کیا جنت اور جہنم بھی ایک دن فنا ہوجائیں گی..؟

[سرفراز فیضی]

اہل علم کے شذوذات کا ایک انسائیکلو پیڈیا تیار کیا جا سکتا ہے لیکن ان سے صرف نظر اسی وجہ سے کیا جاتا ہے کہ ان میں خیر کا پہلو غالب ہوتا ہے۔ امر واقعہ یہ ہے کہ ہر شخص میں خیر اور شر دونوں پہلو موجود ہوتے ہیں۔ میں اگر گناہ کرتا ہوں تو یہ میرے اندر شر کا پہلو ہے جو ظاہر ہوتا ہے۔ میں دراصل یہ کہنا چاہتا ہوں کہ شذوذات تو امام ابن حزم یا علامہ البانی رحمہما اللہ وغیرہ کے بھی ہیں لیکن اہل علم ان پر نقد کرتے ہوئے ان کی شخصیت کو مسخ نہیں ہونے دیتے ہیں کیونکہ ان میں خیر کا پہلو بہت غالب ہے۔ پس ذاکر نائیک صاحب کے بارے راقم کا موقف یہ ہے کہ ان سے اختلاف ہونا چاہیے، ان پر نقد بھی ہو لیکن چونکہ ان کا خیر کا پہلو بہت غالب ہے لہذا یہ نقد اس اسلوب میں ہو کہ ان کی شخصیت مسخ نہ ہونے پائے اور ہماری نقد ان کی ذات سے پھیلنے والی خیر میں رکاوٹ نہ بن جائے۔ جزاکم اللہ خیرا

لیکن ہم تو اجتہاد میں غلطی کرنے کا حق بھی انہیں لوگوں دیتے ہیں جو اجتہاد کرنے کے مستحق ہیں ۔
کیا ڈاکٹر صاحب کو ان علمی میدانوں سے دور ہی نہیں رہنا چاہیے جو ان کی علمی دسترس سے باہر کے ہیں ؟
کسی کی دعوتی خدمات بہت زیادہ ہیں اس کا یہ مطلب تو نہیں ہونا چاہیے کہ اس کو دین میں من مانی تبدیلی کا اختیار دے دیا جاے ؟

 

[شاکر]

جزاک اللہ خیرا سرفراز بھائی،
ڈاکٹر ذاکر نائک کے جواب پر تنقید سے قبل ، ازراہ کرم اس سوال کا درست جواب کیا ہونا چاہئے، وہ بتا دیجئے۔ مجھے ذاتی طور پر شدت سے اصل جواب جاننے کی جستجو ہے۔ باقی ہمیں ڈاکٹر صاحب کی کوئی غلطی، اگر وہ واقعتاً موجود ہے، مان لینے میں کوئی تعصب نہیں۔ لیکن پہلے درست عقیدہ کی وضاحت کتاب و سنت سے ، سلف صالحین سے کی جانی چاہئے۔ سوال کے اپنے اندر ایسی الجھن موجود ہے کہ اس کا عام فہم جواب جس انداز سے بھی دینے کی کوشش کی جائے، ایسا لگتا ہے کہ یا تو کہیں نا کہیں جھول رہ جائے گا اور یا پھر مخلوق کی خالق سے صفت میں برابری لازم آتی محسوس ہوگی۔

 

[محمد ارسلان]

جزاک اللہ خیرا سرفراز فیضی بھائی
جزاک اللہ خیرا ابوالحسن علوی بھائی

شاکر بھائی نے صحیح کہا ہے،اس اہم موضوع پر قرآن و سنت کی روشنی میں صحیح موقف واضح کریں۔

 

[سرفراز فیضی]

آخر مسئلہ ہے کیا ؟
قرآن وسنت میں اہل جنت اور اہل جنہم کی صفت خالدین بتائی گئی ہے جبکہ خلد نہ اللہ کی صفت ہے اور نہ خالد اللہ کا نام ۔

 

[شاکر]

آخر مسئلہ ہے کیا ؟
قرآن وسنت میں اہل جنت اور اہل جنہم کی صفت خالدین بتائی گئی ہے جبکہ خلد نہ اللہ کی صفت ہے اور نہ خالد اللہ کا نام ۔

