نے اپنی سی کوشش کی ہے سیرت مطہرہ کو اپنے انداز میں بیان کرنے کی اور آخر میں یہی درج کیا کہ ہم اس طرح سے نہیں لکھ سکے جیسا کہ سیدالاولین و الاخرین صلی اللہ علیہ وسلم کی شان ہے۔

سیدالاولین و الآخرين صلی اللہ علیہ وسلم کو ہم سے رخصت ہوئے چودہ سوبرس سے زائد کا طویل عرصہ بیت چکا ہے مگر یہ ایک زندہ معجزہ و حقیقت ہے کہ سیرت مصطفیٰ صلی اللہ علیہ وسلم کے نقوش ہم تک محفوظ اور مکمل تحقیق کے ساتھ پہنچے اور اس میں زندہ حقیقت یہ مبارک کتاب ہے جس میں آپ کے مبارک ارشادات و فرمودات اور کہیں عبادات و معاملات تو کہیں سنہرے و انمول فیصلے اور کہیں مبارک اندازِ کلام و گفتگو تو کہیں نشست و برخاست اور کہیں قیام و طعام تو کہیں اپنوں اور غیروں کے ساتھ آپ کے عمدہ رویے اور بچوں کے ساتھ آپ کی بے پناہ شفقتیں اور پھر امہات المؤمنین یعنی ازواج مطہرات کے ساتھ آپ کی الفتیں و محبتیں اور یتیموں کے ساتھ آپ کی شفقتیں اور رشتہ داروں کے ساتھ صلہ رحمی اور پڑوسیوں کے ساتھ حسن سلوک ،الغرض سیدالاولین و الآخرين صلی اللہ علیہ وسلم کےاعلیٰ اخلاق کا نمونہ و معمولات عالیہ اور پھر روز مرہ میں رونما ہونے والے چھوٹے بڑے حادثات و واقعات اور اسی طرح غزوات و سرایا یعنی سیرت مصطفیٰ صلی اللہ علیہ وسلم کے نقوش آپ کے سامنے اس مبارک کتاب میں جابجا ملیں گے ،محدث مدینہ رحمہ اللہ نے محدثانہ انداز میں اپنی تحقیق کے ساتھ ان بکھرے موتیوں کویکجا کردیا اور ان موتیوں کی لڑیوں سے آپ سیرت کی انمول مالا کو جڑا ہوا پائیں گے إن شاء اللہ
حجۃ الوداع پر سیدالاولین و الآخرين صلی اللہ علیہ وسلم کا بلیغ خطبہ جو فقط مسلمانوں کے لیے نہیں بلکہ پوری دنیا کے انسانوں کے لیے مشعل راہ اور اسوہ ہے جو کوئی سیدالاولین و الآخرين صلی اللہ علیہ وسلم کی اسوہ حسنہ کو اپنائے گا اور ان پر ایمان لائے گاوہ دنیا و آخرت کی خیر کو پا لے گا اور یہ کتاب آپ کو خیرالقرون کے زمانے میں لے جائے گی اور آپ پر اس دور کے واقعات کو منکشف کرے گی جو سیدالاولین و الآخرين صلی اللہ علیہ وسلم کی مبارک زندگی میں پیش آئے اور یہی وہ ہادی رب العالمین اپنے رب کے پیغام کو لوگوں تک پہنچانے کے لیے بھرپور کوشش میں لگے رہے اور یہ وہی جماعت ہے جن کی طرف سے سیدالاولین و الآخرين صلی اللہ علیہ وسلم کے محفوظ کیے شب و روز ہم تک پہنچے آپ صلی اللہ علیہ وسلم مسکرائے ، کھلکھلا کر ہنسے حتیٰ کہ داڑھیں مبارک دکھائی دینے لگیں، روئے کہ گالوں پر آنسو بہنے لگے، غصہ میں آئے حتی کہ آپ کے گال سرخ ہوگئے، کھڑے ہونے، بیٹھنے، کھانے اور پینے الغرض حبیب اللہ صلی اللہ علیہ وسلم کی ہر ہر ادا کو محفوظ کیا اور یہی نہیں بلکہ بعض نے جیسے دیکھا ویسا ہی بننا پسند فرمایا، سیدنا قرہ بن ایاس رضی اللہ عنہ قبیلہ مزینہ کی ایک جماعت کے ساتھ تشریف لائے اور اسلام قبول کیا اور اس وقت سیدالاولین و الآخرين صلی اللہ علیہ وسلم کو اس حالت میں دیکھا کہ آپ صلی اللہ علیہ وسلم کے گریبان کے بٹن کھلے ہوئے تھے اور پھر قرہ واپس ہو لیے اور عروہ کہتے ہیں میں نے کبھی انہیں اور ان کے بیٹے کو گرمی ہو یا سردی گریبان کے بٹن بند کرتے نہیں دیکھا، اگر یہ سب صحابہ کرام محفوظ نہ کرتے تو کون ہمیں بتاتا کہ ہمارے نبی اکرم صلی اللہ علیہ وسلم کیسے تھے؟ ہم جتنے ان کے احسان مند ہوں اتنا ہی کم ہے اور سیرت مصطفیٰ صلی اللہ علیہ وسلم کا مطالعہ ہر مسلمان مرد و عورت کے لیے نہایت ہی ضروری ہے

