متنازع دفاعی مبصر زید حامد سعودی عرب میں گرفتار

[کنعان]

متنازع دفاعی مبصر زید حامد سعودی عرب میں گرفتار
نامعلوم جگہ پر منتقل ٗطیبہ بخاری واپس وطن لوٹ آئیں​

معروف پاکستانی تجزیہ کار سعودی عرب میں گرفتار

ریاض (اوصاف ویب ڈیسک) ۔۔۔۔۔۔ پاکستان کے متنازع دفاعی مبصر زید زمان حامد کو سعودی عرب میں گمراہ کن عقائد اور متنازع گفتگو کے بعد گرفتار کرکے نامعلوم جگہ پر منتقل کر دیا گیا، اہلیہ طیبہ بخاری تین ہفتوں تک رہائی کی ناکام کوششوں کے بعد ویزے کی مدت ختم ہونے پر واپس وطن لوٹ آئیں۔

ایک برطانوی خبر رساں ادارے کی رپورٹ کے مطابق زید حامد کے قریبی ذرائع نے بتایا ہے کہ زید حامد کو مدعو کرنے والے ان کے میزبان نے سعودی حکام سے ان کے دورے اور تقریر کی اجازت نہیں لی تھی اور وہاں منعقد ہونے والے ایک پروگرام میں شریک ہونے والے شخص نے اس کے مبینہ طور پر گمراہ کن عقائد اور متنازع گفتگو کے بارے میں حکام کو شکایت کی جس کے بعد گرفتاری کی کارروائی عمل میں لائی۔

ذرائع کے مطابق سعودی پولیس نے زید حامد کو تین ہفتے قبل مکہ میں گرفتار کیا تھا جس کے بعد انہیں نامعلوم مقام پر منتقل کر دیا گیا۔

ذرائع نے بتایاہے کہ زید حامد جے ساتھ ان کی دوسری بیوی اور دست راست طیبہ بخاری بھی تھی جو تین ہفتے تک اپنے شوہر کی رہائی کی ناکام کوششوں کے بعد ویزے کی مدت ختم ہونے پر اب تنہا وطن واپس آئی ہیں۔

دوسری جانب زید حامد کے خاندانی ذرائع نے بھی اس بات کی تصدیق کر دی ہے کہ زید حامد سعودی پولیس کی تحویل میں ہے اور ان سے سعودی عرب مخالف تقریر کے علاوہ ایران کے ساتھ خفیہ رابطوں کے بارے میں تفتیش کی جارہی ہے۔

ح