ویرانے میں موچ آنے پر فرشتوں کو مدد کے لئے پکارنا

[مزمل حسین]

اسلام و علیکم ورحمۃ اللہ و برکاتہ
سیدنا عبد اللہ بن عباس رضی اللہ عنہما سے روایت ہے کہ
إن للہ ملائکۃ فی الأرض سوی الحفظۃ ، یکتبون ما سقط من ورق الشجر، فإذا أصاب أحدکم عرجۃ بأرض فلاۃ، فلیناد: أعینوا عباد اللہ۔(کشف الأستار عن زوائد البزار: 3128/1 و سندہ حسن)
رسول اللہ ﷺ نے فرمایا: "زمین میں حفاظت والے فرشتوں کے علاوہ بھی اللہ تعالیٰ کے کچھ فرشتے ہوتے ہیں جو درختوں کے گرنے والے پتوں کو لکھتے ہیں۔ جب تم میں سے کسی کو ویرانے میں چلتے ہوئے پاؤں میں موچ آجائے تو وہ کہے: اللہ کے بندو! میری مدد کرو۔"

 

[کفایت اللہ]

یہ روایت موقوفا اور مرفوعا مروی ہے۔
لیکن مرفوعا یہ روایت ثابت نہیں ہے بلکہ موقوفا عبداللہ بن عباس رضی اللہ عنہ سے ثابت ہے۔
اورچونکہ یہ روایت کتاب وسنت کی عام تعلیمات کے خلاف ہے اور موقوف ہے یعنی یہ صراحت نہیں ہے کہ صحابی نے اسے اللہ کے نبی صلی اللہ علیہ وسلم سے اخذ کیا ہے اس لئے ظن غالب یہی ہے کہ یہ روایت اسرائیلیات سے ماخوذ ہے ۔ لہٰذا حجت نہیں ہے۔
مزید تفصیل کے لئے الضعیفہ حدیث نمبر 655 دیکھیں۔