نیٹو سپلائی کی دوبارہ کھولنے کا پاکستانی فيصلہ اور امريکی موقف

[tashfin28]

نیٹو سپلائی کی دوبارہ کھولنے کا پاکستانی فيصلہ اور امريکی موقف


امریکی حکومت اور انتظامیہ نیٹو کی سپلائی لائن کو دوبارہ کھولنے کے متعلق پاکستانی قابل ستائش فیصلے کی بہت قدر کرتے ہيں۔ ايک محفوظ ، پرامن اور خوشحال افغانستان اور خطے ميں ہمارے مشترکہ مقاصد کے حصول کی جانب يہ پاکستانی فيصلہ ہمارے باہمی تعاون اور جاری کی کوششوں کا ايک ٹھوس اظہار اور مثال ہے۔ امریکہ اور پاکستان کا باہمی تعاون ہمارے بہت سے مشترکہ مفادات کو آگے بڑھانے کے لئے جاری رہےگا اور دونوں ممالک مل کر کام کرتے رہیں گے اس مد ميں بڑھتی ہوئی تجارت اور سرمایہ کاری کے ساتھ ساتھ ہمارے عوامی سطح پرتعلقات کواورمضبوط راستے پر استوار کرنا شامل ہے۔ امریکی حکومت سنجیدگی سے پاکستان کے ساتھ ایسے تعلقات کے ليے پرعزم ہےجو پائیدار، اسٹریٹجک، اور احتیاط سے واضح مساوی بنيادوں پرمبنی ہو کيونکہ ايسے تعلقات سے ہمارے دونوں ممالک اور خطے کی سلامتی اور خوشحالی میں اضافہ کو يقينی بنايا جاسکتا ہے۔

امریکی حکومت کو بھر پور یقین ہے کہ ایک بار پھر ہم دونوں ممالک کے درميان ایک مضبوط، مثبت، اور باہمی مفاد پر مبنی تعلقات کیطرف گامزن ديکھ سکتے ہيں۔ ہم اس حقیقت سے اچھی طرح واقف ہیں کہ حالیہ ماضی میں ہمارے تعلقات کچھ نادانستہ طور پر ہونے والے واقعات کی وجہ سے بحران کا شکار رہے ہے۔ وقت کی يہ ايک اہم ضرورت ہے کہ ہم صورتحال کی سنجیدگی کو سمجھنے کی کوشش کريں، جو ہم سے تقاضا کررہی ہے کہ ہم اپنے اختلافات کو پس پشت ڈال کر اپنےوسائل کو خطے میں پائیدار امن کو یقینی بنانے کے لئے ایک مشترکہ گراونڈ پر اکٹھا ہرنے کيلۓاستعمال ميں لےآئيں۔

آخر کار، ہم دونوں ممالک کو ایک ساتھ کام کرنے کی اشد ضرورت کو نظر انداز نہیں کر سکتے تاکہ انتہاپسندی کی لعنت کا مقابلہ کرسکيں جس نے دونوں پاکستان اور افغانستان کے پرامن معاشروں کو يرغمال بنايا ہوا ہے۔ ہمارا حتمی مقصد خطے ميں دیرپا امن اور استحکام کو یقینی بنانا اور علاقے کوترقی کی راہ پر ڈالنے کا ہے۔ پاکستان اور امریکہ صرف اعتماد کی بنیاد پر استوار مشترکہ تعاون اور تعلقات ہی کے ذریعے ہی اس مقصد کو حاصل کر سکتے ہیں۔

یہ انتہا پسند نہايت سرگرمی سے پاکستان اور افغانستان میں معصوم لوگوں کے خلاف سنگین جرائم کے ارتکاب میں ملوث رہے ہیں۔ ہميں سمجھنا چاہيۓ کہ اگر ہم اپنے درميان مسائل کو حل کرنے ميں ناکام ہوتے ہيں تو ہم ان انتہاپسندوں اورعسکریت پسند کو انسانيت کے خلاف اپنے دہشت گردی، ظالمانہ، اور بربريت کی برے ایجنڈے کو آگے بڑھانے کے لئے ایک بہترين موقع فراہم کرتے ہيں۔

نیٹو سپلائی کی دوبارہ کھولنے کےفيصلہ پر امريکہ ميں پاکستانی سفير شہری رحمان نے بجا طور پر اس بات کی نشاندہی کرتے ہوے کہا "ہم وزير خارجہ کلنٹن کے بيان کا خير مقدم کرتے ہیں اوراميد رکھتے ہیں کہ ہمارے ممالک باہمی تعلقات کے بہتری کی جانب گامزن ہونگے- ميں پر اميد ہوں کہ دونوں ممالک کئی اہم معاملات پر متفق ہو سکتے ہیں جن ميں خاص طور پر خطے ميں امن کی بحالی بھی شامل ہے۔"


تاشفين – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
https://twitter.com/#!/USDOSDOT_Urdu
USUrduDigitalOutreach - Government organisation - Washington, DC | Facebook

 

[شاکر]

