کچن ٹوٹکے

[ماریہ انعام]

محترمہ !ہم نے تو ہمیشہ نوازش کو مؤنث ہی کہا سنا ہے ۔۔۔۔کیا آپ کوبیماری کی درخواست یاد نہیں
۔۔۔۔۔۔۔۔۔۔عین نوازش ہو گی
آپ کی تابعدا رشاگرد
ایکس ۔وائے۔زیڈ

ہاں!البتّہ سنا ہے ‘بیگم نوازش علی‘ مدّکر ہیں کیا آپ کا اشارہ ان کی طرف تو نہیں؟؟؟؟

 

[اخت ولید]

ہمم۔ ۔ کچھ نہیں ماریہ بہنا۔ ۔جانے دیں۔ ۔ مے تے انج ای ’چھیڑ ‘پائی سی):
نوازش مونث ہی ہوتی ہے مگر میں مذکر نام نوازش کی بات کر رہی تھی:)

 

[اخت ولید]

فیڈر کے نپّل میں چکنائی جمع ہو جائے تو صاف کرنا بہت مشکل ہوتا ہے۔ ۔ نپّل دھو کر اس میں چٹکی بھر نمک ڈال دیں،دس منٹ بعد گرم پانی سے دھو لیں۔چکنائی ختم ہو جائے گی!

 

[اخت ولید]

انڈے کی آملیٹ بناتے ہوئے تھوڑے سے دودھ میں تھوڑا سا بیسن اچھی طرح ملا کر آملیٹ کے آمیزے میں شامل کریں۔۔آملیٹ کی شکل اچھی بنے گی!

 

[اخت ولید]

ٹماٹر کی قیمت عموما آسمانوں سے باتیں کرتی ہے۔گرمیوں میں ٹماٹر سستے ہوتے ہیں ،اکھٹے خرید کر دھو کر فریز کر لیں۔۔کئی ماہ تک قابلِ استعمال ہیں۔۔استعمال کے وقت فریزر سے نکال کر دھوئیں ۔۔کچھ دیر میں چھلکا نرم پڑ جائے تو چھری سے اتار لیں اور پیس کر استعمال کر لیں۔۔
دوسری صورت یہ ہے کہ ٹماٹردھو کر بلینڈر میں ڈال کر بلینڈ کر لیں۔۔پیسٹ بن جائے تو اسے آئس کیوبز میں جما لیں۔۔خوب جم جائے تو برف کیوبز کی طرح نکال کر پلاسٹک بیگ میں محفوظ کر لیں۔بوقتِ ضرورت پیس کر استعمال کرلیں۔۔
اکثر کوکنگ میں کارآمد ہے!

 

[اخت ولید]

سلاد،چنا چاٹ،دہی بھلوں میں اکثر کچا پیاز استعمال کیا جاتا ہے۔
اسکی کڑواہٹ اور بو دور کرنے کے لیے اسے چھیل،کاٹ کر نمک لگا کر مل کر دھو لیا جاتا ہے لیکن اس کی ظاہری شکل خوش کن اور تازہ نہیں رہتی۔۔اس کے لیے پیاز کو حسب ضرورت کاٹ کر گھنٹہ،دوگھنٹہ فریج میں رکھ دیں۔۔کڑواہٹ بھی خاصی حد تک دور ہو جاتی ہے اور شکل بھی خوش کن رہتی ہے!

 

[اخت ولید]

میکرونی ابالتے ہوئے پانی میں نمک کے ساتھ ایک کھانے کا چمچ کوکنگ آئل شامل کر لیں اور بوائل ہونے پر چھلنی،جھارنے میں انڈیلنے کے بعد تازہ پانی کی ٹونٹی چند سیکنڈز کے لیے میکرونیز پر کھول دیجیے۔۔اس طرح میکرونی آپس میں چپکتی نہیں ہے۔
میکرونی بوائل کرنے کے بعد جلد از جلد استعمال میں لے آئیں،زیادہ دیر پڑا رہنے سے بھی میکرونی جڑنے لگتی ہے!

 

[اخت ولید]

بیسن ،سوجی وغیرہ کو ہمیشہ ہلکی آنچ پر بھونیں۔۔تیز آنچ پررنگ جلدی بدل جاتا ہے مگر اسے بیسن بھوننا نہیں جلانا کہتے ہیں!!)

 

[اخت ولید]

ویجیٹیبل میکرونیز تیار کرنے کے بعد اس میں شان چکن یا ویجیٹیبل نوڈلز کو پانی مکمل خشک کر کے شامل کریں۔۔منفرد ٹیسٹ آئے گا!

 

[اخت ولید]

انڈے کی زردی کو سفیدی سے علیحدہ کرنے کے لیے:ایک کٹوری میں انڈہ توڑ لیں۔احتیاط کریں کہ زردی نہ ٹوٹے۔اب ایک پلاسٹک کی خالی چھوٹی بوتل لے کر اسےدرمیان میں سے اچھی طرح دبائیں اور کٹوری میں موجود زردی کے قریب جا کر اس پر سے دباؤ چھوڑ دیں۔زردی بوتل میں منتقل ہو جائے گی۔