بریلوی مکتبہ فکر کے قراء کرام کی خدمات

[ساجد]

جامعہ معظمیہ للبنات کا قیام
حضرت قاری صاحب نے جامعہ کریمیہ سدیدیہ للبنات حال ہی میں قائم کیا ہے جو آپ کی سرپرستی میں چل رہا ہے۔ اس اِدارہ میں شعبہ حفظ و ناظرہ تجوید و قراء ت اور درسِ نظامی کے شعبہ جات قائم ہیں۔
اَولاد
آپ کے چار صاحبزادے اور دو صاحبزادیاں ہیں۔
صاحبزادگان کے اسماء :
(١) حضرت قاری محمد عبداللہ ثاقب (٢) محمد عبدالرحمن
(٣) حافظ محمد طاہر (٤) حافظ محمد طیب

 

[ساجد]

تلامذہ
آپ کے تلامذہ کی تعداد سینکڑوں میں ہے چند مشہور درج ذیل ہیں:
(١) حضرت قاری محمد طیب (٢) حضرت قاری محمد عبداللہ ثاقب
(٣) ڈاکٹر قاری محمد مظفر (٤) قاری محمد سلیم چشتی
(٥) قاری خدا بخش بصری (٦)قاری اعجاز حسین قادری
(٧) قاری امجد اقبال مظہری (٨)قاری محمد سیف اللہ سیفی
(٩) قاری محمد عثمان (١٠)قاری محمد یعقوب

 

[ساجد]

تصانیف
آپ نے ایک کتاب ’القول السدید فی علم التجوید‘ تحریر کی ہے، جو اگرچہ ابتدائی ہے مگر بہت جامع، عام فہم اور ترتیب کے لحاظ سے بہت عمدہ ہے، تجوید کے طلباء اور شائقین کے لیے بہترین تحفہ ہے۔

 

[ساجد]

اُستاذ القراء قاری محمد کرامت اللہ نقشبندی

نام و نسب
آپ کا نام محمد کرامت اللہ اور والد کا نام حاجی عطا محمد ہے۔ آپ کا تعلق اعوان قبیلہ سے ہے۔
وِلادت
۱۹۶۱ء کو چک۲۱؍ شمالی تحصیل بھلوال ضلع سرگودھا میں پیدا ہوئے۔
حصول تعلیم
آپ نے ابتدائی تعلیم اپنے گاؤں سے حاصل کی، ناظرہ قرآن مجید سے فراغت پائی اور کئی بزرگوں سے کسب فیض کیا ہے۔
تکمیل حفظ القرآن
اُستاذ الحفاظ قاری محمد یوسف صاحب سے جامعہ مقبولیہ نقشبندیہ گاؤں للہ شریف تحصیل پنڈ دادن خان ضلع جہلم میں حفظ قرآن مکمل کیا۔

 

[ساجد]

تجوید و قراء ت کی تکمیل
آپ نے تجوید و قراء ت کا علم شیخ القراء والمجودین قاری محمد یوسف صدیقی صاحب﷫ سے جامعہ صدیقیہ سراج العلوم بیرون مستی گیٹ لاہور سے حاصل کیا۔
قراء اتِ سبعہ کی تکمیل
قراء اتِ سبعہ کی تکمیل استاذ القراء والمجودین قاری مظفر حسین شاہ صاحب﷫ سے جامعہ صدیقیہ سراج العلوم بیرون مستی گیٹ لاہور سے کی۔
قراء اتِ ثلاثہ کی تکمیل
قراء اتِ ثلاثہ کی تکمیل استاذ القراء والمجودین قاری حسن شاہ بخاری صاحب﷫ سے جامعہ رحیمیہ نیلا گنبد لاہور سے کی۔

 

[ساجد]

