"میرا دیس تو ایسا نہیں تھا"

[محمد عامر یونس]

"میرا دیس تو ایسا نہیں تھا"

​

یہ لڑنے جھگڑنے والوں کی بستی
یہ نفرت کی سیاست چالوں کی بستی​

​

یہ آگ اور انگاروں کی دنیا
یہ بندوقوں بموں بھالوں کی بستی​

​

جیسا ہے یہ تو ایسا نہیں تھا
میرا دیس تو ایسا نہیں تھا​

​

بنایا تھا اسکو خوں دے کہ اپنا
سجایا تھا ہم نے مل کہ یہ سپنا​

​

مل کہ ہم نے کیا تھا حاصل
اک ساتھ تھا سب کے دل کا دھڑکنا​

​

اک تھا ،ٹکروں کے جیسا نہیں تھا
میرا دیس تو ایسا نہیں تھا​

​

آندھی بھی آئی ، طوفاں بھی آئے
بادل بھی گرجے ، سیلاب بھی آئے​

​

روکا سب نے دیوار بن کہ
دشمن کے گولے سینے پے کھائے​

​

جینا اور مرنا تو ایسا نہیں تھا
میرا دیس تو ایسا نہیں تھا​

​

کوئی بھوک سے بلکتا نہیں تھا
دکھوں سے کوئی سسکتا نہیں تھا​

​

چوری تو تھی پر ڈاکا نہیں تھا
زردار تھے مگر کوئی اندھا نہیں تھا​

​

مقصد جیون کا پیسا نہیں تھا
میرا دیس تو ایسا نہیں تھا​

​

میرا اللہ ہم کو اتحاد دے دے
اجڑے ہوؤں کو آباد دے دے​

دے دے ہمیں تو رحمتیں اپنی
ٹوٹے دلوں کو تو شاد دے دے​

اللہ سے یوں جدا سا نہیں تھا
میرا دیس تو ایسا نہیں تھا​

 

[محمد ارسلان]

اللہ ہمیں کتاب و سنت پر جمع ہونے کی توفیق عطا فرمائے آمین