![محدث فورم [Mohaddis Forum]](/styles/default/xenforo/Forum.jpg)
کنعان
فعال رکن
- شمولیت
- جون 29، 2011
- پیغامات
- 3,564
- ری ایکشن اسکور
- 4,425
- پوائنٹ
- 521
مسجد حرام توسیع، دوسرا مرحلہ مکمل ہو گیا: شیخ السدیس
رمضان کے دوران پہلا فلور نمازیوں کے لیے کھول دیا جائے گا
مسجد حرام کی توسیع کے عظیم منصوبے کی دوسرے مرحلے کی تعمیرات تقریبا مکمل ہو گئی ہیں۔ اس تعمیراتی منصوبے میں خانہ کعبہ کے طواف کے لیے بنائے پہلے فلور کی تکمیل بھی شامل ہے۔رمضان کے دوران پہلا فلور نمازیوں کے لیے کھول دیا جائے گا
مطاف کے حوالے سے امید کی جا رہی ہے کہ رمضان کے دوران زائرین کے لیے کھول دیا جائے گا۔ جس کے بعد بڑی تعداد میں لوگ طواف کر سکیں گے۔
یہ بات حرمین الشریفین کے جملہ امور کے لیے قائم مجلس کے سربراہ شیخ عبدالرحمان السدیس نے تعمیرات اور کام کی رفتار کا جائزہ لینے کے بعد بتائی ہے۔ یہ بھی بتایا گیا ہے کہ گراونڈ فلور اور فرسٹ فلور پر جاری توسیعاتی و تعمیراتی کام سو فیصد مکمل ہو چکا ہے۔
اس مکمل کر لیے گئے حصے میں لفٹوں اور خود کار برقی سیڑھیوں کی تنصیب بھی مکمل ہو چکی ہے۔ شیخ عبدالرحمان السدیس نے اس موقع پر بتایا سیکنڈ فلور کا کام بھی 80 فیصد تک مکمل ہو چکا ہے۔
واضح رہے مسجد حرام کی توسیعات کے سلسلے میں دوسرا فیز مطاف کے مشرقی حصے کی تعمیر سے متعلق ہے۔ یہ حصہ باب الفتح سے باب العمرہ تک ہے۔ جہاں تعمیراتی کام چوبیس گھنٹے جاری ہے۔ سعودی بن لادن کمپنی اس توسیعی منصوبے کو دن رات آگے بڑھا رہی ہے۔
یہ بھی معلوم ہوا ہے کہ دوسرے مرحلے میں پچیس ہزار مربع میٹر کا علاقہ منصوبے میں شامل ہے ۔ یہ پہلے مرحلے کے مقابلے میں دوگنا بڑا ہے۔
اعلی حکام کے مطابق دوسرے مرحلے کی تکمیل کے بعد ایک گھنٹے میں 75000 نمازی نماز ادا کر سکیں گے۔ خیال رہے کہ تعمیراتی کمپنی کے کارکن رمضان اور حج کے دوران چار ماہ کے لیے کام بند کر رکھیں گے۔
خادم حرمین الشریفین شاہ عبداللہ کے نام سے موسوم اس توسیعی منصوبے پر ایک سو ارب سعودی ریال لاگت آنے کا تخمینہ ہے۔ جس کے بعد مجموعی طور بیس لاکھ سے زائد لوگ عبادت کر سکیں گے۔
مکہ معظمہ ۔ العربیہ ڈاٹ نیٹ: جمعہ 29 شعبان 1435هـ - 27 جون 2014م