ضرورت کے تحت بغیر اجازت کسی کی کوئی چیز اٹھانا

[محمد ارسلان]

السلام علیکم
اگر ضرور کے تحت کسی کی کوئی چیز اٹھا کر استعمال کر لی جائے اور پھر نئی لے کر واپس اسی جگہ رکھ دی جائے اوراس آدمی کو نہ بتایا جائے تو کیا یہ چوری کے زمرے میں آئے گا؟

 

[ابوالحسن علوی]

اگر تو جس کی چیز اٹھائی ہے، اس سے آپ کے تعلق کی نوعیت ایسی ہے کہ وہ اس کا برا نہیں منائے گا تو اس میں کوئی حرج نہین ہے اور یہ عرفا جائز ہے جیسا کہ بہن یا بھائی یا قریبی دوست کی معمولی نوعیت کی چیزیں استعمال کر لینا وغیرہ

اور اگر تو جس کی چیز استعمال کی ہے، اس کے ساتھ تعلق کی نوعیت ایسی ہے کہ وہ اس کا برا منائے گا تو ایسی صورت میں اس کی چیز کا استعمال اس کی اجازت کے بغیر جائز نہیں ہے۔ اور اگر اس کی اجازت کے بغیر استمعال کر لی ہے تو اسے خبر دے دے اور ویسی ہی شیئ واپس بھی کر دے۔

چوری یا سرقہ کی اصطلاحی تعریف ہے کہ جس کے مطابق مال محفوظ کو اٹھانے کا نام چوری ہے، اس کے مطابق یہ عمل اگرچہ اصطلاحا ایسی چوری تو نہیں کہلاتا لیکن شرعا ناجائز ضرور ہے۔
جزاکم اللہ خیرا
جزاکم اللہ خیرا

 

[محمد ارسلان]

جزاک اللہ خیرا