کیا یہ ظلم نہیں؟؟

[shinning4earth]

بسم اللہ الرحمن الرحیم
میں جس سکول میں ٹیچنگ کرتی ہوں وہاں سال کے آخر میں تمام اسڈوڈنٹس کو خود سے نمبر دے کے پاس کر دیا جاتا ہے ۔
میرا اس اسکول میں ایک سال مکمل ہونے کو ہے ۔اور جب میں نے اس سکول میں کام شروع کیا تو سکول میں سالانہ امتحانات چل رہے تھے ، رزلٹ بنانے کا وقت آیا تو میٹنگ کی گئی کسی کے 40٪ سے کم مارکس نہیں ہونے چاہیئے ۔
مجھ سے پہلے موجود لوگ اس ٹرم کے عادی تھے ۔ لیکن میرے لئے یہ نہایت ہی غلط بات تھی ، بہت ہمت کی لیکن کسی سے بات نہیں کر سکی شاید تجربہ کی کمی یا شاید ایمان کی کمی
خاموشی سے اپنی کلاس کے ایسے بچے کو پاس کر دیا جو امتحان دینے آتا تو تھا مگر اسے اپنا نام تک لکھنا نہیں آتا تھا۔
اب پھر سے وہی ایام ہیں۔۔۔ میری کلاس میں بھی ایک بچہ ہے جوکہ ایک بھی امتحان میں حاضر نہیں ہوا، نوماہی امتحانات کے بعد سکول ہی نہیں آیا، لیکن آج ہماری انتظامیہ نے مجھ سے اس کا رپورٹ کارڈ لیا اس میں نمبر ایڈ کئے اور کہا اسے کمپیوٹراز کردو۔۔۔
میں آج بھی پورا دن تذبذب میں رہی کہ آیا مجھے اس عمل سے کس طرح انکار کرنا چاھیئے جبکہ میں اچھی طرح جانتی ہوں یہ غلط ہے
اس بچے پر ظلم ہے ۔

منتظر۔۔۔

 

[Dua]

وعلیکم السلام ،
بہن میرے مطابق تو آپ حق پر ہیں۔۔اساتذہ ماں باپ کی طرح ہوتے ہیں، اور کوئی بھی ماں باپ اپنی اولاد کی تربیت ایسے نہیں کرنا چاہتے۔۔۔جو بچہ اس درجے کی حیثیت نہیں رکھتا ، پھر بھی اس کو مارکس دینا نہ دینی طور پر درست ہے اور نہ اخلاقی طور پر۔۔۔اس پر مزید یہ کہ اس بچے کی صلاحیت بھی ختم ہو کر رہ جائے گی۔۔۔یہ ایک طرح سے دھوکہ دہی بھی ہے کہ بظاہر نظر آنے والا رزلٹ کارڈ کچھ اور ہے اور اس کی حقیقت کچھ اور۔۔۔ اس پر نبی کریم ﷺ کا فرمان بڑا واضح ہے۔من غش فلیس منہ( جو دھوکہ دے وہ ہم میں سے نہیں)
آپ کی مخالفت سے شاید آپ کی جگہ کسی اور کو دے دی جائے لیکن روز قیامت میں حق کا ساتھ دینے پر آپ کی مہر ضرور لگ جائیگی۔ان شاء اللہ

 

[shinning4earth]

جزاک اللہ احسن الجزا
مجھے معلوم ہے یہ غلط ہے ۔ کس حد تک غلط ہے یہ بھی معلوم ہے ۔
مجھے صرف
ادفع بالتی ھی احسن
چاھیئے ۔
میری پوسٹ چلی جائے گی کوئی خوف نہیں باذن اللہ
کیونکہ رازق تو اللہ کی ذات ہے ۔
میں بس یہ چاہتی ہوں کہ میں کچھ اس طرح بات کروں کہ اس کا کوئی الٹا اثر نہ ہو۔