سرفراز بھائی، مسئلہ مجھ جیسے عام آدمی کے لئے ہے کہ اللہ کی صفت الآخر (جس کا اردو میں میرے لئے معنیٰ یہ ہے کہ اللہ ہمیشہ رہے گا)، اور مخلوق کی صفت خالد( کہ وہ جنت یا جہنم میں ہمیشہ رہیں گے) میں الفاظ سے قطع نظر، مفہوم کے اعتبار سے فرق کیا ہے؟
میں اللہ کے بارے ہمیشگی، اور مخلوق کے بارے ہمیشگی کے عقیدہ میں تفریق کیسے کروں؟ یا اگر ایسی تفریق ثابت نہیں ہے ، تو مفہوم کے اعتبار سے مخلوق کو خالق کا ہم سر مان لوں؟

 

[سرفراز فیضی]

سرفراز بھائی، مسئلہ مجھ جیسے عام آدمی کے لئے ہے کہ اللہ کی صفت الآخر (جس کا اردو میں میرے لئے معنیٰ یہ ہے کہ اللہ ہمیشہ رہے گا)، اور مخلوق کی صفت خالد( کہ وہ جنت یا جہنم میں ہمیشہ رہیں گے) میں الفاظ سے قطع نظر، مفہوم کے اعتبار سے فرق کیا ہے؟
میں اللہ کے بارے ہمیشگی، اور مخلوق کے بارے ہمیشگی کے عقیدہ میں تفریق کیسے کروں؟ یا اگر ایسی تفریق ثابت نہیں ہے ، تو مفہوم کے اعتبار سے مخلوق کو خالق کا ہم سر مان لوں؟

پہلی بات ۔اللہ کے نام الآخر کا مطلب ہے کہ اللہ کے بعد کوئی نہیں ، یعنی جب ساری کائنات فنا ہوجائے کی اللہ کی ذات باقی رہے گی۔
حدیث میں اللہ کی صفت آخریت کا یہی مفہوم بیان کیا گیا ہے :
وَأَنْتَ الْآخِرُ فَلَيْسَ بَعْدَكَ شَيْءٌ
صحيح مسلم (4/ 2084)
مخلوق آخر نہیں۔ اس کو ابدیت بھی بہر حال فنا کے بعد ہی حاصل ہونی ہے ۔ لہذا اللہ کی صفت آخریت اور مخلوق کی ابدیت میں کوئی تعارض نہیں ۔
ددسری بات۔ مخلوق کی ابدیت اللہ کی عطاء اور اس کی رحمت کی وجہ سے ہوگی جبکہ اللہ غنی اور اس آخریت اور بقاء اس کی صفات ذاتی ہے ۔ لہذا اللہ اور بندے کی ابدیت میں واضح فرق ہے ۔
تیسری بات ۔ محض اسماء و صفات کے اشتراک سے ہمسری اور تماثل لازم نہیں آتا۔

 

[سرفراز فیضی]

اصل میں یہ اصول جس کی بنا پر ڈاکٹر ذاکر نائک شبہہ میں پڑ گئے کہ ابدیت صرف اللہ ہی کے لیے ہے خود ہی بے اصل ہے ۔
اور امت کے اجماع کے خلاف ہے۔ قرآن وسنت سے اس کی کوئی دلیل نہیں پیش کی جاسکتی ۔ شیخ الاسلام ابن تیمیۃ رحمہ اللہ لکھتے ہیں:
وَاتفقَ سلف الْأمة وأئمتها على أَن من الْمَخْلُوقَات مَالا يعْدم وَهُوَ الْجنَّة وَالنَّار وَالْعرش وَغير ذَلِك
وَلم يقل بِفنَاء جَمِيع الْمَخْلُوقَات إِلَّا طَائِفَة من أهل الْكتاب المبتدعين وَهُوَ قَول بَاطِل
مختصر الفتاوى المصرية (ص: 177)
جنت ، جہنم ، عرش وغیرہ مخلوقات کی ابدیت پر امت کے اسلاف اور ائمہ کا ہمیشہ سے اتفاق رہا ہے اور سارے مخلوقات کے فنا ہوجانے کا عقیدہ سوائے اہل کتاب کے مبتدعین کے اور کسی نے نہیں اختیار کیا ۔ اور ان کا یہ عقیدہ باطل ہے ۔

