نیک عمل پر ہمیشگی کرنا اور درمیا نی چال چلنا

[اویس تبسم]

 

[اسحاق سلفی]

عن عائشة عن النبي صلى الله عليه وسلم قال:‏‏‏‏"سددوا وقاربوا وابشروا فإنه لا يدخل احدا الجنة عمله"قالوا:‏‏‏‏ ولا انت يا رسول الله قال:‏‏‏‏"ولا انا إلا ان يتغمدني الله بمغفرة ورحمة"قال اظنه عن ابي النضر عن ابي سلمة عن عائشة وقال عفان حدثنا وهيب عن موسى بن عقبة قال:‏‏‏‏ سمعت ابا سلمة عن عائشة عن النبي صلى الله عليه وسلم:‏‏‏‏"سددوا وابشروا"قال مجاهد:‏‏‏‏ قولا سديدا وسدادا صدقا.
( صحیح البخاری ،حدیث نمبر: 6467 )
سیدہ عائشہ رضی اللہ عنہا نے بیان کیا کہ نبی کریم صلی اللہ علیہ وسلم نے فرمایا ”دیکھو جو نیک کام کرو ٹھیک طور سے کرو اور حد سے نہ بڑھ جاؤ بلکہ اس کے قریب رہو (میانہ روی اختیار کرو) اور خوش رہو اور یاد رکھو کہ کوئی بھی اپنے عمل کی وجہ سے جنت میں نہیں جائے گا۔
صحابہ نے عرض کیا: اور آپ بھی نہیں یا رسول اللہ! فرمایا اور میں بھی نہیں۔ سوا اس کے کہ اللہ اپنی مغفرت و رحمت کے سایہ میں مجھے ڈھانک لے۔

مدینی نے بیان کیا کہ میرا خیال ہے کہ موسیٰ بن عقبہ نے یہ حدیث ابوسلمہ سے ابوالنصر کے واسطے سے سنی ہے، ابوسلمہ نے عائشہ رضی اللہ عنہا سے۔ اور عفان بن مسلم نے بیان کیا کہ ہم سے وہیب نے بیان کیا، ان سے موسیٰ بن عقبہ نے بیان کیا، کہا کہ میں نے ابوسلمہ رضی اللہ عنہ سے سنا اور انہوں نے عائشہ رضی اللہ عنہا سے اور انہوں نے نبی کریم صلی اللہ علیہ وسلم سے کہ آپ صلی اللہ علیہ وسلم نے فرمایا ”درستی کے ساتھ عمل کرو اور خوش رہو۔“ اور مجاہد نے بیان کیا کہ «سدادا سديدا» ہر دو کے معنیٰ صدق کے ہیں۔

Narrated `Aisha: The Prophet said, "Do good deeds properly, sincerely and moderately, and receive good news because one's good deeds will not make him enter Paradise." They asked, "Even you, O Allah's Apostle?" He said, "Even I, unless and until Allah bestows His pardon and Mercy on me."

 

[اسحاق سلفی]

نیک عمل پر مداومت یعنی ہمیشگی
تسلسل اور مستقل مزاجی سے اعمال صالحہ پر کار بند رہنا

عن عائشة ان رسول الله صلى الله عليه وسلم قال:‏‏‏‏"سددوا وقاربوا واعلموا ان لن يدخل احدكم عمله الجنة وان احب الاعمال إلى الله ادومها وإن قل".
(صحیح البخاری ،حدیث نمبر: 6464 )
ام المومنین سیدہ عائشہ رضی اللہ عنہا نے کہ رسول اللہ صلی اللہ علیہ وسلم نے فرمایا :
”درمیانی چال اختیار کرو اور بلند پروازی نہ کرو اور عمل کرتے رہو، تم میں سے کسی کا عمل اسے جنت میں نہیں داخل کر سکے گا، میرے نزدیک سب سے پسندیدہ عمل وہ ہے جس پر ہمیشگی کی جائے خواہ کم ہی کیوں نہ ہو۔“