::: امام بخاری پر آیات کے ٹکڑے جوڑ کر اپنی مرضی کی آیت بنانے کے جھوٹے اِلزام کا جائزہ :::

[عادل سہیل]

أٔمیر المؤمنین فی الحدیث إِمام محمد بن إِسماعیل بخاری رحمہُ اللہ و رفع درجاتہُ و لو کَرِہِ المنافقون ، پر آیات کے ٹکڑے جوڑ کر اپنی مرضی کی آیت بنانے کے جھوٹے اِلزام کا جائزہ
​

[FONT=Al_Mushaf]الحَمدُ للہ ، الذی أرسل رَسولہُ بالھُدیٰ ، و أنطقہُ بالوحی یُوحیٰ ، و أشھد لَہُ أنّہ لا ینطِقُ عن الھویٰ ، بل کلامہ وحی الذی الیہ یُوحیٰ ،و أخبرنا أنّہُ مَن کذّب و تولیٰ فلا یُطیع ُرسولہُ فسوف یُدخِلہُ النَّار التلظیٰ[/FONT]
​

تمام اور خالص تعریف اللہ ہی کا حق ہے ، جِس نے اپنے رسول کو ہدایت کے ساتھ بھیجا ، اور اُسے اپنی وحی کے مطابق کلام کروایا ، اور اپنے رسول کے بارے میں گواہی دہی کہ وہ اپنی خواہش کے مطابق بات نہیں کرتا ، اور ہمیں خبر دی کہ جو کوئی بھی اللہ کی بات کو جُھٹلائے گا اور اُس سے رُوگردانی کرے گا پس اُس کے رسول کی اطاعت نہیں کرے گا اللہ ایسے ہر شخص کو بڑھکتی ہوئی آگ میں داخل کرے گا ۔

​

میرے معرز و محترم کلمہ گو مسلمان بھائیو اور بہنو ، اور دیگر قارئین کرام ،
السلام علیکم و رحمۃ اللہ و برکاتہ ،
مذکورہ بالا عنوان کے مطابق کچھ لکھنے سے پہلے میری گذارش یہ ہے کہ احادیث شریفہ ، اور ہم مسلمانوں کے جلیل القدر اِماموں رحمہم اللہ کی شان میں گستاخی کرنے والے بد دیانتوں کے جھوٹے الزامات کے بارے میں میری طرف سے پیش کئی گئی معلومات پر مشتمل سب ہی مضامین کا مطالعہ ضرور کیجیے ،
تا کہ آپ صاحبان کو یہ اندازہ ہو سکے کہ میں نے اِن لوگوں کے بارے میں بات کرتےہوئے اپنی عادت اور اپنے معمول سے ہٹ کر کچھ سخت کلامی والا انداز کیوں اپنایا ہے ؟
مذکورہ بالا عنوان ، ایک ایسے ہی بے ہودہ ،بددیانت ،اور اللہ کےدِین کے ، اور اللہ کے خلیل محمد صلی اللہ علیہ وعلی وسلم کے دُشمن کی طرف سےعائد کیے گئے جھوٹے الزامات پر مشتمل ہے ،
اُس جھوٹے نے اپنے مضمون کا عنوان رکھا """کوئی سی آیات کے ٹکڑے جوڑ کر اپنی مرضی کے مفہوم کی آیت بنا ئیں، جیسا کہ امام بخاری نے باب الاکراہ میں کیا"""،
اور پھر اِس عنوان کے تحت کیا کچھ جھوٹ لکھا ، آیے اللہ جلّ و علا کی توفیق سے اِس کا جائزہ لیتے ہیں ،
اللہ تبارک وتعالیٰ ہمیں حق جاننے ، پہچاننے ، ماننے اپنانے اور اسی پر عمل پیرا رہتے ہوئے اُس کے دربار میں حاضر ہونے کی ہمت عطاء فرمائے ،
حسب عادت یہ اعتراض بھی اعتراض کرنے والے کی بد دیانتی یا جہالت پر مبنی ہے ،جیسا کہ پہلے بھی اللہ کی عطاء کردہ توفیق سے اعتراض کرنے والے کی اس قسم کی بددیانتی کو واضح کر چکا ہوں ، اب ان شاء اللہ ایک دفعہ پھر اِس بد دیانتی کو بھی واضح کرتا ہوں ،
جو کچھ یہ شخص لکھتا ہے اُس کے مطابق تو یہ سجھائی دیتا ہے کہ یہ شخص باقاعدہ منصوبہ بندی کے مطابق شعوری یا لاشعوری طور پر اللہ کے دِین کی دُشمنی میں ملوث ہے ، لوگوں کو اللہ کی کتاب قران کریم کا نام لے کر اللہ کے دِین کے دوسرے مصدر ، اللہ کے خلیل محمد رسول اللہ صلی علیہ وعلی آلہ وسلم کی سُنّت مبارکہ سے دُور کرنے کی کوشش میں لگا رہتا ہے ،
امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ ورفع درجاتہُ پرسراسر جھوٹے الزامات لگانا اِس کا مشغلہ ہے ، جب کہ اس کی کتابت سے پتہ چلتا ہے کہ یہ شخص علوم الحدیث میں ایک ادنیٰ سا طالب علم کہلانے کے قابل بھی نہیں ، اُمت کے اُن اماموں رحمہم اللہ جمعیاً کے بارے میں جھوٹ بولنا ، اور اُن کی دیانت اور صداقت پر گند اچھالنا بھی اس کا معمول ہے ، جب کہ اللہ تبارک و تعالیٰ نے اس شخص کے جھوٹے ہونے کا ثبوت تقریباً اس کی ہر تحریر میسر کر رکھا ہے ،
مذکورہ بالا عنوان کے تحت اس شخص نے امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ ورفع درجاتہُ و لو کرہِ المنافقون کے بارے میں جھوٹے الزامات پر مبنی جو کچھ بھی لکھا ہے اُس کے جھوٹے ہونے کے ثبوت کے لیے اتنا ہی کافی ہےکہ آپ صاحبان صحیح البخاری کا کوئی بھی مطبوعہ نسخہ لیجیے ، کتاب الاکراہ کھولیے اور دیکھیے کہ وہاں کیا لکھا ہے اور اس جھوٹے نے کیا جھوٹ باندھا ہے ،
اِس اعتراض کرنے والے جھوٹے شخص کے الفاظ کے مطابق کہتا ہوں کہ ، اِس شخص نے امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ و رفع درجاتہُ کے ساتھ خیانت کرتے ہوئے اور اُن رحمہُ اللہ پر جھوٹا الزام لگانے کی بے ہودہ جسارت کرتے ہوئےلکھا ہے کہ :::

