آرمی سپلای

[نوشیروان]

السلام علیکم و رحمۃ اللہ،
میرے والد صاحب کی Car Decorationکی دکان ہے مثال کہ طور پر Seat Covers, Security Alarm Systems, Lights, Mats etc.۔
میرا سوال یہ ہے کہ ہمارے پاس آرمی کے ایک Purchase Department میں سے لوگ آرمی افسروں کی گاڑیوں کے لیے Accessories خریدنے آتے ہیں۔
تو ہم سے Bill زیادہ قیمت کا بنواتے ہیں۔ ظاہری طور پر تو یہی سمجھ آتی ہے کہ وہ ادارے کو زیادہ قیمت کا بل دکھا کر باقی پیسے خد رکھ لیتے ہیں۔
تو کیا ان کو زیادہ قیمت کا بل بنا کر دینا جاءز ہے؟

 

[ابوالحسن علوی]

وعلیکم السلام ورحمۃ اللہ وبرکاتہ
یہ بیماری ہمارے ہاں سرکاری محکموں میں عام ہے اور اسے سیدھے سادھے الفاظ میں کرپشن کہا جاتا ہے۔ آپ سے ایک شخص نے جتنے میں ایک چیز خریدی ہے آپ اتنے ہی کا بل اسے بنا کر دے سکتے ہیں۔ اس سے زیادہ کا بل بنانا ایک تو جھوٹ ہے یعنی جھوٹا بیان ہے اور دوسرا کرپشن میں تعاون میں ہے۔ لہذا جائز نہیں ہے۔
جزاکم اللہ

 

[نوشیروان]

جزاکاللہ خیر مجھے بھی یہی لگ رہا تھا۔
اس ہی سے متعلق ایک خیال میرے زہن میں آ رہا تھا وہ یہ کہ یہ جھوٹ تب ہو گا نہ جب ایک پروڈکٹ کی قیمت مثال کہ طور پر ١٠٠ وصول کریں اور بل میں ہم ١١٠ لکھ دیں۔
مگر، اگر ہم وصول بھی ١٠٠ کریں اور بل بھی ١٠٠ کا بنایں مگر ١٠ روپے اس بندے کو اپنی طرف سے دے دیں۔ تو کیا یہ غلط ہوگا؟
کیوں کہ اگر ہم اس کی بات نہیں مانینگے تو اس نے کسی اور کہ پاس چلا جانا ہے۔ اور یہی سسٹم جاری رکھنا ہے۔ تو اس طرح وہ شخص بھی برے عمل سے بچ جائے گا۔

 

[ابوالحسن علوی]

مگر، اگر ہم وصول بھی ١٠٠ کریں اور بل بھی ١٠٠ کا بنایں مگر ١٠ روپے اس بندے کو اپنی طرف سے دے دیں۔ تو کیا یہ غلط ہوگا؟

اب آپ کا معاملہ جائز ہو گیا لیکن اس کا نہیں ہوا۔ آپ اسے کسٹمر فراہم کرنے کی فیس کے طور یا وکالت کے طور ۱۰ روپے دے سکتے ہیں لہذا درست ہے۔