 

[Rashid Yaqoob Salafi]

ویسے اس طرح کے ایک قول کی نسبت امام ابن تیمیہ﷫ کی طرف بھی کی جاتی ہے، نہ جانے یہ کس حد تک صحیح ہے؟

میں نے بھی کسی جگہ یہ پڑھا تھا لیکن وہ صرف "جہنم" کی نسبت سے کہا کیا تھا کیونکہ اگر اللہ کی رحمت کو دیکھا جائے تو ایسا ہونا بعید نہیں. باقی اللہ ہی حقیقت سے آگاہ ہیں. ہمیں اس کا صحیح علم نہیں.

 

[ابوالحسن علوی]

میں اور میرے ساتھ اہل علم کا ایک بڑا گروہ اس بات کو بہت سختی کے ساتھ محسوس کررہا ہے کہ ڈاکٹر ذاکر نائک کے تئیں لوگوں کی دیوانگی آہستہ آہستہ شخصیت پرستی کے ایک بہت بڑے فتنہ کی شکل اختیار کرتی چلی جارہی ہے ۔ حالت یہاں تک پہچ چکی ہے کہ ان کے مداح ان کی بڑی سے بڑی غلطی کو غلطی تک تسلیم کرنے کے لیے تیار نہیں ہوتے ۔

جزاکم اللہ خیرا۔ اگر مقصود صرف اتنا ہو تو یہ مثبت سوچ ہے لیکن اس مقصود کے تحت نقد میں بھی جس قدر ہو سکے ہمیں اس قسم کے داعیین دین پر نقد کرتے ہوئے ان کی خوبیوں کا بھی کچھ تذکرہ کر دینا چاہیے تا کہ ان کے محبین کے لیے اس نقد کو قبول کرنے میں آسانی اور سہولت رہے۔

 

[ابو فرقان]

السلام علیکم:

محترم بھائیو:
ہم جیسے کم فہم دین دار لوگوں کا ایک المیہ یہ ہے کہ ہم پہلے ایک موقف اختیار کر لیتے ہیں پھر اس کے بارے دلائل اکٹھے کرتے ہیں حو کہ اکثر گمراہی کا سبب بنتے ہیں۔

ڈاکٹر عبدالکریم ذاکر نائیک سے اللہ بہت سارا دین کا کام لے رہا ہے اور اس کی شخصیت کفار کے لیے ایک چیلنج سے کم نہیں۔

لیکن افسوس اس بات کا ہے کہ ہمارے ہی مسلمانوں کو اس پر سب سے زیادہ بے بنیاد اعتراض ہیں۔
کبھی اس کی زبان لڑکھڑانے پر اعتراض،
کبھی اسکا لفظ ہندو کی وضاحت کرنے پر اعتراض،
کبھی یزید کو رضی اللہ عنہ کہنے ہر اعتراض،
کبھی نبی صلی اللہ علیہ وسلم کو پوچنے اس انکار کرنے پر اعتراض،
کبھی اس کے لباس پر اعتراض،
لیکن کبھی کسی نے اسکے سوالات کا قرآن و سنت کی روشنی میں رد نہیں کیا بلکہ اسی وجہ سے اختلاف شروع کر دیا کہ یہ چیز میں نے تو پہلے کبھی نہیں سنی،یا میری سمجھ میں تو نہیں آ رہی،وغیرہ وغیرہ،
وہ ایک علمی شخصیت ہیں اللہ سے اسکے بارے مزید دعا کرتے رہنا چاہیے کہ اللہ اسے سے دین ک زیادہ سے زیادہ کام لے،اور اسکی غلطیوں کو معاف فرمائے،
اور ہمِں اللہ کے شعار کی قدر کرنی چاہیے،اور جان لینا چاہیے کہ اہل علم بھی اللہ کے شعار میں سے ہیں،