منٰی میں گرج چمک کے ساتھ تیز بارش کا سلسلہ جاری

[کنعان]

منٰی میں گرج چمک کے ساتھ تیز بارش کا سلسلہ جاری​

22 ستمبر 2015 (23:02)
روزنامہ پاکستان

اسپائلر: Picture

مکہ مکرمہ (مانیٹرنگ ڈیسک) منٰی میں تیز ہواﺅں اور گرج چمک کے ساتھ موسلا دھار بارش شروع ہو گئی ہے جس کے بعد ایک حصے میں بجلی کا بڑا بریک ڈاﺅن ہو گیا ہے ۔

میڈیا رپورٹس کے مطابق عازمین حج منٰی میں قائم دنیا کی سب سے بڑی خیمہ بستی میں مشاعر مقدسہ کے مقام پر پہنچ گئے ہیں جہاں تیز ہواﺅں کے ساتھ بارش کا سلسلہ شروع ہو گیا ہے ۔

محکمہ شہری دفاع نے عازمین حج کو احتیاطی تدابیر اختیار کرنے کا حکم دے دیا ہے ۔

دوسری جانب منٰی کے ایک حصے کی بجلی کا بھی بریک ڈاﺅن ہو گیا ہے جہاں گزشتہ ایک گھنٹے سے بجلی منقطع ہے۔

 

[کنعان]

کرین حادثہ میں زخمی عازمین کو حج کی سعادت سے سرفراز کرنے کیلئے خصوصی انتظامات​

22 ستمبر 2015 (21:47)
روزنامہ پاکستان

اسپائلر: Picture

مکہ مکرمہ (محمد اکرم اسد) بیمار اور حرم میں کرین حادثہ میں زخمی ہونے والے عازمین حج کو بھی حج کی سعادت سے سرفراز کرانے کے لئے سعودی حکومت کی طرف سے خصوصی انتظامات کے تحت انہیں مشاعر مقدسہ لے جایا گیا ہے۔

ہر ایمبولینس میں طبی عملہ اور تمام طبی سہولیات موجود ہیں۔ ہر ایمبولینس میں ایک نرس اور ڈاکٹر موجود ہے تاکہ راستے میں مریض کی نگرانی کی جائے۔