یتیم بچیوں کے ساتھ نازیبا حرکات کر کے ویڈیو بنانے والا ملزم گرفتار، سید ابرار شاکر القادری

[کنعان]

یتیم بچیوں کے ساتھ نازیبا حرکات کر کے ویڈیو بنانے والا ملزم گرفتار ​

طاہر نصیر 21 دسمبر 2018

راولپنڈی کے علاقے گورا قبرستان کے قریب یتیم اور بے سہارا بچیوں کے لیے قائم فلاحی ادارے میں بچیوں کے ساتھ نازیبا حرکات کر کے ویڈیو بنانے والے ملزم کو گرفتار کر لیا گیا۔

پولیس کے مطابق ملزم شاکر القادری فلاحی ادارہ چلاتا تھا جہاں کم عمر بچیاں زیر تعلیم تھیں۔

انہوں نے دعویٰ کیا کہ ملزم یتیم بچیوں کے ساتھ نازیبا حرکات کر کے ویڈیو بنایا کرتا تھا۔

پولیس کی جانب سے گوراقبرستان کے قریب فلاحی ادارے پر چھاپہ مار کارروائی کے دوران کر ملزم کو گرفتار کیا گیا۔

پولیس حکام کا کہنا تھا کہ فلاحی ادارے سے 16 یتیم بچیوں سمیت 2 خواتین کوبازیاب کرایا گیا ہے۔

انہوں نے بتایا کہ بازیاب کرائی گئی بچیوں کی عمر5 سال سےلیکر 14سال تک ہیں۔

پولیس نے ملزم کے خلاف تھانہ سٹی پولیس میں بد فعلی، زیادتی کی کوشش سمیت دیگر دفعات کے تحت فرسٹ انفارمیشن رپورٹ (ایف آئی آر) درج کرلیا۔

ایف آئی آر میں بتایا گیا کہ ملزم رات بھر بچیوں کو کمرے میں لے جا کر نازیبا حرکات کیا کرتا تھا اور ان کی ویڈیوز بھی بنایا کرتا تھا۔
.............................

مصنف غلط کاری کے الزام میں گرفتار​

1 دن پہلے

اسپائلر: Picture

پولیس نے فارسی دان اور کئی کتابوں کے مصنف کو معصوم بچیوں سے غلط کاری کے الزام میں گرفتار کیا ہے ۔ اٹک سٹی پولیس کو درج کرائے گئے مقدمے میں نیاز محمد نے بتایا کہ اس نے غربت کی وجہ سے اپنی دس سال کی بچی کو پناہ ایجوکیشنل انسٹی ٹیوٹ میں داخل کرایا تھا جہاں دیگر یتیم اور بے سہارا بچیاں بھی زیرتعلیم تھیں ۔

اس ادارے کو سید ابرار شاکر القادری نامی شخص چلاتا ہے اور میں ہر پندرہ دن بعد اپنی بیٹی کو ملنے جاتا تھا ۔ گزشتہ روز ملاقات میں جب بیٹی کو خوفزدہ پایا تو اس نے پوچھنے پر بتایا کہ مذکورہ شخص جو مہتمم ہے اس کے ساتھ غلط حرکات کرتا ہے ۔ بچی نے بتایا کہ ابرار شاکر القادری دیگر بچیوں اور وارڈن کے ساتھ بھی غلط حرکتیں کرتا ہے اور بڑی بچیوں کو پوری رات اپنے کمرے میں رکھتا ہے، صبح وہ روتی رہتی ہیں ۔

مقدمے میں کہا گیا ہے کہ وارڈن عاصمہ اور آیا خالدہ بھی اس کوٹھی میں رہتی ہیں ۔ پولیس نے مقدمہ درج کرنے کے بعد پناہ ایجوکیشنل انسٹی ٹیوٹ پر چھاپہ مارا اور ابرار شاکر القادری کو گرفتار کر لیا ۔

پولیس ذرائع نے دعوی کیا ہے کہ شاکر القادری فارسی دان، کئی کتابوں کا مصنف ہے اور اس کے ایرانی سفارت کاروں سے بھی مراسم ہیں اور اس کے انسٹی ٹیوٹ کو فنڈنگ بھی ہو رہی تھی

ویڈیو

https://www.facebook.com/video.php?v=785976998406984

​

 

[خضر حیات]

بہت افسوس ناک۔
ان صاحب نے ان پیچ کے لیے غالبا نستعلیق فانٹ کی بھی کوئی قسم ایجاد کی ہے۔
اردو محفل فورم پر کافی ایکٹو تھا، اور وہاں اس کی ایک آئی ڈی ’دوست‘ نام سے بھی تھی۔
@یوسف ثانی صاحب بھی جانتے ہوں گے۔

 

[یوسف ثانی]

سوشیل میڈیا پر ایکٹیو "اردو زبان و ادب" کی آڑ میں بہت سے لوگ "غیر اخلاقی" حرکات میں ملوث ہیں۔ اردو ادب سے دلچسپی رکھنے والوں کو ایسے "ہنرمندوں" سے ہشیار رہنے کی ضرورت ہے۔