صدارتی مدت کے بعد زرداری پاکستان چھوڑنے کیلئے تیار

[کنعان]

صدارتی مدت کے بعد زرداری پاکستان چھوڑنے کیلئے تیار
​

اسلام آباد: پاکستانی صدر آصف علی زرداری آٹھ ستمبر کو صدرارتی مدت ختم ہونے کے بعد کرپشن کیسز کے ری اوپن ہونے ڈر اور سیکورٹی خدشات کی بناء پر پاکستان چھوڑ کر چلے جائیں گے۔

پاکستان کے انگریزی روزنامے ڈان کے مطابق صدر زرداری کو مشورہ دیا گیا ہے کہ وہ اپنی زندگی کو درپیش سنگین خطرات کے باعث ملک چھوڑ کر چلے جائیں۔

رپورٹ کے مطابق صدر زرداری کی ملک سے روانگی کی سب سے اہم وجہ کرپشن کیسز کا دوبارہ ری اوپن ہو سکتا ہے، کیونکہ سپریم کورٹ نے پہلے ہی سوئٹزرلینڈ میں پیپلزپارٹی کے شریک چیئرمین کے خلاف کیس دوبارہ کھلنے کی سماعت شروع کر دی ہے۔

رپورٹ میں کہا گیا ہے کہ آصف زرداری کے قانونی مشیروں کو معلوم ہے کہ صدارتی مدت ختم ہوتے ہی وہ صدارتی استثنیٰ کی ڈھال سے محروم ہو جائیں گے۔

رپورٹ میں بتایا گیا ہے کہ کراچی میں چیف سیکورٹی آفیسر بلال شیخ کی ہلاکت صدر زرداری اور ان کے خاندان کے لئے ویک اپ کال ہے، کیونکہ صدر کے عہدے سے ہٹنے کے بعد آصف زرداری کو بہت زیادہ سیکورٹی حاصل نہیں ہو گی اور وہ آسان ہدف ثابت ہو سکتے ہیں۔

رپورٹ میں پیپلزپارٹی کے ایک رہنماء کے حوالے سے کہا گیا ہے کہ گزشتہ پانچ سال کے دوران صدر کی عوامی تقاریب میں شرکت بہت کم رہی ہے، وہ زیادہ تر اپنے بنکر میں رہنے کو ترجیح دیتے ہیں، صدارتی مراعات سے محروم ہونے کے بعد وہ پاکستان میں رہنا پسند نہیں کریں گے۔

دی نیوز ٹرائب: Hadi Aziz Jul 15th, 2013

 

[اسحاق]

شیرنگ کا شکریه،
یہی تو کرنا ہی ہے زرداری صاحب نے.

 

[محمد آصف مغل]

دراصل وہ اپنے اصل وطن کو لوٹ جائیں گے تاکہ
نہ رہے بانس نہ بجے بانسری
لیکن
اللہ! مالک یوم الدین نے
جب پکڑا تو کوئی بھی چھڑا نہیں سکے گا۔ نہ اجمیر والے بابا جی اور نہ سندھ والے نہ کوئی شہباز ہو گا نہ کسی کی پرواز ہو گی۔
اس دن
للہ الواحد القہار کی عدالت میں
زرداری صاحب کو اکیلے ہی جواب دینا ہو گا
شاید ہمارا ہاتھ بھی ان کے گریبان پر ہو گا کہ
اس شخص نے ہم پر حکومت کی اور اسلام کے قوانین سے ہمیشہ اس نے دور رکھا۔
ہم چاہتے تھے کہ ملک میں اسلام نافذ ہو۔ یہ چاہتا تو بآسانی یہ کام کر سکتا تھا لیکن اس نے کیا کیا اسی بات کا جواب چاہیئے۔
دیگر جن لوگوں کے حقوق اس شخص نے غصب کئے ہیں، جتنے لوگ اپنی سیاست کی بھینٹ چڑھائے ہیں، ان سب کا ہاتھ بھی اس پر ہو گا اور وہ اپنے اپنے حقوق کا مطالبہ احکم الحاکمین سے اس وقت کریں گے جب نہ تو یہ صدر ہو گا اور نہ اس کےپاس کوئی مال و دولت ہو گی نہ کسی کی دوستی کام آئے گی۔ نہ کوئی وزیر نہ کوئی مشیر ہو گا۔ یہ اکیلا اللہ کے کٹہرے میں کھڑا اپنی رعایا کے حقوق ادا کرے گا۔

یاد رکھو زرداری!
کم از کم میں تو تمہیں کبھی معاف نہیں کروں گا۔ کیونکہ میں گواہی دیتا ہوں کہ تو نے ایسے کام کئے ہیں جن کی وجہ سے قبوری شرک کی سرپرستی ہوئی۔

ہاں اگر اب بھی تو سچی توبہ کر لے اور اپنی موت سے پہلے پہلے سب کے حقوق ادا کر دے اور اللہ کی چوکھٹ پر آجائے جیسا کہ اس نے قرآن و سنت میں بیان فرمایا ہے۔ تو پھر ہمیں امید ہے کہ میرا اور تیرا رب تجھ پر رحم فرما دے گا۔

 

[حسن شبیر]

یہ ہونا ہی تھا۔
ہماری بدنصیبی باہر سے آتے ہیں من مرضی کی حکومت کر کے آرام سے چلے جاتے ہیں
اور ہم ہیں کہ جیئے بھٹو کے نعرے ہی مارتے رہ جاتے ہیں۔ پتا نہیں ہم کب جاگیں گے۔