"""جنا ب قارئین!
آگے ترجمۃ الباب کی عبارت میں امام بخاری صاحب نے تقیہ کے ثبوت اور جواز کے لئے ایک ایسی خیانت اور بیہودہ جسارت کی ہے کہ فیصلہ کس سے کرائیں یعنی ثبوت تقیہ کے لئے قرآن کی آیت 97سورۃ نساء سے لکھتے ہیں :
اِنَّ الَّذِیْنَ تَوَفّٰھُمُ الْمَآٰءِکَۃ’‘ظَالِمِیْٓ اَنْفُسِھِمْ قَالُوا فِیْمَ کُنْتُمْ قَالُوْا کُنَّا مُسْتَضْعَفِیْنَ فِی الْاَرْضِ الی قولہٖ وَجْعَلْ لَّنَا مِنْ لَّدُنْکَ نَصِیْرًا ۔​

محترمین !

اس آیت کے نقل کرتے وقت امام بخاری صاحب نے آدھی آیت نقل کرنے کے بعد لکھا ہے کہ آگے اتنے تک پڑھتے رہو جتنے تک جملہ وَجْعَلْ لَّنَا مِنْ لَّدُنْکَ نَصِیْرًا (4:75)​

محترم قارئین!

یہ جملہ آگے ختم قرآن تک نہیں ہے ۔ دیکھئے کہ امام بخاری پڑھنے والوں کو کتنا دھوکہ دے رہاہے۔ یہ جملہ تو پیچھے اسی سورۃ کی آیت نمبر75کا حصہ ہے جب کہ یہ آیت 97نمبر ہے تو پھر کیا اسے امام بخاری کی حواس باختگی کہا جائے گا، یا قرآن سے لا علمی اور جہالت پن کہا جائے گا ،یا تراویح پڑھانے والوں حافظوں کی طرح متشابہات میں بہک جانا کہا جائے گا،یا پڑھنے والوں کو بیوقوف بنانے کی فنکاری کہاجا ئے گا۔"""​

