یاسر بروسٹ انارکلی، بھائی جان سویٹس، نرالا بریانی راوی ٹاون، لاہور بروسٹ سیل

[کنعان]

یاسر بروسٹ انارکلی، بھائی جان سویٹس، نرالا بریانی راوی ٹاون، لاہور بروسٹ سیل​

لاہور (ایجوکیشن رپورٹر) ڈی جی فوڈ اتھارٹی ڈاکٹر ساجد محمود چوہان کی زیر پرستی ملاوٹ مافیا کے خلاف زبر دست مہم جاری ہے۔ ڈائریکٹر آپریشنز عائشہ ممتاز کی سربراہی میں دودھ میں ملاوٹ کے خلاف مہم جاری ہے۔

پنجاب فوڈ اتھارٹی کی مختلف فیلڈ ٹیمز نے لاہور کے داخلی راستوں راوی، ٹھوکر، سگیاں پل، بابو صابو، بھگٹیاں پر ناکے لگا کر دودھ سپلائی کرنے والی گاڑیوں کو موقع پر چیک کیا۔ افسران نے کل 100 دودھ کی گاڑیاں چیک کیں، دودھ میں پانی کی ملاوٹ پائے جانے پر5 دودھ کی گاڑیاں قبضے میں لے لی گئیں جن میں 3960 لٹر دودھ موجود تھا جبکہ 1160 لٹر غیر معیاری ملاوٹی دودھ موقع پر ضائع کرا دیا گیا۔

ڈائریکٹر آپریشنز عائشہ ممتازکی سربراہی میں داتا گنج بخش ٹاﺅن کی ٹیم نے انار کلی میں واقع یاسر بروسٹ اور انار کلی ریسٹورنٹ کو صفائی کے انتہائی ناقص انتظامات کی بنا پر سر بمہر کر دیا جبکہ جیل روڈ پر واقع داتا علی ہجویری ریسٹورنٹ، بریانی ہاﺅس اور سب وے سینڈ وچز اینڈ سیلڈ کو ناقص صفائی کی بنا پر بھاری جرمانہ عائد کیا گیا۔

اسی طرح راوی ٹاﺅن کی ٹیم نے بھائی جان سویٹس اینڈ بیکرز اور نرالا بریانی کو گزشتہ روز سر بمہر کر دیا جبکہ لاہوری گیٹ کے قریب واقع قدیمی چنے کو بھاری جرمانہ کیا گیا۔تفصیلات کے مطابق بھائی جان سویٹس اینڈ بیکرز کو کھانے کی اشیاء ہدایات کے باوجود ڈھانپ کر نہ رکھنے، مٹھائیوں میں مکھیو ں کی بہتات، صفائی کے انتہائی ناقص انتظامات اورواشنگ ایریا میں گندگی کی بنا پر سربمہر کیا گیا اور اسی طرح نرالا بریانی کو بھی صفائی کے انتہائی ناقص انتظامات، کھانے کی اشیاء ڈھانپ کر نہ رکھنے ، مصالحہ جات اور املی گندے ڈبوں میں رکھنے، خراب ٹماٹر استعمال کرنے اور ہدایات پر عمل نہ کرنے کی بنا پر سر بمہر کیا گیا جبکہ قدیمی چنے کو ہدایات کے باوجود کاﺅنٹر استعمال نہ کرنے اور کھانے کی اشیاء ڈھانپ کر نہ رکھنے کی بنا پر بھا ری جرمانہ عائد کیا گیا۔

علاوہ ازیں شالیما ر ٹاﺅن کی ٹیم نے شاد باغ میں واقع لاہور بروسٹ کو صفائی کے انتہائی ناقص انتظامات، ٹوٹے ہوئے فریزر ، خراب آلو اور بن استعمال کرنے کی بنا پر سربمہر کر دیا نیز تیل اور کیچپ کے نمونہ جات بھی لیے گئے اور تجزیہ کے لیے لیبارٹری بھجوا دیے گئے۔

اسی طرح علامہ اقبال ٹاﺅن کی ٹیم نے جوہر ٹاﺅن میں واقع کراچی سلو ر سپون کو واش روم میں آٹا رکھنے، گندے فریزر استعمال کرنے اور صفائی کے انتہائی ناقص انتظامات کی بنا پر سربمہر کر دیا

جبکہ لیاقت چوک میں واقع فرائی چکس کو ٹوٹے ہوئے گندے فریزر استعمال کرنے اور صفائی کے ناقص انتظامات کی بنا پر بھاری جرمانہ کیا گیا۔

مزید برآں نشتر ٹاﺅن کی ٹیم نے چونگی امر سدھو میں واقع ملک بوٹا ڈیری کو دودھ سے کریم نکالنے اور صفائی کے انتہائی ناقص انتظامات کی بنا پر سر بمہر کر دیا

