میرے مولا تیرا ثانی نہیں سارے زمانے میں!

[اخت ولید]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

​

میرے مولا تیرا ثانی نہیں سارے زمانے میں
تو ہی ہے قادر مطلق سدا اس کارخانے میں

نہ تجھ کو اونگھ آتی ہے نہ تجھ کو نیند آتی ہے
ہے پھر بھی مرضی تیری ساری دنیا کو سلانے میں

سبھی سوتے سے اٹھتے ہی تیری تسبیح کرتے ہیں
ہے کیسی پر اثر دعوت موذن کے جگانے میں

تیری حمد و ثنا کرتے ہیں طائر اپنی بولی میں
کہ تو ہی تو کے گن گاتے ہیں یہ سب چہچہانے میں

سلیماں کو جہاں پر تو نے ہی بادشاہی دی ہے
تو ہی تھا اسکے عالی تخت کو اوپر اڑانے میں

ہیں کرتے رات دن تیری بغاوت یہ تیرے بندے
لگا ہے پھر بھی تو سب کو جہنم سے چھڑانے میں

الٰٰہی معاف کر دے تو فہد کی بھی خطائیں سب
کہ تیرا حق ادا نہ کر سکا وہ اس ترانے میں​

​

آڈیو ٹو یونی کوڈ:اخت ولید​