امریکی حکومت سنجیدگی سے پاکستان کے ساتھ ایسے تعلقات کے ليے پرعزم ہےجو پائیدار، اسٹریٹجک، اور احتیاط سے واضح مساوی بنيادوں پرمبنی ہو کيونکہ ايسے تعلقات سے ہمارے دونوں ممالک اور خطے کی سلامتی اور خوشحالی میں اضافہ کو يقينی بنايا جاسکتا ہے۔

اگر امریکی حکومت واقعی سنجیدگی سے واضح مساوی بنیادوں پر مبنی تعلقات کی خواہشمند ہے تو ہمیں بھی اجازت دیجئے کہ پاکستانی ائرفورس امریکہ میں موجود جرائم پیشہ عناصر کو امریکہ میں بلااجازت گھس کر اور بغیر کوئی عدالتی مقدمات قائم کئے، بمباری کا نشانہ بنائے اور اس میں چند سو یا چند ہزار عام شہری بھی ہلاک ہو جائیں تو حرج نہ ہو۔۔۔۔!!!

 

[tashfin28]

نيٹو سپلائی کا دوبارہ کھولنا - انتہا پسندی کے خلاف جاری بین الاقوامی جدوجہد

نيٹو سپلائی کا دوبارہ کھولنا - انتہا پسندی کے خلاف جاری بین الاقوامی جدوجہد

محترم شاکر،
السلام عليکم،

یہ واقعی ايک غیر منصفانہ بات ہے کہ امریکی حکومت پر يہ الزام لگايا جاتا ہے کہ سلالا واقع پر وہ ہميشہ اپنے مفاد کا خيال کرتے ہیں اوردوسری پارٹی کا اس سلسلے ميں کوئی احترام نہيں کرتے۔ ہم نے ہميشہ اس المناک واقعے پر دلی افسوس کا اظہار کيا ہے۔ تمام سینئر امریکی حکام نے اس اداس واقعہ پر اپنے گہرے افسوس اور تعزیت کا اظہار کیا ہے۔

امریکی حکومت صدق دل سے اس بات کا متمنی ہے کہ اسی طرح کسی بھی واقع کو مستقبل ميں دوبارہ ہونے سے روکا جائے۔ لہذا، امریکہ سنجیدگی سے ان غلطیوں کو درست کرنے کے ليۓ تعاون کی ضرورت پر زور دیتا ہے جس کی وجہ سے يہ افسوسناک واقعہ رونما ہوا-
مزید برآں، امریکی عوام اور امریکی انتظامیہ انتہا پسندی کے خلاف جاری بین الاقوامی جدوجہد میں پاکستان کے کردارکو بہت قدر کی نگاہ سے ديکھتی ہے۔ ہم نے ہمیشہ بہت سے فورمز پر پاکستان کے اہم اور کليدی کردار کو اجاگر کيا ہے۔ يہ ايک حقیقت ہے، کہ تمام ممالک نے جو عسکریت پسندی کے خلاف ان بین الاقوامی کوششوں میں مصروف عمل ہیں زبردست قربانیاں دی ہیں- لہذا،عدم مساوات کا سوال ہی نہیں کيونکہ ہم ہمارے مشترکہ عقائد، اصولوں اور مقاصد کی تکميل کے ليۓ ايک ساتھ ہی کام کررہے ہيں۔

آگے ديکھتے ہوۓ، یہ ضروری ہے کے دونوں ممالک ایک دوسرے کے ساتھ مل کر ہی دہشت گرد تنظیموں کو آخری دھچکا دیں جو ابھی تک موجود ہے اور معصوم پاکستانیوں کو حملوں کا نشانہ بناتے ہيں۔

اس کا ذکرکرنا بہت ضروری ہے کہ دونوں ممالک نے خطے میں ہماری مشترکہ مقاصد کو حاصل کرنے کے لئے انتہائی محنت اور کوششوں سے اس نتيجے پر پہنچنے ہے۔ موجودہ صورتحال کی سنگینی يہ مطالبہ کرتی ہے کہ انتہاپسندی کو شکست دینے اور خطے ميں میں دیرپا امن کو یقینی بنانے کے ہمارے ذمہ داریوں کو پورا کرنے کے لئے دونوں ممالک کو مزيد تعاون اور قريبی رابطوں کے ساتھ کام کرنے کی ضرورت ہے۔

آخر میں، ميں اجاگر کرنا چاہتا ہوں کہ ان غیر انسانی انتہا پسند پاکستان اورافغانستان میں معصوم لوگوں کے خلاف اپنے سنگین جرائم کا ارتکاب کرنے کے لئے ہمارے باہمی مسائل کو ایک موقع کے طور پر دیکھ رہے ہيں تاکہ اپنے سياسی نظريہ اور ايجنڈے کو اگے بڑھا سکے۔ پاکستان کی طرف سے نیٹو کی سپلائی لائن کو دوبارہ کھولنے کا فیصلہ باہمی اتفاق سے کيا گيا ہے، اور يہ فيصلہ دونوں ممالک کے بہترین مفاد میں لیا گیا ہے۔

تاشفين – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
https://twitter.com/#!/USDOSDOT_Urdu
USUrduDigitalOutreach - Government organisation - Washington, DC | Facebook