اقبالیات تفہیم وتجزیہ

[عبد الرشید]

کتاب کا نام

اقبالیات تفہیم وتجزیہ

مصنف

رفیع الدین ہاشمی

ناشر

اقبال اکادمی لاہور پاکستان

تبصرہ

علامہ محمد اقبال کو شاعر مشرق کہا جاتا ہے ۔ یہ ایک حقیقت ہے کہ اہل مشرق کے جذبات و احساسات کی جس طرح ترجمانی کا حق اقبال مرحوم نے ادا کیا ہے اس طرح کسی دوسرے نے نہیں کیا ۔ ان کی شاعری عروج رفتہ کی صدا ہے ۔ ان کے افکار و نظریات عظمت مسلم کے لئے ایک بہترین توجیہ اور جواز فراہم کرتے ہیں ۔ افکار اقبال کو سمجھنے میں لوگوں نے بہت کوشش کی ہے تاہم اس حوالے سے ایک قابل اعتبار حد تک اعزاز ڈاکٹر رفیع الدین ہاشمی صاحب کو بھی ہے ۔ زیر نظر کتاب ان کے مقالات کا جو تھا مجموعہ ہے اس میں ان کے تیس برس کے مقالات کو یکجا کر دیا گیا ہے ۔ یہ چار بنیادی حصوں میں منقسم ہے ۔ پہلا حصہ اقبال اور اکبر حیدری اور میر انیس اور اقبال کے موضوع پر ہے ۔ دوسرے حصے میں فکر اقبال کے بعض پہلوؤں کی نشان دہی کی گئی ہے ۔ تیسرے اور چوتھے حصے کا تعلق خالصتا اقبالیاتی تحقیق سے ہے ۔ اس کے علاوہ اس کتاب میں ہاشمی صاحب نے فکر اقبال کے بعض ایسے گوشوں کو تفصیل کے ساتھ پیش کیا ہے جنہیں دوسرے نقادوں نے یا تو یکسر نظر انداز کر دیا، یا ان کی طرف معمولی اشارے کر کے آگے نکل گئے ہیں ۔ (ع۔ح)

اس کتاب اقبالیات تفہیم وتجزیہ کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

تقدیم
دیباچہ
علامہ اقبال اور سر اکبر حیدری
میر انیس اور علامہ اقبال
خطبات اقبال
فکر اقبال اور مغرب کی تمدنی اور استعماری یلغار
اقبال اور نئے عالمی نظام کی تشکیل نو
اقبال کے ہاں ذوق سحر خیزی
اقبال کا تصور جہاد
اسلامی نشات ثانیہ اور اقبال
تاریخ ہند چند تصریحات
بال جبریل کا غیر مطبوعہ کلام
کچھ غیر مطبوعہ کلام
غیر مطبوعہ رقعات بنام پرویں رقم
اقبال صدی کی سوانح عمریاں
کلام اقبال کی تدوین جدید
کلام اقبال کی تدوین
کتابیات