قرآن مجید کا رسم وضبط

[عبد الرشید]

کتاب کا نام

قرآن مجید کا رسم وضبط

مصنف

الدکتور شعبان محمد اسماعیل

مترجم

قاری محمد مصطفیٰ راسخ

ناشر

کلیۃ القرآن الکریم والتربیۃ الاسلامیہ

​

تبصرہ​

زیر نظر کتاب جامعہ ازہر اور جامعہ ام القریٰ کے استاد دکتور شعبان محمد اسماعیل کی کاوش ہے۔ جنھوں نے اس میں ایک منفرد اور دلکش اسلوب میں علم الرسم اور علم الضبط کی شرعی حیثیت کو اجاگر کرنے کی کوشش کی ہے اور اہل علم کے مختلف مذاہب کوبیان کرنے کے بعد راجح مسلک کو واضح فرمایا ہے۔ کتاب چونکہ اردو دان طبقہ کے لیے بھی بہت زیادہ مفید تھی اس لیے محترم قاری محمد مصطفیٰ صاحب نے اس کو اردو قالب میں منتقل کیا ہے۔ کتاب میں مصحف قرآنی کے رسم و ضبط سے متعلق مباحث مثلاً عربی کتابت اور رسم عثمانی سے اس کا تعلق، جمع صدیقی، نسخ عثمانی، اسباب و منہج، مصاحف عثمانیہ کی سبعہ احرف پر مشتمل ہونے کی کیفیت، رسم عثمانی کی توقیفیت و عدم توقیفیت، ضبط قرآن کا مفہوم اور اسباب اور تقسیم مصحف وغیرہ پر مشتمل ہے اور اس میں دلائل کی روشنی میں رسم عثمانی و ضبط مصاحف کی شرعی حیثیت کو واضح کیا گیا ہے۔ حافظ صاحب کی اس سے قبل علم الضبط اور علم الرسم پر الگ الگ کتب زیور طباعت سے آراستہ ہو کر منظر عام پر آ چکی ہیں جن میں سے ہم ’علم الضبط‘ کتاب و سنت ڈاٹ کام پر پیش کر چکے ہیں اور ’علم الرسم‘ بھی عنقریب اپلوڈ کر دی جائے گی۔ زیر مطالعہ کتاب ان علوم کی شرعی حیثیت اور ان کی توقیفیت و عدم توقیفیت کے حوالے سے بنیادی مباحث کو اپنے اندر سمیٹے ہوئے ہے۔(ع۔م)
اس کتاب قرآن مجید کا رسم وضبط کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[عبد الرشید]

فہرست مضامین
عرض مترجم
مقدمہ
عربی کتابت اور رسم عثمانی سے اس کا تعلق
جمع صدیقی ،اسباب ومنہج
عہد عثمانی میں نسخ مصاحف اسباب ومنہج
نسخ مصاحف کے اسباب
مصاحف عثمانیہ کا اسلوب ومنہج
مصاحف عثمانیہ کی احرف سبعہ پر مشتمل ہونے کی کیفیت
جدید دور طباعت میں مصاحف پر اس رسم کی تطبیق کی کیفیت
رسم عثمانی کے قواعد اور اہل علم کا موقف
قواعد رسم عثمانی کے اسر ار ورموز
رسم عثمانی کی توقیفیت
مذمورہ مذاہب ثلاثہ کے دلائل
رسم عثمانی سے متعلق مجالس فقہیہ کے فیصلے
مجمع البحوث الاسلامیہ بالازہر الشریف کا فیصلہ
الضبط، اس کا مفہوم اور اسباب
قواعد ضبط اپنی آخری صورت میں
اصطلاحات الضبط
علامات وقف
خاتمۃ البحث
مراجع البحث