محترم قارئین ، میں یہاں صحیح البخاری شریف میں سے کتاب الاکراہ کے پہلے باب کے عنوان کو جُوں کا تُوں نقل کر رہا ہوں ۔۔۔"""[FONT=Al_Mushaf]باب وَقَوْلُ اللَّهِ تَعَالَى ( إِلاَّ مَنْ أُكْرِهَ وَقَلْبُهُ مُطْمَئِنٌّ بِالإِيمَانِ وَلَكِنْ مَنْ شَرَحَ بِالْكُفْرِ صَدْرًا فَعَلَيْهِمْ غَضَبٌ مِنَ اللَّهِ وَلَهُمْ عَذَابٌ عَظِيمٌ ) ،،،،، وَقَالَ ( إِلاَّ أَنْ تَتَّقُوا مِنْهُمْ تُقَاةً ) وَهْىَ تَقِيَّةٌ ،،،،، وَقَالَ ( [/FONT][FONT=Al_Mushaf]إِنَّ الَّذِينَ تَوَفَّاهُمُ الْمَلاَئِكَةُ ظَالِمِى أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِى الأَرْضِ[/FONT][FONT=Al_Mushaf] ) [/FONT][FONT=Al_Mushaf]إِلَى قَوْلِهِ[/FONT][FONT=Al_Mushaf] ( [/FONT][FONT=Al_Mushaf]عَفُوًّا غَفُورًا[/FONT][FONT=Al_Mushaf] ) ،،،،، وَقَالَ ( وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَلْ لَنَا مِنْ لَدُنْكَ وَلِيًّا وَاجْعَلْ لَنَا مِنْ لَدُنْكَ نَصِيرًا ) ،،،،،فَعَذَرَ اللَّهُ الْمُسْتَضْعَفِينَ الَّذِينَ لاَ يَمْتَنِعُونَ مِنْ تَرْكِ مَا أَمَرَ اللَّهُ بِهِ ، وَالْمُكْرَهُ لاَ يَكُونُ إِلاَّ مُسْتَضْعَفًا غَيْرَ مُمْتَنِعٍ مِنْ فِعْلِ مَا أُمِرَ بِهِ .[/FONT][FONT=Al_Mushaf]وَقَالَ الْحَسَنُ التَّقِيَّةُ إِلَى يَوْمِ الْقِيَامَةِ ،،،،،،، وَقَالَ ابْنُ عَبَّاسٍ فِيمَنْ يُكْرِهُهُ اللُّصُوصُ فَيُطَلِّقُ لَيْسَ بِشَىْءٍ ، وَبِهِ قَالَ ابْنُ عُمَرَ وَابْنُ الزُّبَيْرِ وَالشَّعْبِىُّ وَالْحَسَنُ . وَقَالَ النَّبِىُّ - صلى الله عليه وسلم - [/FONT]«[FONT=Al_Mushaf] الأَعْمَالُ بِالنِّيَّةِ [/FONT]»"""
کتاب کے اس حصے کے دو ، ا سکینیڈ امیجز بھی ساتھ لگا رہا ہوں ، یہ نیچے دکھائی دینے والا پہلا امیج اُس عربی نسخے کا ہے جو شام /دمشق سے سن 1997 عیسوئی کا چَھپا ہوا ہے :::

اور یہ دوسرا امیج اُس عربی نسخے کا ہے جو پاکستان / کراچی سے سن 1961 عیسوئی کا چَھپا ہوا ہے ،

محترم قارئین ، آپ صاحبان یہ دونوں امیجز بغور دیکھیے ، تا کہ اِس جھوٹے کی بد دیانتی کی مزید وضاحت میسر ہو، کہ اصل کتاب میں امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ ورفع درجاتہُ نے کیا لکھا ہے ، اور"""حواس باختہ"""اور""" قران کریم سے جاھل لا عِلم ، متشابہات ہی کیا محکمات میں بھی بھٹک جانے والے"""اور""" پڑھنے والوں کو بیوقوف بنانے کی بے ہودہ لیکن ناکام اداکاری""" کرنے والےاِس دھوکہ باز بوھیونے اصل عبارت """[FONT=Al_Mushaf]( إِنَّ الَّذِينَ تَوَفَّاهُمُ الْمَلاَئِكَةُ ظَالِمِى أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِى الأَرْضِ ) إِلَى قَوْلِهِ ( عَفُوًّا غَفُورًا )[/FONT]
[FONT=Al_Mushaf]وَقَالَ ( وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَلْ لَنَا مِنْ لَدُنْكَ وَلِيًّا[/FONT][FONT=Al_Mushaf] وَاجْعَلْ لَنَا مِنْ لَدُنْكَ نَصِيرًا ) [/FONT]"""میں سے سرخ کردہ حصہ حذف کر کے اپنی عبارت بنا ڈالی اور جو مذموم کام خود کیا یعنی اپنی طرف سے قران کریم کی آیت بنا ڈالی ، اُس کام کا الزام امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ ورفع درجاتہُ پر لگا کر چور ڈالے شور کے مصداق سچا بننے کی ادکاری کر ڈالی ، لیکن میرے اللہ نے اِس کی ادکاری کا بھانڈا پھوڑ دِیا ہے [FONT=Al_Mushaf]و لہُ الحمد والمنۃ[/FONT] ۔

اِس جھوٹے نے حذف شدہ عبارت یوں لکھ دی کہ """اِنَّ الَّذِیْنَ تَوَفّٰھُمُ الْمَآٰءِکَۃ’‘ظَالِمِیْٓ اَنْفُسِھِمْ قَالُوا فِیْمَ کُنْتُمْ قَالُوْا کُنَّا مُسْتَضْعَفِیْنَ فِی الْاَرْضِ الی قولہٖ وَجْعَلْ لَّنَا مِنْ لَّدُنْکَ نَصِیْرًا ۔ """، ​

