اللہ کی رحمت کیسی ہے ؟

[محمد عامر یونس]

​

​

:::: اللہ کی رحمت کیسی ہے؟؟ ::::

​

​

رسول اللہ صلی اللہ علیہ وسلم نے فرمایا:​

جہنم سے سب سے آخر میں نکلنے اور جنت میں سب سے آخر میں داخل ہونے والے آدمی کو میں جانتا ہوں ۔ ایک آدمی کو لایا جائے گا اور اللہ تعالیٰ (فرشتوں سے) کہے گا: اس سے اس کے چھوٹے چھوٹے گناہوں کے بارے میں پوچھو اور اس کے بڑے گناہوں کو چھپادو ، اس سے کہا جائے گا: تم نے فلاں فلاں دن ایسے ایسے گناہ کئے تھے، تم نے فلاں فلاں دن ایسے ایسے گناہ کیے تھے؟۔ آپ صلی اللہ علیہ وسلم نے فرمایا: اس(آدمی) سے کہاجائے گا: تمہارے ہر گناہ کے بدلے ایک نیکی ہے ۔ آپ صلی اللہ علیہ وسلم نے فرمایا: وہ (آدمی) عرض کرے گا: اے میرے رب! میں نے کچھ ایسے بھی گناہ کیے تھے جسے یہاں نہیں دیکھ رہا ہوں (یعنی میرے بڑے بڑے گناہ بھی ہیں ان کو بھی نیکیوں میں بدل دیجئے)۔​

ابوذررضی اللہ عنہ کہتے ہیں:میں نے رسول اللہ صلی اللہ علیہ وسلم کو (اللہ کی رحمت اور آدمی کی اس پیاری سی چالاکی پر) ہنستے ہوئے
دیکھا حتی کہ آپ کے اندرون کے دانت مبارک نظر آنے لگے

​

(ترمذي : 2596 )​

 

[محمد عامر یونس]

::اے ابن آدم::

​

نبی اکرم صلی اللہ علیہ وسلم نے فرمایا کہ اللہ تعالیٰ فرماتا ہے :

ابن آدم ! تو میری عبادت کے لیے یکسو ہو جا، میں تیرا سینہ استغناء و بے نیازی سے بھر دوں گا، اور تیری محتاجی دور کروں گا، اور اگر تو نے ایسا نہ کیا تو میں تیرا دل مشغولیت سے بھر دوں گا اور تیری محتاجی دور نہ کروں گا

(ترمذي : 2466)​

 

[محمد عامر یونس]

99 رحمتیں قیامت والے دن !!!

​

 

[محمد عامر یونس]

 

[ابن حسیم]

اللھم ارحم حالنا ولا تنظر الی سیآت اعمالنا۔ اللھم ارحمنا برحمتک الواسعۃ۔

 

[محمد عامر یونس]