جبکہ سمن آباد ٹاﺅن کی ٹیم نے سکیم موڑ پر واقع رفیق سویٹس کو پراڈکٹس پر لیبلنگ درج نہ کرنے کی بنا پر بھاری جرمانہ عائد کیا۔

ح

 

[خضر حیات]

بہت اچھا ہوا ۔
سوموار والے دن کا تازہ ترین واقعہ سن لیں ، قصور کا فالودہ بہت مشہور ہے ، ہم کافی سارے ساتھی وہاں سے گزرے تو کھانے کا پروگرام بنا ، ایوب فالودہ نامی ایک دکان میں گئے ، عمارت بڑی سجائی گئی تھی ، بظاہر صفائی ستھرائی بھی بہت لگ رہی تھی ، جب فالودہ پیش کیا گیا تو میرے ساتھ بیٹھے ہوئے دوست کے پیالے میں جیتا جاگتا ’’ کیڑا ‘‘ تیراکی کرتا نظر آیا ، پیالہ تبدیل کردیا گیا ، اور ہمارے انتظام کرنے والے ساتھی نے گزارش کی کہ خاموشی اختیار کرلیں ، تاکہ تمام لوگ ( تعداد تقریبا 40 تھی ) پریشان نہ ہوں ، یوں مجبورا زہر مار کرنا شروع کردیا ، تھوڑی دیر بعد میرے والے پیالے میں اوپر سے ایک مچھر نما دھڑام سے آرہے ، بس پھر ہم نے فیصلہ کیا کہ یہ ہمارے نصیب میں نہیں ، تو کم ازکم کیڑوں مکوڑوں کو چند لمحے عیاشی کرلینے دیں ،سو وہیں پیالہ رکھ کر باہر کی راہ لی ۔

 

[ابن داود]

السلام علیکم ورحمۃ اللہ وبرکاتہ!
میرا خیال یہ ہے کہ جب تک تازہ دودھ کی فروخت پر پابندی نہیں لگائی جاتی، یہ معاملات ہوتے رہیں گے، میرا مطلب یہ ہے کہ کم سے کم شہروں میں صرف ڈیری فارم سے پیک شدہ دودھ عوام میں مین فروخت کیا جائے، ہاں جو کاروباری حضرات ہیں، جیسے لسی اور فالودہ ، باورچی انہیں تازہ دودھ حاصل کرنے کی اجازت ہو۔
اس سے ہو گا یہ کہ عوام جو دودھ خریدے گی، اسے معلوم ہوگا کہ یہ کتنے فیصد فیٹ کا حامل دودھ ہے! اور اس طرح دودھ کی دیگر مصنوعات بھی عوام کو سستی میسر آسکیں گی!!

 

[محمد عامر یونس]

السلام علیکم :

کل جب میں امی کے گھر گیا گاڑی کھڑی کر کے باہر نکلا تو وہاں سڑک پر ایک گول گپے والے کا ٹھیلا کھڑا تھا اور ٹھیلے والا نظر نہیں آیا جب میں گلی میں داخل ہوا تو وہاں گاڑی کی آڑ میں ایک شخص پیشاب کر کے واپس جا رہا تھا میں نے دیکھا کہ وہ گول گپے والا تھا - نہ استنجا کیا اور نہ ہاتھ دھوئے اور اس نے بغیر ہاتھ دھوئے گول گپے بنانا شروع کر دیئے -

اس لئے بھائیوں گھر کی دال بھی مرغی کے برابر ہوتی ہے

 

[ابن قدامہ]

بہت اچھا ہوا ۔
سوموار والے دن کا تازہ ترین واقعہ سن لیں ، قصور کا فالودہ بہت مشہور ہے ، ہم کافی سارے ساتھی وہاں سے گزرے تو کھانے کا پروگرام بنا ، ایوب فالودہ نامی ایک دکان میں گئے ، عمارت بڑی سجائی گئی تھی ، بظاہر صفائی ستھرائی بھی بہت لگ رہی تھی ، جب فالودہ پیش کیا گیا تو میرے ساتھ بیٹھے ہوئے دوست کے پیالے میں جیتا جاگتا ’’ کیڑا ‘‘ تیراکی کرتا نظر آیا ، پیالہ تبدیل کردیا گیا ، اور ہمارے انتظام کرنے والے ساتھی نے گزارش کی کہ خاموشی اختیار کرلیں ، تاکہ تمام لوگ ( تعداد تقریبا 40 تھی ) پریشان نہ ہوں ، یوں مجبورا زہر مار کرنا شروع کردیا ، تھوڑی دیر بعد میرے والے پیالے میں اوپر سے ایک مچھر نما دھڑام سے آرہے ، بس پھر ہم نے فیصلہ کیا کہ یہ ہمارے نصیب میں نہیں ، تو کم ازکم کیڑوں مکوڑوں کو چند لمحے عیاشی کرلینے دیں ،سو وہیں پیالہ رکھ کر باہر کی راہ لی ۔

