پی ٹی آئی کی عائلہ ملک کا جھانسہ

[کنعان]

پی ٹی آئی کی عائلہ ملک کا جھانسہ​

پاکستان تحریک انصاف کی خاتون رہنما عائلہ ملک نے بھی دیگر سیاست دانوں کی طرح الیکشن کمیشن کو جھانسہ دے دیا۔

ان کا یہ جھانسہ اس وقت پکڑا گیا جب ان کی ایف اے اور بی اے کی جعلی ڈگری کی نقول میڈیا نے حاصل کیں۔

عائلہ ملک کی بڑی بہن سمیرا ملک رکن قومی اسمبلی ہیں جس کے بعد انہوں نے بھی اسمبلی میں پہنچنے کی ٹھان لی لیکن ساتھ میں ایک نادانی بھی کرلی۔

عائلہ ملک نے این اے 71 میانوالی میں ضمنی انتخاب کے لیے جعلی ڈگری جمع کرا دی۔

حیرانی کی بات یہ ہےکہ اس بار تو امیدوار کا گریجویٹ ہونا شرط بھی نہیں ہے لیکن اس کے باجود انہوں نے یہ عمل کیوں کیا یہ سمجھ سے بالاتر ہے۔

تحریک انصاف کے ایک رکن قومی اسمبلی غلام سرورخان ابھی کچھ روز پہلے جعلی ڈگری کی بناء پر اپنی رکنیت معطل کروا بیٹھے ہیں۔

عائلہ ملک کو عمران خان کی خالی کردہ نشست سے ضمنی انتخابات کے لیے ٹکٹ جاری کیا گیا ہے۔ کاغذات نامزدگی میں عائلہ ملک نے خود کو گریجوایٹ ظاہر کیا ہے۔

ایف اے کی سند کے مطابق انہوں نے راولپنڈی بورڈ سے امتحان پاس کیا اوررول نمبر 530561 کے تحت 1989 میں دیئے گئے امتحان میں 673 نمبر لئے۔

دلچسپ بات یہ ہے کہ گزٹ کے مطابق امداد حسین نامی نوجوان نے اسی رول نمبر کے تحت امتحان دیا تھا۔ اس سے بھی بڑھ کر یہ کہ امداد حسین نامی امیدوار امتحان میں ناکام رہاتھا۔

عائلہ ملک نے روس کی لومونوسوو ماسکو اسٹیٹ یونیورسٹی کی اکنامکس میں بی اے کی ڈگری بھی جمع کرائی ہے۔

ایک خط کے مطابق عائلہ ملک کبھی بھی اس یونیورسٹی کی طالبہ نہیں رہیں اور تو اور عائلہ ملک زرعی ترقیاتی بینک کی بھی نادہندہ ہیں لیکن انہوں نے کاغذات نامزدگی میں نادہندگی کا ذکر ہی نہیں کیا۔

دی نیوز ٹرائب: Web Desk Jul 21st, 2013

 

[اسحاق]

دھوکا دہی تو نس نس میں بسی ہے ان سیاہ ست دانوں میں.
ایک بہن سمیرا ملک ن لیگ کی طرف سے ہے اور یہ محترمہ پی ٹی آئی سے قسمت آزمانا چاہتی ہیں
شکریہ کنعان بھائی شیرنگ کا

 

[کنعان]

جعلی ڈگری کیس: سپریم کورٹ نے ثمینہ خاور حیات کو نااہل قرار​

اسلام آ باد..... سپریم کورٹ نے مسلم لیگ (ق) کی رکن پنجاب اسمبلی ثمینہ خاور حیات کو جعلی ڈگری کی بنیاد پر نااہل قرار دے دیا۔

چیف جسٹس افتخار محمد چوہدری کی سربراہی میں تین رکنی بنچ نے رکن صوبائی اسمبلی کی ڈگر ی کے معاملے پر کیس کی سماعت کی،عدالت نے کیس کی سماعت مکمل ہونے پر فیصلہ سناتے ہوئے مسلم لیگ (ق) کی رکن پنجاب اسمبلی ثمینہ خاور حیات کو نا اہل قرار۔

روزنامہ خبریں: 25 جولائی 2012

------------------
------------------

سیاست دان کی ہر روز جعلی ڈگری پر خبروں کی وجہ سے ان نوجوانوں کا مستقبل خطرہ میں پر گیا ھے جنہوں نے محنت سے ہائر ایجوکیشن، ڈگریاں حاصل کی ہوئی ہیں اور وہ بیرون ممالک میں اپنی قسمت آزمانہ چاہتے ہیں۔

 

[کنعان]

سعودی عرب میں 620 سرکاری عہدیداروں کی ڈگریاں جعلی نکلی​

ریاض (مانیٹرنگ ڈیسک) سعودی عرب میں چھ سو بیس سرکاری عہدیداروں کی ڈگریاں جعلی ثابت ہو گئی ہیں۔