رب العالمين کے بعد جو ہستی ہم پر مہربان ہے وہ سیدالاولین و الآخرين صلی اللہ علیہ وسلم ہیں اور صرف دنیا میں ہی نہیں بلکہ آخرت میں بھی، بلکہ یہ آیت کیسی عظیم الشان ہے جس میں رب العالمین اپنے حبیب محمد رسول اللہ صلی اللہ علیہ وسلم کے متعلق فرما رہے ہیں:
﴿لَقَدْ جَآءَكُمْ رَسُوْلٌ مِّنْ اَنْفُسِكُمْ عَزِيْزٌ عَلَيْهِ مَا عَنِتُّمْ حَرِيْصٌ عَلَيْكُمْ بِالْمُؤْمِنِيْنَ رَءُوْفٌ رَّحِيْمٌ۰۰۱۲۸﴾
بلاشبہ یقینا تمھارے پاس تمہی سے ایک رسول آیا ہے، اس پر بہت شاق ہے کہ تم مشقت میں پڑو، تم پر بہت حرص رکھنے والا ہے، مومنوں پر بہت شفقت کرنے والا، نہایت مہربان ہے۔
جن کی صفات و حرص رب العالمين بیان کرے وہ کیسا عظیم نبی ہے؟ سیدالاولین و الآخرين صلی اللہ علیہ وسلم نے اپنی امت کی کیسی فکر رکھی،بلکہ سیرت کےنقوش میں جا بجا آپ کو ملے گا کہ سیدالاولین و الآخرين صلی اللہ علیہ وسلم کیسے شفیق اور مہربان تھے آسانیاں پیدا کرنے والے اور حتی کہ فرض نماز میں بچوں کے رونے کی آواز سن کر طویل نماز کی بجائے اختصار کرلیتے، ہم ہماری آل و اولاد، والدین اور مال و دولت ان پر ہزار مرتبہ بھی قربان کر دیں پھر بھی ہم سیدالاولین و الآخرين صلی اللہ علیہ وسلم کے احسانات کا بدلہ نہیں چکا سکتے بلکہ سب سے بڑا احسان جب وہ ہم جیسے گرے پڑوں کی شفاعت کریں گے، اللہ اکبر کبیرا