کاپی پیسٹ کے چکر میں """[FONT=Al_Mushaf]المَلائِكَةُ[/FONT]""" میں سے """لام """اور """ واجعَل """میں سے """ الف """ بھی حذف کر گیا ،اور خود کو قران کا عَالِم دکھانے کی جھوٹی کوشش کرتا ہے ، اپنی نفسانی خواہشات اور قران دُشمن مسلک کی تائید کرنے کے لیے خیانت کرتے ہوئےجو عبارت بنائی ، اُس حذف شدہ عبارت کو بنیاد بنا کر اِس جھوٹے شخص نےکس قدر بد دیانتی کے ساتھ ہم مسلمانوں کے ایک سچے متقی صالح زاہد عابد محدث اِمام رحمہُ اللہ و رفع درجاتہُ پر جھوٹے الزام لگائے اور بد کلامی، بد تہذیبی اور بد تمیزی کے مظاہرے کیے !!!، جو اِس کی لکھی ہوئی اور اوپر نقل کئی ہوئی عبارات میں بھی ہیں ، اور مزید بھی کئی عبارات میں ہیں،
اُسی کے انداز میں کہتا ہوں کہ کیا اس بد دیانت جاھل کو صحیح بخاری کی مکمل عبارت دکھائی نہیں دی ؟
یا اس نے جان بوجھ کر یہ خیانت کی ہے ؟
یا اس نے اپنے طور پر کوئی صحیح بخاری لکھ رکھی ہے؟
یا اِس نے کسی حذف شدہ نسخے سے کچھ دیکھ کر مزید نسخے دیکھے پڑھے بغیر اپنی ڈیوٹی پوری کرنے کی ایک اور مذموم کوشش کر ڈالی !!!؟؟؟
اسی لیے میں نے کہا تھا ، اور پہلے بھی کہہ چکا ہوں کہ یہ شخص یا تو جاھل مطلق ہے ، یا پھر بد دیانت ،
اس کی لکھی ہوئی جھوٹی خرافات پر مبنی تحاریر سے دوسری بات زیادہ عیاں ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مضمون جاری ہے ، تمام محترم اور معزز قارئین سے گذارش ہے کہ مضمون کی تکمیل تک اپنے مراسلات روکے رکھیں، جزاکم اللہ خیراً ۔

 

[حرب بن شداد]

جزاکم اللہ خیراً

 

[عادل سہیل]

::: آیات کے ٹکڑے جوڑ کر اپنی مرضی کی آیت بنانے کے جھوٹے اِلزام کا جائزہ::: دوسرا حصہ :::

گذشتہ سے پیوستہ ::: دوسرا حصہ :::
::: آیات کے ٹکڑے جوڑ کر اپنی مرضی کی آیت بنانے کے جھوٹے اِلزام کا جائزہ::: دوسرا حصہ :::
اس کے بعد آتے ہیں نے امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ پر اور ان کی صحیح بخاری پر اعتراض کرنے والے اِس جھوٹے ، خائن کی طرف سے ایک دفعہ پھر اللہ کے کلام کی معنوی تحریف کرنے کی طرف ، اِس بد دیانت جھوٹے نے نے امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ پر تو جھوٹ تھونپے ، سو تھونپے ، اللہ کے دِین اور اللہ کے حبیب محمد رسول اللہ صلی اللہ علیہ وعلی آلہ وسلم کی دُشمنی میں یہ شخص اللہ جلّ و علا پر بھی جھوٹ لگا گیا ہے ، لکھتا ہے :::

""" اس لئے مناسب اور ضروری سمجھتا ہوں کہ میں یہاں پوری آیت نقل کرکے اس کا مفہوم عرض کروں پھر فیصلہ قارئین خود کریں کہ کیا قرآن حکیم جھوٹ بولنے کی اجازت دیتا ہے؟ جس طرح امام بخاری اور اس کے ہمنواؤں نے مشہور کیا ہے ۔پوری آیت ملا حظہ ہو:
لَا يَتَّخِذِ الْمُؤْمِنُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ ۖ وَمَنْ يَفْعَلْ ذَلِكَ فَلَيْسَ مِنَ اللَّهِ فِي شَيْءٍ إِلَّا أَنْ تَتَّقُوا مِنْهُمْ تُقَاةً ۗ وَيُحَذِّرُكُمُ اللَّهُ نَفْسَهُ ۗ وَإِلَى اللَّهِ الْمَصِيرُ (3:28)
یعنی مومنوں کے لئے یہ درست نہیں ہے کہ وہ مومنوں کو چھوڑ کر کافروں سے دوستی رکھیں ۔اگر کوئی ایسا کرے گا تو پھروہ مکافات کے لئے تیار ہوجائے ۔ایسے لوگوں کے لئے اللہ کا ذمہ ختم ہو جا تا ہے۔اگر تم کفار سے ڈرتے ہو اور تمہیں ان کی طرف سے بڑا کوئی خطرہ ہے جان اور مال کے ضائع ہو جانے تکتو بھی یادرکھوکہ
وَيُحَذِّرُكُمُ اللَّهُ نَفْسَهُۗ
یعنی اللہ تمہیں اپنے قوانین کی خلاف ورزی سے ڈراتا ہے ۔
وہ اس لئے بھی کہ
وَإِلَى اللَّهِ الْمَصِيرُ
یعنی مآل کار ، بالآخرانجام تو یہ ہے کہ پھر پھرا کر اللہ کی طرف لوٹنا ہے تو پھر خوف کی حالت میں بھی سچ بولنا ہو گا۔ اور اللہ کے قوانین کی خلاف ورزی کی اجازت کسی بھی حالت میں نہیں ملے گی۔
میں نے عرض کیاہے کہ اس سے پہلی آیت (16:106) پر بھی امام بخاری صاحب نے صرف نقل پر اکتفا کیا اور تبصرہ نہیں کیا ۔ اس لئے کہ اس آیت میں صاف صاف ہے ۔
إِلَّا مَنْ أُكْرِهَ وَقَلْبُهُ مُطْمَئِنٌّ بِالْإِيمَانِ
مجبور اور اکراہ کئے ہوئے لوگوں کا اپنا کوئی عمل و ارادہ غیر شرعی چیز کے لئے ثابت نہیں ہے ۔
اس لئے ان سے کوئی مواخذہ نہیں کیا جائے گا۔ """​

