ضعیف احادیث سے متعلق چند سوالات

[مزمل حسین]

ایک بھائی نے مجھ سے کچھ اس طرح کا سوال کیا ہے۔ علماء سے گزارش ہے کہ اس کا تفصیلی جواب دیں
سوال : " ضعیف احادیث اور موضوع احادیث میں کیا فرق ہے؟ ضعیف حدیث اگر کسی درجے میں معتبر نہیں تو صحاح ستہ کے مئولفین نے ضعیف حدیثوں کو کیوں جگہ دی؟ آج اگر کوئ فرقہ یا شخص ان حدیثوں کو نئے سرے سے مرتب کرتا ہے اور ترمذی دو حصوں میں تقسیم کر دیتا ہے۔ صحیح ترمذی اور ضعیف ترمذی تو کیا وہ محدثین کے اس مسلک کے خلاف نہیں چلا کہ صحیح و ضعیف سب ایک جگہ جمع ہونی چاہئیں تا کہ ضعیف حدیث میں تبیین اور دوسرے قرائن میں درجہ اعتبار میں آسکتی ہیں۔"

 

[کفایت اللہ]

ہمارے خیال سے اس سوال کے پیچھے اصل اعتراض یہ ہے کہ علامہ البانی رحمہ اللہ نے بعض کتب احادیث کی تحقیق کرتے ہوئے ان کی احادیث کو دو حصوں میں کیوں تقسیم کیا ؟
اس جواب یہ کہ اس طرح کا اعتراض کرنے والے حددرجہ حماقت میں مبتلا ہی کیونکہ ان بے چاروں کو اتنی بھی عقل نہیں کہ محدثین کی کتابوں اورعلامہ البانی رحمہ اللہ کی کتابوں میں تفریق کرسکیں ۔
مثلا سنن ابی داؤد جو امام ابوداؤد کی کتاب ہے ۔ یہ کتاب جوں کی توں آج بھی اپنی اصلی شکل میں موجود ہے علامہ البانی رحمہ اللہ نے اس میں کوئی تبدیلی نہیں کی ہے۔
البتہ اس کی احادیث کی تحقیق کرتے ہوئے علامہ البانی رحمہ اللہ نے جو دو حصے شائع کئے ہیں تو یہ امام ابوداؤد کی کتاب نہیں ہے بلکہ علامہ البانی رحمہ اللہ کی اپنی کتاب ہے۔جس میں انہوں نے اپنی تحقیق پیش کی ہے۔
اس بارے میں مزید تفصیل ہم نے اس مراسلہ (نمبر2) میں پیش کی ہے ملاحظہ ہو:
http://forum.mohaddis.com/threads/صحیح-بخاری-میں-کتاب-الادب-اور-الادب-المفرد-للبخاری.928/#post-4665