اس کتاب کو شیخ رحمہ اللہ نے بڑی محنت سے مرتب کیا ہے اور 1532 احادیث پر مشتمل ہے اور شیخ رحمہ اللہ نے اپنی مایہ ناز تصنیف الجامع الکامل فی الحدیث الصحیح الشامل سے اسے مرتب کیا ہے اور اس میں فقط سیرت النبی سے ہی احادیث نہیں لی گئیں جیسا کہ اصل الجامع الکامل اور تلخیص الجامع الکامل میں ہے بلکہ اس کتاب میں احادیث پوری الجامع الکامل فی الحدیث الصحیح الشامل سے لی گئی ہیں اور اس میں ان احادیث کے اصل نمبر بھی شامل ہیں اور اسی طرح اس کتاب کے مطابق احادیث کے نمبر لگائے گئے ہیں اور اس کتاب کو شیخ رحمہ اللہ کی خواہش کے مطابق مرتب کیا گیا ہے یعنی پہلے اس کی تلخیص اور پھر اس کا ترجمہ کیا گیا ہے تاکہ عوام الناس اور طلاب علم سیرت کے نقوش کا مطالعہ کرکے اسے جان سکیں اور اس کا ترجمہ عام فہم ہے اور بھرپور کوشش کی گئی ہے کہ اسے اغلاط سے پاک رکھا جائے لیکن بشر ہونے کے ناطے غلطیاں رہ جانے کا امکان ہے لہٰذا آپ کوئی کمی و کوتاہی پائیں تو ہمیں اطلاع کریں تاکہ آئندہ ایڈیشن میں تصحیح کرلی جائے اور ہم اس پر آپ کے مشکور ہونگے۔

شیخ رحمہ اللہ نے اس کتاب کو سیرت، سوانح، اوصاف اور اخلاقیات کے متعلق معرفت حاصل کرنے کے لیے مرتب کیا ہے اور اس کی ابتدا دور جاہلیت کے متعلق حدیث سے کی اور اس کو احادیث کے سُچے موتیوں سے پرونا شروع کیا اور ولادت با سعادت سے ہوتے ہوئے جوانی اور نکاح اور اولاد اور وحی کے نزول سے ہجرت اور غزوات اور حجۃ الوداع اور زندگی کے آخری ایام

آخری باب شیخ رحمہ اللہ نے خصوصی طور پر مرتب کیا ہے جس میں یہ ذکر ہے کہ بڑے بڑے ادیان کی کتب یا ادیان میں سیدالاولین و الآخرين صلی اللہ علیہ وسلم کا تذکرہ کہاں کہاں ہوا ہے اور آپ کے متعلق کیا کہا گیا ہے؟ یہ سیرتِ مصطفیٰ صلی اللہ علیہ وسلم پر مبنی صحیح احادیث پر مشتمل انسائیکلوپیڈیا آپ کے ہاتھوں میں ہے اور جو آپ کو بعض تقاریر و تحاریرکے لیے اور مبارک اسوہ اپنانے کے لیے بہت معاون اور مددگار ثابت ہوگا اوراس کتاب پر اصل اور مفصل مقدمہ آئندہ صفحات پر آرہا ہے جو استاد محترم محدث مدینہ شیخ محمد عبداللہ اعظمی رحمہ اللہ کے محدثانہ انداز میں ہے اور آپ اس سے بھرپور علمی استفادہ کریں گے إن شاء اللہ

#سیرتﷺ_کے_نقوش

#الجامع_الکامل

#خیرالقرون

#سعیدیات

أبــــــــو حــــــــن، میـــــــاں سـعیـــــــــد

 

[ملک سکندر نسوآنہ]

سیرۃ المصطفیٰ الصحیحۃ علی منھج المحدثین مترجم اردو

1۔ یہ کتاب انسانی دنیا میں سیرةالبنیﷺ‎ پر سب سے مستند کتاب ہے۔
2۔ عربی میں سیرةالبنی ﷺ‎ پر کئی کتب ”صحیح سیرةالبنی ﷺ“‎ کے نام سے چھپی ہیں لیکن ان میں ضعیف احادیث بھی ہیں اور وہ جامع بھی نہیں ہیں۔ مثلاً ڈاکٹر محمدصویانی ، شیخ محمد بن رزق طرھوني ، شیخ ابراھیم العلي ، ڈاکٹر اکرم ضیاء العمري اور ڈاکٹر محمدعلی صلابي کی کتب۔
3۔ محسن ملت اسلامیہ محدث کبیر محمد عبدالله ضیاءالرحمان اعظمی رحمہ اللہ کی یہ کتاب ”سیرۃ المصطفیٰ الصحیحۃ“ سب سے زیادہ جامع اور صحیح ہے۔