اقدّی الم اعدل علیک قلتقرت من وقتھا

[عدیل سلفی]

السلام علیکم ورحمتہ اللہ وبرکاتہ

ایک مرتبہ مدینہ منورہ میں زلزلہ آ گیا اور زمین زوروں کے ساتھ کانپنے اور ہلنے لگی۔ امیر المومنین رضی اللہ تعالیٰ عنہ نے جلال میں بھر کر زمین پر ایک درہ مارا اور بلند آواز میں تڑپ کر فرمایا۔ ”اے زمین! ساکن ہو جا کیا میں نے تیرے اوپر عدل نہیں کیا ہے؟” آپ رضی اللہ تعالیٰ عنہ کا فرمانِ جلالت نشان سنتے ہیں زمین ساکن ہو گئی اور زلزلہ ختم ہو گیا۔


شیخ @اسحاق سلفی کیا یہ روایت صحیح ہے

 

[عدیل سلفی]

شیخ @اسحاق سلفی

 

[اسحاق سلفی]

السلام علیکم ورحمتہ اللہ وبرکاتہ

ایک مرتبہ مدینہ منورہ میں زلزلہ آ گیا اور زمین زوروں کے ساتھ کانپنے اور ہلنے لگی۔ امیر المومنین رضی اللہ تعالیٰ عنہ نے جلال میں بھر کر زمین پر ایک درہ مارا اور بلند آواز میں تڑپ کر فرمایا۔ ”اے زمین! ساکن ہو جا کیا میں نے تیرے اوپر عدل نہیں کیا ہے؟” آپ رضی اللہ تعالیٰ عنہ کا فرمانِ جلالت نشان سنتے ہیں زمین ساکن ہو گئی اور زلزلہ ختم ہو گیا۔
کیا یہ روایت صحیح ہے

یہ روایت امام رازی رحمہ اللہ (المتوفى: 606هـ) نے تفسیر کبیر میں سورہ کہف کی تفسیر کے ضمن میں بغیر کسی سند اور حوالہ کے لکھی ہے :
(وقعت الزلزلة في المدينة فضرب عمر الدرة على الأرض وقال: اسكني بإذن الله فسكنت وما حدثت الزلزلة بالمدينة بعد ذلك ۔۔۔
ایک دفعہ (سیدنا عمر رضی اللہ عنہ کے دور میں ) مدینہ میں زلزلہ آیا ، تو آپ نے اپنا درہ زمین پر مار کر کہا : اللہ کےن حکم سے تھم جا ،ساکن ہو جا ۔ تو زمین ساکن ہوگئی ،اور اس کے مدینہ شریف میں زلزلہ نہیں آیا ؛
۔۔۔۔۔۔۔۔۔۔۔۔۔۔۔۔۔۔
اسی طرح یہ قصہ شافعیہ کے مشہور علامہ تاج الدين عبد الوهاب بن تقي الدين السبكي (المتوفى: 771ھ) نے اپنی معروف کتاب ’’ طبقات الشافعية الكبرى ‘‘ امام الحرمین ابو المعالی (المتوفی ۴۷۸ ھ ) ‘‘ کی کتاب ’’ الشامل ‘‘ کے حوالے سے نقل کیا ہے ،
’’ قَالَ إِمَام الْحَرَمَيْنِ رَحمَه الله فى كتاب الشَّامِل إِن الأَرْض زلزلت فى زمن عمر رضى الله عَنهُ فَحَمدَ الله وَأثْنى عَلَيْهِ وَالْأَرْض ترجف وترتج ثمَّ ضربهَا بِالدرةِ وَقَالَ أقرى ألم أعدل عَلَيْك فاستقرت من وَقتهَا ‘‘
یعنی :” ایک دفعہ (سیدنا عمر رضی اللہ عنہ کے دور میں ) مدینہ میں زلزلہ آیا ،
اے زمین! ساکن ہو جا کیا میں نے تیرے اوپر عدل نہیں کیا ہے؟” سیدنا عمر رضی اللہ تعالیٰ عنہ نے اللہ کی حمد وثنا کی ، اور آپ نے اپنا درہ زمین پر مار کر کہا : تھم جا ،ساکن ہو جا ۔ ،اور اس کے مدینہ شریف میں زلزلہ نہیں آیا ؛
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب جیسا کہ آپ نے ان دونوں حوالوں میں دیکھا یہ روایت اسناد کے بغیر منقول ہے ،
اور اسناد کے بغیر کوئی بات قابل قبول نہیں ہوسکتی ، اس لئے جب تک اس کی سند کا پتا نہیں چلتا اس وقت تک اس کے صحیح یا ضعیف ہونے کے بارے کچھ نہیں کہا جاسکتا ۔۔۔
اگر اس اسکی کوئی سند ہے تو میرے علم نہیں ۔ْ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[عدیل سلفی]

جزاک اللہ خیرا محترم شیخ اسحاق سلفی