کارروائی کے خوف سے دو ہزار افسروں نے ریٹائرمنٹ کی درخواست دے دی ہے۔

سعودی عرب میں سرکاری افسروں کی ڈگریوں کی جانچ پڑتال شروع کر دی گئی ہے۔ یہ فیصلہ کئی افسروں کی ڈگریاں جعلی ثابت ہونے پر کیا گیا۔ جانچ پڑتال میں چھ سو بیس افسروں کی ڈگری جعلی ثابت ہوئی ہے۔ تادیبی کارروائی کے ڈر سے دو ہزار افسروں نے قبل ازوقت ریٹائرمنٹ کی درخواست دے دی ہے۔

ان افسروں میں سے بیشتر نے ڈاکٹریٹ اور ایم ایس سی کی جعلی ڈگریاں بنوا رکھی ہیں۔

روزنامہ پاکستان: 27 جولائی 2013

==========

حسنی مبارک کے دور حکومت میں گلف میں جتنے بھی مصری آئے، پیدائشی داکتور اور مہندس ہی ہوتے تھے اس سے نیچے کی ڈگری کسی کے پاس بھی نہیں ہوتی تھی۔

پاکستان کے حالات کے پیش نظر اگر کسی پاکستانی بھائی کے کوئی عزیز گلف میں ایسی انکوئری میں کبھی آ جائیں تو نوکری چھوڑنے کی کوئی ضرورت نہیں یہاں سے مشورہ لیں۔

 

[کنعان]

تحریک انصاف کی عائلہ ملک ڈگری جعلی نکلنے پر نااہل​

اسلام آباد: تحریک انصاف کی رہنما اور این اے 71 سے ضمنی انتخاب کے لئے امیدوار عائلہ ملک کی انٹرمیڈیٹ کی سند جعلی نکلنے پر الیکشن ٹریبونل نے نااہل قرار دے دیا۔

انہوں نے حلقہ این اے 71 میانوالی سے ضمنی الیکشن کے لئے تحریک انصاف کے ٹکٹ سے کاغذات نامزدگی جمع کروائے تھے۔

کاغذات نامزدگی کی منظوری کے بعد مسلم لیگ ن کے عبیداللہ شادی خیل نے عائلہ ملک کی سند کو چیلنج کر دیا تھا۔

عائلہ ملک کا دعوی تھا کہ انہوں نے 1989 میں راولپنڈی بورڈ سے انٹرمیڈیت کا امتحان پاس کیا ھے۔

ڈگری کی تصدیق تک الیکشن ٹریبونل نے ان کی اہلیت کے حوالے سے محفوظ کر لیا تھا۔

راولپنڈی بورڈ کی جانب سے الیکشن کمیشن کو بتایا گیا کہ عائلہ ملک نامی خاتون کا کوئی ریکارڈ ہمارے پاس موجود نہیں لہٰذا انہوں نے جو سند جمع کروائی ھے وہ جعلی ھے۔

عائلہ ملک کی انٹرمیڈیت کی سند جعلی نکلنے پر الیکشن نے انہیں انتخاب لڑنے کے لئے نااہل قرار دے دیا۔

یاد رہے کہ حلقہ این اے 71 سے پاکستان تحریک انصاف کے سربراہ عمران خان رکن اسمبلی منتخب ہوئے تھے تاہم بعدازاں انہوں نے یہ نشست چھوڑ دی تھی۔

پی ٹی آئی نے اس نشست پر ضمنی انتخاب لڑنے کے لئے عائلہ ملک کو ٹکٹ دے رکھا تھا۔

دی نیوز ٹرائب: 29 جولائی 2013

 

[کنعان]

شازیہ مری کی ڈگری سندھ ہائیکورٹ میں چیلنج​

کراچی: عطاء محمد چانیو نے اپنی درخواست میں موقف اختیار کیا ہے کہ این اے 235 سانگھڑ سے کامیاب ہونے والی پیپلز پارٹی کی رکن قومی اسمبلی شازیہ مری کی بی اے کی ڈگری جعلی ہے۔

درخواست کے مطابق شازیہ مری نے کراچی کے علاقے آگرہ تاج میں اپنی ہم نام شازیہ جنت مری کی ڈگری حاصل کر رکھی ہے۔ دونوں کا نام اور ولدیت ایک ہے لیکن تاریخ پیدائش مختلف ہے۔ درخواست میں موقف اختیار کیا ہے کہ شازیہ مری کو نااہل قرار دیا جائے۔

خبریں: 27 ستمبر 2013

 

[کنعان]

جعلی ڈگری کیس؛​

مسلم لیگ (ن) کے رکن پنجاب اسمبلی افتخار احمد نااہل قرار​

اسلام آ باد: سپریم کورٹ نے جعلی ڈگری کیس میں مسلم لیگ (ن) کے رکن پنجاب اسمبلی افتخار احمد کو نااہل قرار دے دیا۔