اِس شخص کی قران فہمی میں جہالت اور لا علمی کا اندازہ اس کی لکھی ہوئی بہت سی باتوں سے ہوتا ہے ، مذکورہ بالا اقتباس میں بھی یہ اندازہ ہوتا ہے کہ یہ شخص قران کریم کو اللہ تبارک وتعالیٰ کا کلام ، اللہ تبارک وتعالیٰ کی صِفت نہیں سمجھتا ، بلکہ قران کریم کو کوئی ایسی مخلوق سمجھتا ہےجو کسی کو کسی کام کی اجازت دینے یا نہ دینے کی استطاعت رکھتی ہو ، ایسے انداز میں اللہ کے کلام قران پاک کا ذِکر کسی صحیح عقیدے اور منھج والے عَالِم کی طرف سے ہو تو کچھ اندیشہ نال نہیں ہوتی،لیکن جب اِس جیسے متعصب جاھل کی طرف سے ہو تو یقیناً بہت سے اندیشے ابھارنے والی ہوتی ہے، بہر حال یہ اس وقت میرا موضوع نہیں ، صرف اِس جھوٹے خائن کی جہالت کے ایک اور پہلو کی طرف محترم قارئین کی توجہ کروانا چاہتا تھا،
اِس شخص کی لکھی ہوئی اِس منقولہ بالا عبارت میں اِس شخص نے اپنی باطل سوچ کو درست دکھانے کی کوشش میں اللہ کے کلام ((((([FONT=Al_Mushaf]إِلَّا أَنْ تَتَّقُوا مِنْهُمْ تُقَاةً[/FONT])))))کی معنوی تحریف کرتے ہوئے ترجمہ یوں کیا کہ""" اگر تم کفار سے ڈرتے ہو اور تمہیں ان کی طرف سے بڑا کوئی خطرہ ہے جان اور مال کے ضائع ہو جانے تک تو بھی یادرکھوکہ """
سب سے پہلے تو یہ دیکھیے کہ اپنے من گھڑت مفہوم کو اللہ کا کلام دکھانے کے لیے """تو بھی یادرکھوکہ """ کا اضافہ کیا ، جبکہ اِس آیت کریمہ میں کسی بھی لفظ یا الفاظ کا یہ معنی تو کیا مفہوم بھی نہیں نکلتا ،
اور پھر دوسری تحریف بھی یہ کہ لفظ """[FONT=Al_Mushaf] اِلّا[/FONT] """ کی موجوگی میں ، وہ ترجمہ کسی بھی طور نہیں ہو سکتا جو اِس شخص نے اِس منقولہ بالا سرخ کردہ عبارت میں لکھا ہے ،
کیونکہ """[FONT=Al_Mushaf]اِلّا [/FONT]""" حرف """ استثناء"""ہے ، یعنی ، کسی کام ، کسی چیز ، کسی شخصیت کو کسی حکم ، کسی کیفیت سے مستثنی ٰ قرار دینے والا ،
جیسا کہ """ [FONT=Al_Mushaf]لَا إِلَهَ[/FONT][FONT=Al_Mushaf] إِلَّا[/FONT][FONT=Al_Mushaf] اللہ[/FONT]"""
اِس کا لفظی ترجمہ اس کے علاوہ کچھ اور نہیں کیا جا سکتا کہ ::: """نہیں معبود سوائے اللہ کے""" ، یا دوسرے الفاظ میں """ نہیں معبود مگر اللہ (ہے)"""،
اور مفہوم اِس کے علاوہ اور کچھ نہیں بنتا کہ """نہیں(کوئی حقیقی سچا )معبود سوائے اللہ کے ،"""یا دوسرے الفاظ میں """ نہیں(کوئی حقیقی سچا )معبود مگر(صِرف تنہا )اللہ (ہی ہے) """،
اللہ سُبحانہ ُ وتعالیٰ کے کلام پاک میں سے اِس معنی اور مفہوم کی چند مثالیں بھی سمجھتے چلتے ہیں :::
((((([FONT=Al_Mushaf]يُخَادِعُونَ اللَّهَ وَالَّذِينَ آمَنُوا وَمَا يَخْدَعُونَ[/FONT][FONT=Al_Mushaf] إِلَّا[/FONT][FONT=Al_Mushaf] أَنْفُسَهُمْ وَمَا يَشْعُرُونَ[/FONT]:::(یہ منافق اپنے طور )اللہ کو اور ایمان لانے والوں کو دھوکہ دیتے ہیں ، اور (در حقیقت)یہ دھوکہ نہیں دیتے سوائے اپنے آپ کو، اور اس کا شعور نہیں رکھتے)))))سُورت البقرہ(2)/آیت9،
((((([FONT=Al_Mushaf]وَمِنْهُمْ أُمِّيُّونَ لَا يَعْلَمُونَ الْكِتَابَ[/FONT][FONT=Al_Mushaf] إِلَّا[/FONT][FONT=Al_Mushaf] أَمَانِيَّ وَإِنْ هُمْ إِلَّا يَظُنُّونَ[/FONT]::: اور اُن میں سے نا پڑھ سکنے والے (بھی)ہیں جو کتاب (کے بارے میں)نہیں جانتےسوائے گمانوں کے ، اور وہ لوگ کچھ نہیں ہیں سوائے گمان بازی کرنے والوں کے))))) سُورت البقرہ(2)/آیت78،
