ناشکری ایک مرض

[عمر السلفی۔]

ناشکری ایک مرض ہے جو انسان کے کردار میں ایسا نقص پیدا کرتی ہے جس سے انسان کو اپنے علاوہ کوئی اور نہیں دکھتا نہ محسوس ہوتا ہے۔ ناشکری کی وجہ سے تکبر، حسد، بغض اور عداوت انسان کا مقدر بن جاتی ہے اور وہ اپنی نعمتوں کے بجائے اوروں کی نعمتوں پر نظر رکھتا ہے۔ ناشکری انسان کو عدم اطمینان کی طرف کھینچتی چلی جاتی جس کے نتیجے میں وہ اسے خود ترسی اور شکایتی بناتی ہے ۔ ناشکرا انسان کبھی بھی کسی حالت میں خوش نہیں رہ سکتا اور ہر حال میں شکوے ہی رکھتا ہے کبھی خالق سے اور کبھی مخلوق سے۔ ناشکری انسان سے اللہ کے کئیے احسان اور لوگوں کے کئیے احسنات کا منکر بناتی ہے اور بجائے اس کے کہ وہ قدر کرتا ایک ناقدرہ کردار وجود میں آتا ہے جو کسی کا خیر نہیں دیکھ سکتا ۔ بے قدرا شخص ناشکری کے مرض کے بدولت اگلے کی ہر نیکی کو پس پشت پھینکتا ہے اور زیادہ کی امید اسے خود غرض اور لالچی بنا دیتی ہے جس کے نتیجے میں اسے اپنے سواہ کوئی اور نہیں دکھتا ۔ انسان کو شکر گزار ہونے کے لئیے ایک احسان بھی کافی ہے، جو ایک نیکی اور بھلائی نہیں دیکھ سکا اصول کے مطابق وہ ہزاروں نیکیوں کا بھی منکر ہوگا جو کسی نے اس کے ساتھ کی ہوتی ہیں ۔ شیطان نے بھی یہی کہا تھا ولا تجد اکثرھم شاکرین کے تو انسانوں کی کثرت کو شکر گزار نہیں پائے گا۔خاندان، ادارے، حکومت نظام اسی ناشکری کی وجہ سے برباد ہوتے ہیں کے لوگوں کو لوگوں کا احسان اور خیر نہیں دکھتا۔ ایسے شخص کو بتانے سے بھی احساس نہیں ہوتا کے اس کے ساتھ کتنی نیکی کی ہے اگلے نے اگر ناشکری کا مرض بڑھ جائے۔ ناشکری ایک تکبر ہے کے انسان سوچتا ہے کےصرف اس کا غم غم ہے ، اس کے مسائل مسائل ہیں ، اس کی تکلیف تکلیف ہے اوروں کا کچھ نہیں ۔انسان کے دو امتحان ہی تو تھے ایک صبرکا دوسرا شکر کا۔اس کا علاج لوگوں کی خیر کو دیکھنا ہے، ان کے احسانات کو ملحوظ خاطر رکھنا ہے، اپنے آپ کو عاجز رکھنا ہے، جو ملا اس پر راضی ہونا ہے، اور ماننا ہے کے خالق نے اور مخلوق نے جو بھی کیا اس کی قدر کرنی چاہئیے۔نفس کی بڑھائی سے بچنا ہے جو اکساتا رہتا ہے کے مجھے اس سے زیادہ ملنا چاہئے۔ یہی ناشکری ظلم اور عداوت کراتی ہے، بڑوں کا چھوٹوں پر تشدد کراتی ہے اورچھوٹوں سے بڑوں کے گریبان چاک کرواتی ہے اور ناشکری ہی ہے جو درگز کرنے نہیں دیتی اور اگلوں کا برا یاد دلاتی رہتی ہے جس کے سبب انسان چھوٹی حرکتوں پر اتر آتا ہے اور اللہ کا بھی نافرمان بنتا ہے اور مخلوق پر بھی ظلم کے پہاڑ ڈھادیتا ہے۔ بدگمانی بھی اسی ناشکری کا ثمر ہے جو منفیت کی طرف کھینچتی ہے انسان کو اور سوء الظن باللہ بھی کراتی ہے اور سوء الظن بالناس بھی۔ [ شیخ عاطف احمد ]