جسٹس انور ظہير جمالی كی سربراہی ميں تين ركنی بينچ نے کیس کی سماعت کی،

دوران سماعت جسٹس خلیجی عارف نے مسلم لیگ (ن) کے رکن پنجاب اسمبلی افتخار احمد کو عربی کا ایک پیراگراف دیا اور اسے پڑھ کر اردو میں ترجمہ کرنے کو کہا،

جواب میں افتخار احمد نے کہا کہ انہوں نے دس سال پہلے مدرسے سے عربی میں گریجویشن کی ڈگری حاصل کی تھی، اب عربی پڑھنا یا اس کا ترجمہ کرنا ان کے لیے آسان نہیں ہے۔

انہوں نے استدعا کہ عدالت ان سے انگلش سے اردو میں ترجمہ کروا لے،

جس پر جسٹس خلجی عارف نے کہا کہ آپ سے وہی پوچھیں گے جس زبان کی آپ نے ڈگری حاصل کی ہے،

عدالت نے عربی نہ پڑھنے پر افتخار احمد کی ڈگری جعلی قرار دیتے ہوئے انہیں نااہل قرار دے دیا۔

خبریں: 1 اکتوبر 2013

 

[حسن شبیر]

ہاہاہاہاہاہاہاہا۔۔۔۔حد ہو گئی ہر طرف جعلسازی

 

[کنعان]

​

پاکستان:حکمران جماعت کی ایم این اے کی رکنیت منسوخ​

​

مئی میں ہونے والے عام انتخابات میں سمیرا ملک نے پاکستان مسلم لیگ نون کے ٹکٹ پر الیکشن لڑا تھا

پاکستان کی سپریم کورٹ نے حکمراں جماعت پاکستان مسلم لیگ نون کی رکن قومی اسمبلی سمیرا ملک پر بی اے کی جعلی ڈگری رکھنے کا الزام ثابت ہونے پر اُن کی رکنیت منسوخ کردی ہے جبکہ الیکشن کمیشن کو اُن کے خلاف فوجداری دفعات کے تحت کارروائی کرنے کا حکم دیا ہے۔

ادھر سپریم کورٹ کا فیصلہ سُننے کے بعد سمیرا ملک کے ایک حامی کو سپریم کورٹ کے احاطے میں دل کا دورہ پڑا جو جان لیوا ثابت ہوا۔

سمیرا ملک کی تعلیمی اسناد کو اُن کے مخالف اُمیدوار ملک عمر اسلم اعوان نے چیلنج کیا تھا۔ سنہ دو ہزار آٹھ میں ہونے والے عام انتخابات میں ملک عمر اسلم نے سمیرا ملک کی بی اے کی ڈگری کو چیلنج کیا تھا تاہم فیصل آباد میں الیکشن ٹربیونل نے اس درخواست کو مسترد کردیا تھا جس کے خلاف عمر اسلم نے سپریم کورٹ میں درخواست دائر کی تھی۔

درخواست گُزار نے موقف اختیار کیا تھا کہ سمیرا ملک کی جگہ کسی دوسری اُمیدوار نے بی اے کے امتحانات دیے ہیں جبکہ وہ خود کمرہ امتحان میں نہیں بیٹھی تھیں۔ سماعت کے دوران سمیرا ملک کے وکیل عدالت میں ایسے کوئی شواہد عدالت میں پیش نہیں کرسکے جس سے اُن کی بےگناہی ثابت ہوسکتی ہو۔

اس سال مئی میں ہونے والے عام انتخابات میں سمیرا ملک نے پاکستان مسلم لیگ نون کے ٹکٹ پر الیکشن لڑا تھا اور وہ قومی اسمبلی کے حقلے این اے 69 خوشاب سے رکن قومی اسمبلی منتخب ہوئی تھیں جبکہ سنہ دو ہزار آٹھ میں وہ پاکستان مسلم لیگ قاف کے ٹکٹ پر منتخب ہوئیں تھیں۔

اس عدالتی فیصلے کے بعد سمیرا ملک کی موجودہ رکنیت بھی منسوخ ہوگئی ہے۔ واضح رہے کہ اس سے پہلے اُن کی بہن عائلہ ملک بھی جعلی ڈگری رکھنے کے الزام میں نااہل ہوچکی ہیں۔ عائلہ ملک پاکستان تحریک انصاف کی رہنما ہیں اور اُنہوں نے میانوالی سے ضمنی انتخابات میں حصہ لینا تھا۔ دونوں بہنیں پاکستان کے سابق صدر فاروق لغاری کی قریبی رشتہ دار ہیں۔

پیر کے روز چیف جسٹس افتخار محمد چوہدری نے جب سمیرا ملک کے خلاف فیصلہ سُنایا تو سپریم کورٹ کے احاطے میں موجود اُن کے حامی محمد ریاض کو دل کا دورہ پڑا جو جان لیوا ثابت ہوا۔ محمد ریاض کے بارے میں بتایا جاتا ہے کہ وہ اسسٹنٹ کمشنر صدر سرکل اسلام آباد کا ریڈر تھااور اس سے پہلے بھی وہ عارضہ قلب میں مبتلا تھا۔

پير 28 اکتوبر 2013