• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

اذکار

شمولیت
ستمبر 22، 2020
پیغامات
400
ری ایکشن اسکور
2
پوائنٹ
32
فضائلِ اذکار

تحریر: محدث العصر شیخ زبیر علی زئی رحمہ اللہ

’’ذِکر‘‘ یاد کرنے کو کہتے ہیں، یعنی اللہ تعالیٰ کو ہر وقت یاد کرتے رہنا چاہئے۔

1- ارشادِ باری تعالیٰ ہے:

((فَاذْکُرُوْنِیؔ اَذْکُرْکُمْ))

پس میرا ذِکر کرو، میں (فرشتوں کے سامنے) تمھارا ذِکر کروں گا۔

(البقرہ: 152)

اللہ تعالیٰ نے فرمایا:

((وَالذّٰکِرِیْنَ اللہَ کَثِیْرًا وَّالذّٰکِرَاتِ اَعَدَّاللہُ لَھُمْ مَغْفِرَۃً وَّاَجْرًا عَظِیْمًا))

اور کثرت سے اللہ کا ذِکر کرنے والے مرد اور عورتیں، ان کے لئے اللہ نے بخشش اور اجرِ عظیم تیار کر رکھا ہے۔

(الاحزاب: 35)

2- رسول اللہ ﷺ نے فرمایا:

جو شخص اپنے رب کا ذِکر کرتا ہے اور جو ذِکر نہیں کرتا، ان کی مثال زندہ اور مردہ کی طرح ہے۔

(صحیح بخاری: 6407)

نبی کریم ﷺ نے اللہ تعالیٰ کے ذِکر کو سونا چاندی خرچ کرنے اور میدانِ قتال میں حاضر ہونے سے بہتر اور درجات بلند کرنے کا ذریعہ قرار دیا۔ (دیکھئے سنن الترمذی: 3377، وسندہ حسن و صححہ الحاکم 1/ 496 ووافقہ الذہبی)

3- رسول اللہ ﷺ نے فرمایا:

جو شخص کتاب اللہ (قرآن مجید) میں سے ایک حرف پڑھے تو اسے اس کے بدلے میں نیکی ملتی ہے اور ایک نیکی کا اجر دس گناہے۔ میں یہ نہیں کہتا کہ الٓم ایک حرف ہے، بلکہ الف ایک حرف ہے، لام ایک حرف ہے اور میم ایک حرف ہے۔

(سنن الترمذی: 2910 وقال: ’’ھذا حدیث حسن صحیح غریب‘‘ وسندہ حسن)

4- نبی کریم ﷺ کی ایک حدیث کا خلاصہ یہ ہے کہ جو لوگ ایسی مجلس میں بیٹھتے ہیں، جس میں وہ اللہ کا ذِکر نہیں کرتے اور نبی (ﷺ) پر درود نہیں پڑھتے تو قیامت کے دن اُن پر حسرت ہی طاری ہو گی۔ (مسند احمد ج 2 ص 463 ح 9965 وسندہ صحیح)

……… اصل مضمون ………

اصل مضمون کے لئے دیکھئے تحقیقی و علمی مقالات (جلد 4 صفحہ 566) للشیخ حافظ زبیر علی زئی رحمہ اللہ
 
Top