((((([FONT=Al_Mushaf]إِنَّ الَّذِينَ يَكْتُمُونَ مَا أَنْزَلَ اللَّهُ مِنَ الْكِتَابِ وَيَشْتَرُونَ بِهِ ثَمَنًا قَلِيلًا أُولَئِكَ مَا يَأْكُلُونَ فِي بُطُونِهِمْ [/FONT][FONT=Al_Mushaf]إِلَّا[/FONT][FONT=Al_Mushaf] [/FONT] [FONT=Al_Mushaf]النَّارَ وَلَا يُكَلِّمُهُمُ اللَّهُ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ[/FONT] :::بے شک وہ لوگ جو کہ اللہ کی نازل کردہ کتاب میں سے چُھپاتے ہیں اور اُسے بیچ کر معمولی سی کمائی کرتے ہیں ، وہ لوگ کچھ اُن کے پیٹوں میں کچھ نہیں کھاتے سوائے آگ کے، اور نہ تو اللہ قیامت والے دِن اُن سے بات کرے گا اور نہ ہی انہیں صاف کرے گا ، اور اُن لوگوں کے لیے دردناک عذاب ہے)))))سُورت البقرہ(2)/آیت174،
((((([FONT=Al_Mushaf]لَا خَيْرَ فِي كَثِيرٍ مِنْ نَجْوَاهُمْ[/FONT][FONT=Al_Mushaf] إِلَّا[/FONT][FONT=Al_Mushaf] مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلَاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاتِ اللَّهِ فَسَوْفَ نُؤْتِيهِ أَجْرًا عَظِيمً[/FONT]:::لوگوں کی سرگوشیوں کی اکثریت میں خیر نہیں ہوتی سوائے اُس کے جو (سرگوشی میں )صدقہ کرنے کا حُکم دے یا نیکی کا حُکم دے ، یا لوگوں کے مابین اصلاح کا حُکم دے ، اور جو کوئی(یہ کام)اللہ کی رضامندی حاصل کرنے کے لیے کرے گا تو ہم اُسے بہت زیادہ ثواب دیں گے)))))سُورت النِساء(4)/آیت114،
[[[ یہ مذکورہ بالا آیت مبارکہ بھی، احادیث شریفہ پر اپنی بد عقلی کی وجہ اعتراض کرنے والوں کی طرف سے حدیث شریف (((اِنما الاعمال بالنیات ))) پر کیے گئے اعتراضات کو باطل قرار دینے والی ہے ، اللہ تبارک وتعالیٰ کی عطاء کردہہ توفیق سے اُن اعتراضات کا تفصیلی جائزہ دو الگ مضامین میں پیش کر چکا ہوں ، درج ذیل لنکس پر اُن کا مطالعہ کیا جا سکتا ہے:
صحیح بخاری کی پہلی (انما الاعمال بالنیات) حدیث پر اعتراضات کا جائزہ : الحمد للہ یہ حدیث شریف قران حکیم کے عین مطابق ہے
http://bit.ly/OYqXSH /// http://bit.ly/SQ8M0z /// http://bit.ly/VZNW1o
ہجرت سے ممانعت والی حدیث پر اعتراضات کا جائزہ ، اور انما الاعمال (صحیح بخاری کی پہلی ) والی حدیث پر اعتراضات کا مزید جائزہ
http://bit.ly/SUMTZH /// http://bit.ly/TlL2NX /// http://bit.ly/QVRTB2 ]]]
قارئین کرام ،قران کریم کی کسی بھی آیت شریفہ یا رسول اللہ صلی اللہ علیہ وعلی آلہ وسلم کی کسی بھی حدیث مبارکہ میں اِس لفظ """[FONT=Al_Mushaf] اِلّا[/FONT] """ کو اِس کے عام معروف معنی ٰ و مفہوم یعنی """ استثنا ء""" سے ہٹ کر کسی بھی اور معنیٰ یا مفہوم والا سمجھنے یا ماننے کے لیے ،یا کسی بھی اور حرف یا لفظ کو اُس کے عام معروف معنی اور مفہوم سے ہٹ کر کسی بھی اور مفہوم والا سمجھنے یا ماننے کے لیے ،اللہ کے کلام پاک یا اللہ کے حبیب محمد صلی اللہ علیہ وعلی آلہ وسلم کے کلام پاک سے اُس الگ اور منفرد مفہوم کی کوئی دلیل ملنا لازم ہے ، اوریہاں اِس آیت مبارکہ میں استعمال فرمودہ لفظ """[FONT=Al_Mushaf] اِلّا[/FONT] """کے کسی الگ ، منفرد اور انوکھے معنی یا مفہوم کی کوئی دلیل میسر نہیں ،
اگر لفظ """[FONT=Al_Mushaf] اِلّا[/FONT] """ کا معنی اور مفہوم وہ لیا جائے جو اِس جھوٹے خائن نے بنائے ہیں تو پھر ان مذکورہ بالا آیات کریمہ کے معنی کیا ہوں گے ؟؟؟
اور پھر اِس دبدیانت نے اسی آیت مبارکہ کے اگلے حصے کا ترجمہ بھی اسی طرح معنوی تحریف کرتے ہوئے ، اللہ تبارک و تعالیٰ کے ایک فعل مبارک کا انکار کرتے ہوئے ، اللہ جلّ جلالہ ُ پر جھوٹ لگاتے ہوئے، باطل تاویل کرتے ہوئے یوں کیا کہ:::

