لاعلمی بھی ایک نعمت ہی ہے۔۔

[عمر السلفی۔]

اگر ہمیں علم ہو جائے کہ جس گوشت والے سے ہم جو گوشت خرید کر گھر لاتے اور مزے لے لے کر کھاتے ہیں۔۔ وہ جانور کیسا تھا۔۔ کیسے ذبح کرکے اس کا گوشت کس ماحول میں بنایا گیا۔۔ تو شاید ہم گوشت کھانا ہی چھوڑ دیں۔۔

اگر ہمیں معلوم ہو جائے کہ جس بیکری سے ہم کیک بسکٹ لیتے ہیں وہ لوگ یہ سامان کیسے اور کس ماحول میں تیار کرکے ہمیں دیتے ہیں تو ان چیزوں کو منہ نہ لگائیں۔۔

اگر ہم دیکھ سکیں کہ جس مچھلی والے کی مچھلی لینے کےلیے لمبی لائن میں لگنا پڑتا ہے وہ کس ماحول میں اسے رکھتے ہیں تو بندہ اس سے متنفر ہو جائے۔۔

ایسی لاتعداد مثالیں مختلف اشیاء کے بارے میں دی جا سکتی ہیں۔۔

یہاں کئی دوست کہیں گے کہ لوگ یہ سب ٹی وی پر مختلف پروگراموں میں دیکھ چکے ہیں۔۔ پھر بھی کھانے سے باز نہیں آتے۔۔

مسئلہ یہ ہے کہ ہم یہ سمجھ کر چیزیں خریدتے ہیں کہ جو میں خرید رہا ہوں یہ صاف ہے۔۔ گندی چیزیں تو دوسروں کے حصے میں آئی ہوں گی۔۔

بشارت حمید