لڑنا فرض کرديا گيا ہے

[رانا اویس سلفی]

﷽

(مسلمانو) تم پر (خدا کے رستے ميں) لڑنا فرض کرديا گيا ہے وہ تمہيں ناگوار تو ہوگا مگر عجب نہيں کہ ايک چيز تم کو بري لگے اور وہ تمہارے حق ميں بھلي ہو اور عجب نہيں کہ ايک چيز تم کو بھلي لگے اور وہ تمہارے لئے مضر ہو. اور ان باتوں کو) خدا ہي بہتر جانتا ہے اور تم نہيں جانتے2:216

اور (مسلمانو) خدا کي راہ ميں جہاد کرو اور جان رکھو کہ خدا (سب کچھ) جانتا ہے 2:244

تو جو لوگ آخرت (کو خريدتے اور اس) کے بدلے دنيا کي زندگي کو بيچنا چاہتے ہيں اُن کو چاہيئے کہ خدا کي راہ ميں جنگ کريں اور جو شخص خدا کي راہ ميں جنگ کرے اور شہيد ہوجائے يا غلبہ پائے ہم عنقريب اس کو بڑا ثواب ديں گے 4:74

اور تم کو کيا ہوا ہے کہ خدا کي راہ ميں اور اُن بےبس مردوں اور عورتوں اور بچوں کي خاطر نہيں لڑتے جو دعائيں کيا کرتے ہيں کہ اے پروردگار ہم کو اس شہر سے جس کے رہنے والے ظالم ہيں نکال کر کہيں اور لے جا. اور اپني طرف سے کسي کو ہمارا حامي بنا. اور اپني ہي طرف سے کسي کو ہمارا مددگار مقرر فرما 4:75

جو مومن ہيں وہ تو خدا کے لئے لڑتے ہيں اور جو کافر ہيں وہ بتوں کے لئے لڑتے ہيں سو تم شيطان کے مددگاروں سے لڑو. (اور ڈرو مت) کيونکہ شيطان کا داؤ بودا ہوتا ہے 4:76

بھلا تم نے ان لوگوں کو نہيں ديکھا جن کو (پہلے يہ) حکم ديا گيا تھا کہ اپنے ہاتھوں کو (جنگ سے) روکے رہو اور نماز پڑھتے رہو اور زکو?ة ديتے رہو پھر جب ان پر جہاد فرض کرديا گيا تو بعض لوگ ان ميں سے لوگوں سے يوں ڈرنے لگے جيسے خدا سے ڈرا کرتے ہيں بلکہ اس سے بھي زيادہ اور بڑبڑانے لگے کہ اے خدا تو نے ہم پر جہاد (جلد) کيوں فرض کرديا تھوڑي مدت اور ہميں کيوں مہلت نہ دي (اے پيغمبر ان س)ے کہہ دو کہ دنيا کا فائدہ بہت تھوڑا ہے اور بہت اچھي چيز تو پرہيزگار کے لئے (نجات) آخرت ہے اور تم پر دھاگے برابر بھي ظلم نہيں کيا جائے گا 4:77

(اے جہاد سے ڈرنے والو) تم کہيں رہو موت تو تمہيں آ کر رہے گي خواہ بڑے بڑے محلوں ميں رہو اور ان لوگوں کو اگر کوئي فائدہ پہنچتا ہے تو کہتے ہيں يہ خدا کي طرف سے ہے اور اگر کوئي گزند پہنچتا ہے تو (اے محمد? تم سے) کہتے ہيں کہ يہ گزند آپ کي وجہ سے (ہميں پہنچا) ہے کہہ دو کہ (رنج وراحت) سب الله ہي کي طرف سے ہے ان لوگوں کو کيا ہوگيا ہے کہ بات بھي نہيں سمجھ سکتے 4:78

تو (اے محمد?) تم خدا کي راہ ميں لڑو تم اپنے سوا کسي کے ذمہ دار نہيں اور مومنوں کو بھي ترغيب دو قريب ہے کہ خدا کافروں کي لڑائي کو بند کردے اور خدا لڑائي کے اعتبار سے بہت سخت ہے اور سزا کے لحاظ سے بھي بہت سخت ہے 4:84

اور (اے پيغمبر) جب تم ان (مجاہدين کے لشکر) ميں ہو اور ان کو نماز پڑھانے لگو تو چاہيئے کہ ان کي ايک جماعت تمہارے ساتھ مسلح ہو کر کھڑي رہے جب وہ سجدہ کرچکيں تو پرے ہو جائيں پھر دوسري جماعت جس نے نماز نہيں پڑھي (ان کي جگہ) آئے اور ہوشيار اور مسلح ہو کر تمہارے ساتھ نماز ادا کرے کافر اس گھات ميں ہيں کہ تم ذرا اپنے ہتھياروں اور سامان سے غافل ہو جاؤ تو تم پر يکبارگي حملہ کرديں اگر تم بارش کے سبب تکليف ميں يا بيمار ہو تو تم پر کچھ گناہ نہيں کہ ہتھيار اتار رکھو مگر ہوشيار ضرور رہنا خدا نے کافروں کے لئے ذلت کا عذاب تيار کر رکھا ہے 4:102