"""وَيُحَذِّرُكُمُ اللَّهُ نَفْسَهُ ۗ
یعنی اللہ تمہیں اپنے قوانین کی خلاف ورزی سے ڈراتا ہے ۔ """،
​

جبکہ اللہ تبارک و تعالیٰ نے اِس آیت کریمہ میں ، اِس مذکورہ بالا کلام پاک میں اپنی ذات پاک سے ڈرایا ہے ،اپنی ذات شریف کا خوف دِلایا ہے ، اپنی ذات لا شریک کےغصے اور ناراضگی کی تنبیہ فرمائی ہے ، نہ کہ اپنے قوانین کی خلاف ورزی سے ڈاریا ہے ، کیونکہ اللہ تعالیٰ کے قوانین اللہ تبارک و تعالیٰ کا نفس یعنی اُس کی ذات پاک نہیں ہیں ،اور کیونکہ اللہ کا غصہ اور ناراضگی صِرف اُس کے کسی قانون کی خلاف ورزی کی وجہ سے ہی واقع ہونے والا نہیں ، بلکہ اُس کی کسی بھی نافرنی کی وجہ سے واقع ہونے والا ہے ، لیکن اِس بد دیانت بوہیونے اللہ کے کلام کی آڑ لیتے ہوئے ، اپنی رسول دُشمنی نبھاتے ہوئے اللہ کی ذات پاک کو اللہ کے قانون بنا ڈالا ، کہ کسی طور اس کے جھوٹ سچ سے دکھائی دینے لگیں ،خواہ اُس کے لیے اللہ سُبحانہُ و تعالیٰ کی ذات پاک کا ہی انکار ہو جائے ،
اسے کہتے ہیں اپنی حواس باختگی میں ، اپنی جہالت اور لا علمی کی رَو میں بہتے ہوئے حقیقت کے خلاف اداکاری کرنا ،
قارئین کرام ، مذکورہ بالا آیت کریمہ میں اللہ تبارک و تعالیٰ نے (((([FONT=Al_Mushaf]وَيُحَذِّرُكُمُ اللَّهُ نَفْسَهُ[/FONT])))))اِیمان والوں کے عقیدے کی درستگی ، مضبوطی اور اِس یا دہانی کے لیے فرمایا ہے کہ کافروں کے ساتھ تعلقات بناتے اور نبھاتے ہوئے یہ یاد رکھا جائے کہ اللہ ہم سے زیادہ ہمارے دِلوں کے حال جانتا ہے اور اُس کی گرفت سے بچا نہیں جا سکتا ، پس اگر ہم کفار سے بچاؤ کی ضرورت کے علاوہ اُن سے دوستی والا رویہ رکھیں گے تو اللہ کی گرفت سے نہیں بچ سکیں گے ،لوگوں کو یا اپنے نفوس کو تو دھوکہ دے لیں گے کہ ہم کافروں سے دوستیاں اُن کافروں کے شر سے بچنے کے لیے دِکھاوے کی کر رہے ہیں ، لیکن اللہ سے دِلوں کے حال نہیں چُھپائے جا سکتے ، لہذا اپنے اِس کام کو صِرف اُسی سبب کی بنا پر کرو جس کی بنا پر یہ کام کرنے کی اجازت دی جا رہی ہے ، اگر کسی اور سبب کی بنا پر کافروں سے دوستیوں والا رویہ دکھاؤ تو ((((([FONT=Al_Mushaf]وَيُحَذِّرُكُمُ اللَّهُ نَفْسَهُ[/FONT])))))،
اللہ تبارک وتعالیٰ کے فرمان ((((([FONT=Al_Mushaf]وَيُحَذِّرُكُمُ اللَّهُ نَفْسَهُ[/FONT]))))) کا یہ مذکورہ بالا فہم میری ذاتی سوچ نہیں ، بلکہ اسی آیت کریمہ سے اگلی آیت شریفہ کے مطابق ہے ، چلتے چلتے دونوں ہی آیات مبارکہ پڑھتے چلتے ہیں ،
((((([FONT=Al_Mushaf]لَا يَتَّخِذِ الْمُؤْمِنُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ وَمَنْ يَفْعَلْ ذَلِكَ فَلَيْسَ مِنَ اللَّهِ فِي شَيْءٍ إِلَّا أَنْ تَتَّقُوا مِنْهُمْ تُقَاةً وَيُحَذِّرُكُمُ اللَّهُ نَفْسَهُ وَإِلَى اللَّهِ الْمَصِيرُ[/FONT]o[FONT=Al_Mushaf]قُلْ إِنْ تُخْفُوا مَا فِي صُدُورِكُمْ أَوْ تُبْدُوهُ يَعْلَمْهُ اللَّهُ وَيَعْلَمُ مَا فِي السَّمَاوَاتِ وَمَا فِي الْأَرْضِ وَاللَّهُ عَلَى كُلِّ شَيْءٍ قَدِيرٌ[/FONT]:::اِیمان والے(دوسرے) اِیمان والوں کو چھوڑ کر کافروں کو دوست مت بنائیں ، اور جس نے ایسا کیا تو وہ اللہ کی طرف سے کسی (خیر و بخشش والا معاملے)میں نہیں ، ایسا صرف (ظاہری طور پر )اس وقت کر سکتے ہو جب تم لوگ اِن کافروں سے کسی طور بچنا چاہتے ہو اور اللہ تُم لوگوں کو اپنی ذات مبارک کے بارے میں خبر دار کرتا ہے اور اللہ کی طرف(تم سب نے)پلٹنا ہےo(اے محمد )فرما دیجیے کہ جو کچھ تُم لوگوں کے سینوں میں ہے اُسے تُم لوگ چُھپاؤ یا ظاہر کرو ، اللہ اُس(سب کچھ)کا عِلم رکھتا ہے ، اور جو کچھ آسمانوں اور زمین میں ہے اللہ اُس کا بھی عِلم رکھتا ہے ، اور اللہ ہر چیز پر قدرت رکھتا ہے)))))سُورت آل عمران(3)/آیات28۔29،
اِن شاء اللہ تعالیٰ، آپ پر اِس بوھیو نامی دھوکہ باز کی جھوٹ ، اور خیانت پر مبنی اداکاری کا ایک اور انداز بھی واضح ہو چکا ہو گا ،
[[[ کافروں کے ساتھ تعلقات کی حدود کے بارے میں ایک مضمون اور کچھ بات چیت آپ آگے ذِکر کردہ لنک میں ملاحظہ فرما سکتے ہیں :::
http://bit.ly/12CFczO ]]]
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
مضمون جاری ہے ۔۔۔

