کراچی میں پہلی بار "آن لائن ایف آئی آر" سسٹم

[کنعان]

کراچی میں پہلی بار "آن لائن ایف آئی آر" سسٹم​

د ن ٹ: 26 دسمبر 2014

کراچی: پاکستان کے سب سے بڑے شہر اور اہم ترین کاروباری مرکز کراچی میں پولیس کی جانب سے پہلی بار آن لائن (ایف آئی آر) سسٹم کا افتتاح آج (جمعہ) کو کیا جا رہا ھے۔

ایسے تمام افراد کے لئے اچھی خبر ھے کہ جن کی ایف آئی آر تھانے میں درج نہیں کی جاتی یا مقامی تھانے میں ان کی شنوائی نہیں ہوتی وہ افراد اس سسٹم کا بھر پور فائدہ اٹھا سکیں گے۔

کراچی پولیس کے ترجمان انسپکٹر عتیق شیخ کے مطابق جن شہریوں کی ایف آئی آر درج کرنے سے جس بھی تھانے نے انکار کیا گیا اس تھانے کے ایس ایچ او کو شوکاز نوٹس جاری کیا جائے گا۔

ان کے بقول ایڈیشنل آئی جی کراچی غلام قادر تھیبو نے ایک خط کے ذریعے تمام "ایس ایس پیز، ایس پیز اور ڈی ایس پیز" کو آگاہ کر دیا ھے کہ اگر کسی بھی شہری کی ایف آئی آر تھانے میں درج نہیں کی گئی تو مذکورہ تمام افسران کے خلاف بھی کاروائی کی جائے گی۔

پولیس ترجمان کے مطابق ایف آئی آر کا فارم کراچی پولیس کی ویب سائٹ پر موجود ھے، شہری اس سے استفادہ کر سکتے ہیں۔

انہوں نے مزید بتایا کہ جمعہ کو اس حوالے سے افتتاحی تقریب بھی رکھی گئی ھے جس میں کراچی پولیس کے سینئر افسران، کمشنر کراچی، سی پی ایل سی چیف اور دیگر افراد شرکت کریں گے۔

آن لائن ایف آئی آر کراچی

آن لائن ایف آئی آر خیبر پختون خواہ