اور کفار کا پيچھا کرنے ميں سستي نہ کرنا اگر تم بےآرام ہوتے ہو تو جس طرح تم بےآرام ہوتے ہو اسي طرح وہ بھي بےآرام ہوتے ہيں اور تم خدا سے ايسي ايسي اميديں رکھتے ہو جو وہ نہيں رکھ سکتے اور خدا سب کچھ جانتا اور (بڑي) حکمت والا ہے 4:104

اے اہل ايمان جب ميدان جنگ ميں کفار سے تمہار مقابلہ ہو تو ان سے پيٹھ نہ پھيرنا8:15

کہہ دو کہ اگر تمہارے باپ اور بيٹے اور بھائي اور عورتيں اور خاندان کے آدمي اور مال جو تم کماتے ہو اور تجارت جس کے بند ہونے سے ڈرتے ہو اور مکانات جن کو پسند کرتے ہو خدا اور اس کے رسول سے اور خدا کي راہ ميں جہاد کرنے سے تمہيں زيادہ عزيز ہوں تو ٹھہرے رہو يہاں تک کہ خدا اپنا حکم (يعني عذاب) بھيجے. اور خدا نافرمان لوگوں کو ہدايت نہيں ديا کرتا 9:24

مومنو! تمہيں کيا ہوا ہے کہ جب تم سے کہا جاتا ہے کہ خدا کي راہ ميں (جہاد کے ليے) نکلو تو تم (کاہلي کے سبب سے) زمين پر گرے جاتے ہو (يعني گھروں سے نکلنا نہيں چاہتے) کيا تم آخرت (کي نعمتوں) کو چھوڑ کر دينا کي زندگي پر خوش ہو بيٹھے ہو. دنيا کي زندگي کے فائدے تو آخرت کے مقابل بہت ہي کم ہيں 9:38

اور اگر تم نہ نکلو گے تو خدا تم کو بڑي تکليف کا عذاب دے گا. اور تمہاري جگہ اور لوگ پيدا کر دے گا (جو خدا کے پورے فرمانبردار ہوں گے) اور تم اس کو کچھ نقصان نہ پہنچا سکو گے اور خدا ہر چيز پر قدرت رکھتا ہے 9:39

تم سبکبار ہو يا گراں بار (يعني مال و اسباب تھوڑا رکھتے ہو يا بہت، گھروں سے) نکل آؤ. اور خدا کے رستے ميں مال اور جان سے لڑو. يہي تمہارے حق ميں اچھا ہے بشرطيکہ سمجھو 9:41

جن مسلمانوں سے (خواہ مخواہ) لڑائي کي جاتي ہے ان کو اجازت ہے (کہ وہ بھي لڑيں) کيونکہ ان پر ظلم ہو رہا ہے. اور خدا (ان کي مدد کرے گا وہ) يقيناً ان کي مدد پر قادر ہے 22:39

يہ وہ لوگ ہيں کہ اپنے گھروں سے ناحق نکال ديئے گئے (انہوں نے کچھ قصور نہيں کيا) ہاں يہ کہتے ہيں کہ ہمارا پروردگار خدا ہے. اور اگر خدا لوگوں کو ايک دوسرے سے نہ ہٹاتا رہتا تو (راہبوں کے) صومعے اور (عيسائيوں کے) گرجے اور (يہوديوں کے) عبادت خانے اور (مسلمانوں کي) مسجديں جن ميں خدا کا بہت سا ذکر کيا جاتا ہے ويران ہوچکي ہوتيں. اور جو شخص خدا کي مدد کرتا ہے خدا اس کي ضرور مدد کرتا ہے. بےشک خدا توانا اور غالب ہے 22:40

اور خدا (کي راہ) ميں جہاد کرو جيسا جہاد کرنے کا حق ہے. اس نے تم کو برگزيدہ کيا ہے اور تم پر دين کي (کسي بات) ميں تنگي نہيں کي. (اور تمہارے لئے) تمہارے باپ ابراہيم کا دين (پسند کيا) اُسي نے پہلے (يعني پہلي کتابوں ميں) تمہارا نام مسلمان رکھا تھا اور اس کتاب ميں بھي (وہي نام رکھا ہے تو جہاد کرو) تاکہ پيغمبر تمہارے بارے ميں شاہد ہوں. اور تم لوگوں کے مقابلے ميں شاہد اور نماز پڑھو اور زکو?ة دو اور خدا کے دين کي (رسي کو) پکڑے رہو. وہي تمہارا دوست ہے. اور خوب دوست اور خوب مددگار ہے 22:78

 

[محمد ارسلان]

جزاک اللہ خیرا
قرآن مجید کا عربی متن ساتھ لکھا کریں۔