غریب خاکروبہ کی 1 لاکھ ریال کی لاٹری نکل آئی

[کنعان]

غریب خاکروبہ کی 1 لاکھ ریال کی لاٹری نکل آئی​

ریاض (نیوز ڈیسک) دمام شہر سے تعلق رکھنے والی ایک غریب سعودی دوشیزہ نے اس محاورے کو سچ کر دکھایا ہے کہ مسلسل محنت اور تک ودو انسان کی زندگی بدل دیتی ہے۔

سعودی وزارت محنت نے ملک کے غریب لیکن محنت پسند نوجوانوں کی حوصلہ افزائی کیلئے "اصرار ایوارڈ" کے نام سے ایک انعامی سکیم شروع کر رکھی ہے۔

سعیدہ نے بھی اصرار ایوارڈ کیلئے تگ ودو شروع کی' بالآخر وزارت محنت نے اسکی محنت کو تسلیم کیا اور اسکی لاٹری نکل آئی۔ غربت کے باعث سعیدہ گریجوایشن ادھوری چھوڑ کر ایک ادارے میں خاکروبہ بھرتی ہو گئی۔

اس نے کچھ عرصہ خاتون سکیورٹی اہلکار کے طور پر بھی کام کیا۔ وہاں اس کا ماہانہ معاوضہ ایک ہزار ریال سے زیادہ نہ تھا۔ ماہانہ تنخواہ کا ایک بڑا حصہ بس کے کرائے میں چلا جاتا لیکن ان تمام تر مشکلات کے باوجود سعیدہ نے بہتر سے بہتر کی تلاش جاری رکھی۔ اس دوران اس نے گریجوایشن مکمل کی اور ایک سکول میں تدریس بھی شروع کر دی۔

جب اسے پتہ چلا کہ حکومت مسلسل محنت کر کے اپنی زندگی میں بدلنے والوں کو انعام دیتی ہے تو اس نے بھی قسمت آزمائی کی اور خوش قسمتی سے ایک لاکھ ریال کی لاٹری جیت گئی۔

ح