فائبر آپٹک کیبل میں خرابی، پاکستان میں انٹرنیٹ کی رفتار انتہائی کم ہو گئی

[کنعان]

فائبر آپٹک کیبل میں خرابی، پاکستان میں انٹرنیٹ کی رفتار انتہائی کم ہو گئی

25 جون 2015

اسلام آباد (مانیٹرنگ ڈیسک) اگر آپ کو پاکستان میں سست انٹرنیٹ سپیڈ کا سامنا ہے تو اس مشکل میں صرف آپ ہی گرفتار نہیں بلکہ تمام ملک میں ہی انٹرنیٹ کی سپیڈ بہت زیادہ سست ہو چکی ہے۔

ٹیکنالوجی کی دنیا کے ماہرین کا کہنا ہے کہ SEAMEWE4 جو پاکستان میں انٹرنیٹ کی سب سے اہم ترین فائبر آپٹک کیبل ہے میں پرابلم پیدا ہو چکی ہے جس کی وجہ سے انٹرنیٹ بہتر طریقے سے کام نہیں کر رہا۔

ذرائع کا کہنا ہے کہ کراچی کے نزدیک زیر سمندر گزرنے والی فائبر آپٹک کیبل میں خرابی پیدا ہو گئی ہے جس کی وجہ سے ملک بھر میں صارفین کو مسائل کا سامنا ہے۔ ایک اہلکار کا کہنا تھا کہ خرابی کی نشاندہی ہو چکی ہے اور اسے ٹھیک کرنے کے لئے کام شروع ہے لیکن حتمی طور پر نہیں کہا جا سکتا کہ یہ مسئلہ مکمل طور پر کب ٹھیک ہوسکے گا۔ اس کا کہنا تھا کہ بینڈ وڈتھ کو متبادل کیبل پر شفٹ کر دیا گیا ہے لیکن اس کی وجہ سے انٹرنیٹ کی رفتار بہت سست ہو گئی ہے۔

ح

 

[محمد نعیم یونس]

السلام علیکم ورحمۃ اللہ وبرکاتہ!
الحمد للہ! موبائل نیٹ پر رفتار ٹھیک ہے۔

 

[ابن قدامہ]

سبمرین کیبل میں ایک دفعہ پھر خرابی کے باعث اس وقت پاکستان میں بھی انٹرنیٹ شدید متاثر ہے۔
انہتر ملی میٹر قطر کی حامل اس کیبل سے دنیا کا ننانوے فیصد انٹرنیٹ ٹریفک گزرتا ہے۔ انٹارکٹیکا کے علاوہ دنیا کے تمام براعظم اس کیبل کی وجہ سے جڑے ہوئے ہیں۔ انتہائی اہمیت کی حامل اس کیبل کے حفاظتی اقدامات آپ تصویر سے اندازہ لگا سکتے ہیں

 

[محمد نعیم یونس]

السلام علیکم ورحمۃ اللہ!
سبحان اللہ!
بال جیسے باریک فائبر میں سے لاکھوں آوازیں، تصویریں، لا تعداد ڈاٹا ایک سیکنڈ میں روشنی کی صورت میں ایک جگہ سے دوسری جگہ منتقل ھو جاتا ہے۔

 

[خضر حیات]

میرے پاس بھی نیٹ کافی ’’ سست ‘‘ ہے ۔