کیا غیراللہ کے نام پر پکنے والے کھانے اور بدعتی عمل پر پکنے والے کھانے میں کوئی فرق ہے۔؟

[محمد زاہد بن فیض]

السلام و علیکم شیخ محترم!
میرا سوال یہ ہے کہ ایک تو وہ کھانا ہوتا ہے جو غیر اللہ کے نام پر پکایا ۔کھایا۔اور بانٹا جاتا ہے۔اُس کے حرام ہونے میں تو زرہ برابر بھی شک نہیں۔جیسے نیاز حسین۔وغیرہ
لیکن ایک وہ کھانا جو کسی بدعتی عمل کرتے ہوئے پکایا ۔کھایا۔یا بانٹاجاتا ہے۔جیسے ۔قل وغیرہ۔جمعراتیں۔بارہ ربیع الاول کی کھیرنی ۔وغیرہ۔کیا یہ بھی حرام کے زمرے میں آتے ہیں۔
مہربانی فرما کر اس کی وضاحت ضرور فرمایئں۔؟

 

[محمد زاہد بن فیض]

یاد دہانی

 

[ابوالحسن علوی]

وعلیکم السلام
کسی شیئ کو حرام قرار دینا ایک بہت بڑی ذمہ داری ہے اور بغیر کسی نص صریح یا روشن دلیل کے کسی شیئ کوحرام قرار دینے سے اجتناب کرنا چاہیے۔ ارشاد باری تعالی ہے:
وَلاَ تَقُولُواْ لِمَا تَصِفُ أَلْسِنَتُكُمُ الْكَذِبَ هَـذَا حَلاَلٌ وَهَـذَا حَرَامٌ لِّتَفْتَرُواْ عَلَى اللّهِ الْكَذِبَ إِنَّ الَّذِينَ يَفْتَرُونَ عَلَى اللّهِ الْكَذِبَ لاَ يُفْلِحُونَ
اور وہ جھوٹ مت کہا کرو جو تمہاری زبانیں بیان کرتی رہتی ہیں کہ یہ حلال ہے اور یہ حرام ہے اس طرح کہ تم اللہ پر جھوٹا بہتان باندھو، بیشک جو لوگ اللہ پر جھوٹا بہتان باندھتے ہیں وہ (کبھی) فلاح نہیں پائیں گے۔
یہی وجہ ہے کہ سلف صالحین، جیسا کہ امام مالک رحمہ اللہ کے بارے امام ابن القیم رحمہ اللہ نے لکھا ہے، کہ وہ بعض اوقات کسی حرام شیئ کو بھی احتیاطا مکروہ کہہ دیتے ہیں۔ میرے علم میں جن اشیاء کا آپ نے تذکرہ کیا ہے ، ان کی حرمت کی کوئی صریح دلیل یا روشن دلیل موجود نہیں ہے۔ ہاں البتہ یہ ضرور کہا جا سکتا ہے کہ ان بدعتی اعمال کی نسبت سے یہ کھانا مکروہ لغیرہ کے درجہ میں شامل ہے۔ یعنی وہ شیئ جو بذاتہ تو مکروہ نہیں ہے لیکن کسی خارجی سبب سے مکروہ ہو گئی ہے۔ واللہ اعلم بالصواب

 

[محمد زاہد بن فیض]

جزاک اللہ خیرا شیخ محترم!