مدینہ: ہوٹل میں آتشزدگی سے 15 زائرین ہلاک

[کنعان]

مدینہ: ہوٹل میں آتشزدگی سے 15 زائرین ہلاک ​

سعودی عرب میں مسلمانوں کے مقدس مقام مدینہ منورہ کے ایک ہوٹل میں آتشزدگی سے کم از کم 15 زائرین ہلاک ہو گئے ہیں۔

سعودی پریس ایجنسی اور عرب نیوز کے مطابق سنیچر کو پیش آنے والے اس واقعے میں 130 افراد زخمی بھی ہوئے ہیں جنھیں طبی امداد دی جا رہی ہے۔

جس وقت آگ لگی تو ہوٹل میں 700 کے قریب غیر ملکی زائرین موجود تھے۔

خبر رساں ادارے روئٹرز نے مصر کے سرکاری ٹی وی کے حوالے سے کہا ہے کہ ہلاک ہونے والے تمام افراد کا تعلق مصر سے ہے۔

فائر بریگیڈ کے عملے نے ڈھائی گھنٹے کی محنت کے بعد آگ پر قابو پایا ہے

سعودی عرب کی سرکاری نیوز ایجنسی کے مطابق آگ کی وجہ سے متاثرہ ہوٹل کے نزدیک واقع ایک اور ہوٹل کو بھی خالی کروایا گیا۔

ابھی تک آتشزدگی کی وجوہات کے بارے میں معلوم نہیں ہو سکا اور حکام اس کی تحقیقات کر رہے ہیں۔

تصویر
تصویر

ہفتہ 8 فروری 2014