محمد ابرار شاہ
مبتدی
- شمولیت
- دسمبر 26، 2011
- پیغامات
- 18
- ری ایکشن اسکور
- 55
- پوائنٹ
- 0
السلام علیکم ورحمة اللہ وبرکاتہ ۔ علم جاننے کا نام ہے۔ پہچان ، فنون ، معلمومات کو علم نہیں کہا جاتا ۔ علم کی بنیادی طور پر دو اقسام ہیں ۔ نافع اور غیر نافع ۔ دین اسلام وہ واحد دین ہے جس نے علم کی مکمل بنیاد رکھی، علم کی حیثیت و حقیقت ، معلم کی فضیلت اور ذمہ داریاں ، طالب علم کی اہمیت و مقام، علم سیکھنے کے آداب، نظام تعلیم کے خدوخال، نصاب تعلیم کے ضروری امور کو پیش کیا ۔ مدون کیا ، اور اسکے عملی تقاضوں کی طرف رہنمائی کی ۔ اور رسول اللہ صلی اللہ علیہ وسلم کو معلم بناکر مبعوث کیا گیا۔ آپ جو علم لیکر آئے وہی علم نافع ہے ۔ اسی علم نافع کی وجہ سے انسان شرک و بدعت ، گمراہی وضلالت ، پستی و ذلت اور شیطانی مکر و فریب سے بچ سکتا ہے اور دنیا میں امن، سکون، اللہ کا تقرب اور رحمت کا مستحق بن سکتا ہے ، بلکہ اس سب سے بڑا فائدہ یہ ہے کہ انسان جو بھی عمل کریگا اسے یہ یقین ہوگا کہ وہ اللہ کی رضا اور حکم پر عمل پیرا ہے ، اور رسول اللہ صلی اللہ علیہ وسلم کی سنت کے عین مطابق عمل کر رہا ہے ۔ اور اس سے آپس کے اختلافات ختم ہو جائیں گے ، اور اتحاد و اتفاق پیدا ہوجائے گا ، گمراہ فرقوں کی شناخت اور پہچان اور ان سے بچاؤ ممکن ہوجائے گا۔ دنیا میں امن و محبت قائم ہوگا ۔ آخرت میں اللہ کی رضا اور اسکی نعمتوں کی رسائی ، اور جنت مین داخلہ ہوسکے گا۔ اور اپنے پیارے نبی صلی اللہ علیہ وسلم کے دست مبارک سے جام کوثرپینے کا شرف مل سکتا ہے ۔ اسکے متعلق مزید تفصیل آئیندہ بیان کی جائے گی ۔ کچھ عرصہ سے طبیعت ناساز تھی اور ابھی بھی ہے ، لہذا کچھ لکھ نہ سکا۔ اللہ تعالی ہمیں علم نافع سمجھنے ، سیکھنے اور عمل کی توفیق عطا فرمائیں۔