دودھ میں مچھر گر جانے کا حکم

شروع از بتاریخ : 03 February 2013 10:12 AM
السلام عليكم ورحمة الله وبركاته
اگر دودھ میں مچھر گر جائے تو کیا اسے استعمال کیا جا سکتاہے۔ ؟

الجواب بعون الوهاب بشرط صحة السؤال
وعلیکم السلام ورحمة اللہ وبرکاته! الحمد لله، والصلاة والسلام علىٰ رسول الله، أما بعد!
آپ وہ دودھ پی سکتے ہیں ،اس کو پینے میں کوئی حرج نہیں ہے، وہ پاک ہی ہے اور نجس نہیں ہوا،شریعت میں اگرچہ مچھر،بھڑ، چیونٹی اور جگنو وغیرہ کے حوالے سے کوئی صریح نص منقول نہیں۔ لیکن نبی کریم صلی اللہ علیہ وسلم نے کھانے میں مکھی گر جانے کی صورت میں اسے غوطہ دے کر نکالنے اور پھر اسے استعمال کر لینے کی طرف راہنمائی فرمائی ہے۔مکھی اور مچھر ایک ہی طرح کی دو مخلوقات ہیں،اگر مکھی مچھر سے بڑی ہونے کے باجود جس چیز میں گر جائے اس کو استعمال کیا جا سکتا ہے تو مچھر والی چیز کے استعمال میں بھی بظاہر کوئی مضائقہ نہیں۔

اس کی وجہ یہ ہے کہ مکھی میں دم مسفوح (رگوں میں دوڑنے پھرنے والا خون) نہیں ہوتا ،جسے قرآن نے حرام قرار دیا ہے، اس لئے اس کے گرنے سے چیز ناپاک نہیں ہوتی اور ظاہر ہے کہ مکھی کی طرح مچھر، چیونٹی، جگنو، بھڑ وغیرہ اور ان کے علاوہ بھی بیسیوں ایسے جانور ہیں جن میں دم مسفوح نہیں ہوتا تو اس قاعدے سے سب کو مکھی پر قیاس کر لیا گیا کہ ان کے گر نے سے بھی چیز ناپاک نہیں ہوتی۔

هذا ما عندي والله اعلم بالصواب

فتویٰ کمیٹی
محدث فتویٰ
http://www.urdufatwa.com/index.php?/Knowledgebase/Article/View/2391/0/

 

[ابن قدامہ]

السلام علیکم :

کل جب میں امی کے گھر گیا گاڑی کھڑی کر کے باہر نکلا تو وہاں سڑک پر ایک گول گپے والے کا ٹھیلا کھڑا تھا اور ٹھیلے والا نظر نہیں آیا جب میں گلی میں داخل ہوا تو وہاں گاڑی کی آڑ میں ایک شخص پیشاب کر کے واپس جا رہا تھا میں نے دیکھا کہ وہ گول گپے والا تھا - نہ استنجا کیا اور نہ ہاتھ دھوئے اور اس نے بغیر ہاتھ دھوئے گول گپے بنانا شروع کر دیئے -

اس لئے بھائیوں گھر کی دال بھی مرغی کے برابر ہوتی ہے

جب اس نے استنجا ہی نہیں کیا تو ہاتھ دھونے کی کیا ضرورت

 

[ابن قدامہ]

السلام علیکم ورحمۃ اللہ وبرکاتہ!
میرا خیال یہ ہے کہ کب تک تازہ دودھ کی فروخت پر پابندی نہیں لگائی جاتی، یہ معاملات ہوتے رہیں گے، میرا مطلب یہ ہے کہ کم سے کم شہروں میں صرف ڈیری فارم سے پیک شدہ دودھ عوام میں مین فروخت کیا جائے، ہاں جو کاروباری حضرات ہیں، جیسے لسی اور فالودہ ، باورچی انہیں تازہ دودھ حاصل کرنے کی اجازت ہو۔
اس سے ہو گا یہ کہ عوام جو دودھ خریدے گی، اسے معلوم ہوگا کہ یہ کتنے فیصد فیٹ کا حامل دودھ ہے! اور اس طرح دودھ کی دیگر مصنوعات بھی عوام کو سستی میسر آسکیں گی!!

https://preserveurdu.wordpress.com/2015/06/22/doodh-ka-doodh/