ظلم کا ساتھ دینا

[عاصم]

جو شخص کسی ظلم کے موقع پر موجود ہو مگر وہ اس پر راضی نہ ہو(براءت کا اظہار کرے) وہ ایسا ہے جیسا وہاں موجود ہی نہیں(یعنی اس ظلم میں اس کا کوئی حصہ نہیں)اور جو شخص کسی دوسرے مقام پر تھا اسے اس ظلم کی خبر پہنچی اور اس نے کہا خوب ہوا تو وہ ایسا ہے جیسا اس موقع پر موجود اور ظلم میں شریک ہو۔
کیا یہ کوئی حدیث ہے؟ اگر ہے تو ازراہِ کرم اس کا حوالہ عنایت فرمائیں۔
جزاک اللہ خیرا

 

[کفایت اللہ]

اس طرح کی کوئی حدیث تو مجھے نہیں معلوم ۔
لیکن یہ کہنا درست نہیں ہے کہ کسی سامنے ظلم ہوا اور وہ شخص ظلم میں شریک نہیں تھا تو اس کی کوئی غلطی نہیں ۔
کیونکہ ایک روایت کے مطابق ایک شخص کو قبر میں اس لئے عذاب ہوگا کہ اس کے سامنے کسی پر ظلم ہوا اور اس نے طاقت رکھنے کے باوجود بھی اس کی مدد نہیں کہ :
ایسے شخص کو قبر میں جب کوڑے پڑیں گے اور وہ وجہ پوچھے گا توفرشتے جواب دیں گے :
إنك صليت صلاة واحدة بغير طهور، ومررت على مظلوم فلم تنصره
تو نے بغیر طہارت کے نماز پڑھی اور تیرا گذر مظلوم کے پاس سے ہوا لیکن تو نے اس کی مدد نہ کی [سلسلة الأحاديث الصحيحة وشيء من فقهها وفوائدها 6/ 640]۔

علامہ البانی رحمہ اللہ نے اس حدیث کی تخریج کرکے اسے صحیح کہا ہے دیکھیں: [سلسلة الأحاديث الصحيحة وشيء من فقهها وفوائدها 6/ 640 رقم 2774]