وہ کام جو نماز میں کرنے منع ہیں

[محدث میڈیا]

اس سے مراد وہ کام ہیں جن کے حرام ہونے یا مکروہ ہونے کے بارے میں کوئی دلیل موجود ہے ، لیکن ان کاموں سے نماز باطل نہیں ہوتی بلکہ نمازی کا اجر کم ہوجاتا ہے۔

ذیل میں ان کاموں کی تفصیل ذکر کی جاتی ہے:

1- نماز میں پہلو پر ہاتھ رکھنا۔

2- آسمان کی طرف دیکھنا۔

3- کسی چیز کی طرف دیکھنا جو نماز سے مشغول کر دے۔

4- بغیر ضرورت کے دائیں بائیں جھانکنا۔

5- انگلیوں کو ایک دوسرے میں داخل کرنا۔

6- پٹاخے نکالنا۔

7- جسم پر کپڑا لپیٹ لینا اور بازو اکپڑے کے اندر رکھنا۔

8- جمائی لینا۔

9- قبلہ کی سمت میں یا دائیں جانب تھوکنا۔

10- نماز میں آنکھوں کو بند کرنا۔

11- نماز میں انگڑائی لینا

12- رکوع کی حالت میں تطبیق کرنا (دونوں ہاتھوں کو جوڑ کر گٹھنوں اور رانوں کے درمیان رکھنا)

13- رکوع اور سجدے میں قرآن پڑھنا۔

14-سجدے میں بازوؤں کو بچھانا۔

15- سجدے کرتے ہوئے کپڑوں کو لپیٹ لینا ، آستین چڑھانا۔

16- زمین پر بیٹھ کر گھٹنے کھڑے کر لینا اور ہاتھوں کو دائیں بائیں زمین پر رکھ لینا۔

17- نماز میں جلوس کی حالت میں بغیر عذر کے زمین پر ہاتھ رکھنا۔

18- مریض کا کسی بلند چیز کو سامنے رکھ کر سجدہ کرنا (مریض اگر زمین پر سجدہ کر سکتا ہے تو یہ واجب ہے، اگر اس کی استطاعت نہیں ہے تو اشارےسے سجدہ کرے گا)

19- سجدہ گاہ سے کنکریاں صاف کرنا ۔

20- سجدے میں جاتے ہوئے گھٹنے ہاتھوں سے پہلے زمین پر رکھنا۔

21- سلام پھیرتے ہوئے ہاتھوں سے اشارہ کرنا۔

22- امام سے سبقت لے جانا (یعنی رکوع وسجود وغیرہ میں امام سے پہل کرنا)

23- کھانا حاضر ہو جائے تو نماز ادا کرنا، پیشاب و پاخانہ روک کر نماز ادا کرنا۔