نظر کے فتنہ سے نجات کا طریقہ

[ساجد]

نظر کے فتنہ سے نجات کا طریقہ

ارشادِ باری تعالی ہے :
قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30) وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ (النور:30،31)
’’اے نبیﷺ! مومن مردوں سے کہہ دو کہ وہ اپنی نظریں نیچی رکھا کریں اور اپنی شرمگاہوں کی حفاظت کیا کریں یہ ان کے لیے بڑی پاکیزگی کی بات ہے(اور) جو کام یہ کرتے ہیں ، اللہ ان سے خبردار ہے اور مومن عورتوں سے بھی کہہ دو کہ وہ بھی اپنی نگاہیں نیچی رکھیں اور اپنی شرمگاہوں کی حفاظت کریں۔‘‘
ایک حدیث میں آپﷺ نے فرمایا:
النظرۃ سہم من سہام ابلیس (المستدرک :7875)
’’نظر شیطان کے تیروں میں سے ایک تیر ہے۔‘‘
مذکورہ آیات و حدیث میں جو حکم بیان کیا گیا ہے یہ عام ہے اور خواتین کی تصویروں کے لیے بھی خواہ وہ تصویریں کاغذ پر ہوں یا ٹیلی ویژن وغیرہ کی سکرین پر۔مسلمان کے لیے عورتوں کے چہروں یا پردہ کے مقامات کومجلات یا کسی اور جگہ دیکھنا بھی جائز نہیں ہے ، کیونکہ یہ اسباب فتنہ میں سے ہے۔

 

[محمد ارسلان]

جزاک اللہ خیرا

 

[راجا]

جزاک اللہ جناب۔ یہ نظر کے فتنے سے تو آج کے دور میں بچنا ناممکن کے قریب ہے۔ اللہ ہی جسے بچائے تو بچائے۔۔۔ورنہ تو بس توبہ ہی توبہ ہے۔۔۔۔۔۔۔۔

 

[انس]

جزاک اللہ جناب۔ یہ نظر کے فتنے سے تو آج کے دور میں بچنا ناممکن کے قریب ہے۔ اللہ ہی جسے بچائے تو بچائے۔۔۔ورنہ تو بس توبہ ہی توبہ ہے۔۔۔۔۔۔۔۔

محترم راجا بھائی! اسلام دین فطرت ہے، اور ہر اسلامی حکم عین فطری حکم ہے، جو کبھی بھی نا ممکن نہیں ہوتا، بلکہ لوگوں کیلئے ان کی طاقت سے بڑھ کر مشکل بھی نہیں ہوتا، فرمان باری ہے: ﴿ لا يكلف الله نفسا إلا وسعها ﴾ ... سورة البقرة، کہ ’’اللہ کسی شخص پر اس کی طاقت سے بڑھ کر تکلیف نہیں ڈالتے۔‘‘ نيز فرمايا: ﴿ لا نكلف نفسا إلا وسعها ﴾ ... سورة الأنعام، کہ ’’ہم کسی پر اس کی طاقت سے بڑھ کر تکلیف نہیں ڈالتے۔‘‘ نيز فرمايا: ﴿ يريد الله أن يخفف عنكم ﴾ ... سورة النساء، کہ ’’اللہ تعالیٰ تم سے نرمی کرنا چاہتے ہیں۔‘‘ نيز فرمايا: ﴿ وما جعل عليكم في الدين من حرج ﴾ ... سورة الحج، کہ ’’اللہ تعالیٰ نے تم پر دین میں کوئی تنگی نہیں رکھی۔‘‘ نیز فرمايا: ﴿ يريد اللہ بکم الیسر ولا يريد بكم العسر ﴾ ... سورة البقرةکہ ’’اللہ تعالیٰ تمہارے ساتھ آسانی کا ارادہ کرتے ہیں، مشکل کا ارارہ نہیں کرتے۔‘‘
اگرچہ قوت ارادی کو تو استعمال کرنا ہی پڑتا ہے۔

 

[ابوالحسن علوی]

بعض اہل علم کا یہ بھی کہنا ہے کہ اگر انسان کی غیر ارادی طور پرکسی غیر محرم پر نظر پڑجاءے تو فورا استغفر اللہ کہے تا کہ اس کے اثرات بد زاءل ہو جاءیں۔