درس نظامی
آپ نے درس نظامی کی تعلیم جامعہ نعمانیہ اندرون ٹیکسالی گیٹ لاہور میں درج ذیل اساتذہ کی زیر نگرانی حاصل کی۔
(١) شیخ الحدیث علامہ قاضی ارشاد الٰہی عصامی صاحب﷫ (٢) علامہ مولانا محمد صدیق صاحب ﷫
(٣) علامہ مفتی عبداللطیف جلالی صاحب﷫
تدریسی خدمات
آپ نے فراغت کے بعد ۱۹۸۰ء سے لے کر ۱۹۹۶ء تک عرصہ ۱۶ سال تک جامعہ صدیقیہ سراج العلوم بیرون مستی گیٹ لاہور میں اپنے استاذ محترم شیخ القراء والمجودین قاری محمد یوسف صدیقی صاحب﷫ کی موجودگی میں اُن کے زِیر سایہ تدریسی خدمات سرانجام دیں۔ فرسٹ ٹائم آپ جامعہ صدیقیہ سراج العلوم میں پڑھانے اور سیکنڈ ٹائم جامعہ جماعتیہ حیات القرآن پاپڑ منڈی لاہور میں پڑھاتے۔۱۹۸۲ء سے لے کر تاحال آپ اسی مدرسہ میں سیکنڈ ٹائم پڑھا رہے ہیں اور آج کل فرسٹ ٹائم آپ جامعہ خورشیدیہ قادریہ اقبال پارک بالمقابل گیٹ نمبر ۳ متصل لاری اڈا لاہور میں تدریسی خدمات سرانجام دے رہے ہیں۔

 

[ساجد]

مدرسہ کا قیام
آپ نے ایک مدرسہ بھی قائم کیا ہے جس کا نام جامعہ عربیہ اسلامیہ کرامت العلوم (برائے طالبات) شاہدرہ لاہور میں واقع ہے جس کی آپ سرپرستی فرما رہے ہیں۔
امامت و خطابت
کوتوالی پولیس لائن نزد لنڈا بازار کی جامع مسجد میں سرکاری طور پر امامت و خطابت کے فرائض سرانجام دے رہے ہیں۔
شخصی اَحوال
آپ کا قد درمیانہ ہے اور آپ باوقار شخصیت کے مالک ہیں۔ مضبوط حافظ، بہترین قاری اور بہترین مدرس ہیں اور حق گو انسان ہیں۔ آپ بہت غیورہیں، سادگی اور عاجزی آپ کا شیوہ ہے۔ آپ ہمیشہ اپنے شاگردوں میں تعلیم کا شوق پیدا کرتے ہیں اور اہل علم احباب کی بہت قدر کرتے ہیں۔ جہاندیدہ اور خوش طبع انسان ہیں آپ کا شمار مسلک اہل سنت و جماعت حنفی بریلوی کے تجوید و قراء ت کے ماہر اور نامور اساتذہ میں ہوتا ہے۔

 

[ساجد]

اَندازِ تدریس
حضرت قاری صاحب کا انداز تدریس بہت خوبصورت ہے۔ کتب پڑھانے کا انداز بہت جامع اور عام فہم ہوتا ہے کہ کم صلاحیت رکھنے والے طلباء بھی بہت جلد اور آسانی سے سبق کو سمجھ جاتے ہیں۔ طلباء کی مشق پر توجہ فرماتے ہیں مگر بالخصوص حدر پر خصوصی توجہ فرماتے ہیں۔ جتنی توجہ حضرت قاری صاحب طلباء کی حدر پر دیتے ہیں۔ بہت کم اساتذہ اتنی توجہ دیتے ہیں۔ حدر کے دوران طلباء کی ہر ادا پر توجہ رکھتے ہیں۔ طلباء کو تجوید کے مطابق قرآن پاک پڑھنے کی بہت سختی کے ساتھ تاکید فرماتے ہیں۔ بے شمار مساجد و مدارس میں آپ کے شاگرد دینی خدمات سرانجام دے رہے ہیں۔ جن کے پڑھنے پڑھانے میں ان کے استاذ محترم کے فن کی جھلک نظر آتی ہے۔

 

[ساجد]

اَولاد
آپ کے دو صاحبزادے محمد احسان اللہ اور محمد کلیم اللہ ہیں اور سات صاحبزادیاں ہیں۔
تلامذہ
آپ کے تلامذہ کی تعداد سینکڑوں تک پہنچتی ہے۔ مگر چند ایک درج ذیل ہیں:
(١) قاری فقیر احمد چشتی لاہور (٢) قاری خدا بخش بصری لاہور (٣) قاری غلام مصطفی
(٤) قاری محمداعجاز سیالوی (٥) قاری محمد عادل نقشبندی (٦) قاری محمد رمضان نقشبندی
(٧) قاری محمد یاسر انگلینڈ (٨) قاری محمد عامر خان انگلینڈ (٩) قاری محمد اکبر لاہور
(١٠) قاری محمد زبیر (١١) قاری محمد اعظم وٹو
تصنیفی خدمات
آپ کی ایک تصنیف ’برکاتِ حرمین فی احکام التجوید‘ زیر طبع ہے۔

٭_____٭_____٭