 

[عادل سہیل]

::: آیات کے ٹکڑے جوڑ کر اپنی مرضی کی آیت بنانے کے جھوٹے اِلزام کا جائزہ::: تیسرا (آخری) حصہ :::

گذشتہ سے پیوستہ ::: دوسرا حصہ :::
::: آیات کے ٹکڑے جوڑ کر اپنی مرضی کی آیت بنانے کے جھوٹے اِلزام کا جائزہ::: تیسرا (آخری) حصہ :::
::: ایک سوال ::: معزز قارئین ،میری گذارشات پرغور کرتے ہوئے یہ بھی سوچیے کہ اِس بد دیانت جاھک شخص بوھیو نے امیر المؤمنین فی الحدیث اِمام محمد بن اسماعیل البخاری رحمۃُ اللہ علیہ و رفع درجاتہُ کی ذِکر کردہ آیات میں سے صرف ایک آیت کو لے کر لفظ """[FONT=Al_Mushaf] اِلّا[/FONT] """کی معنوی تحریف کر کے اپنا اُلّو سیدھا کرنے کی کوشش کیوں کی ہے ؟؟؟
جبکہ امام بخاری رحمہُ اللہ ور فع درجاتہُ نے تو سورت النساء کی آیات 97 ، 98 اور 99 کا ذِکر کیا ہے ، اور آیت مبارکہ رقم 98 میں کا آغاز بھی لفظ """[FONT=Al_Mushaf] اِلّا[/FONT]"""سے ہوا ہے ، اور اس کے عام معروف معنی اور مفہوم یعنی "استثناء"کے مفہوم کے ساتھ ہو رہا ہے،
::: سوال کا جواب ::: اِس شخص نے اصل عبارت میں تحریف کر کے اللہ کے کلام کی آڑ میں ، اللہ کے دِین اور اللہ کے رسول صلی اللہ علیہ وعلی آلہ وسلم سے دُشمنی کا حق ادا کرتے ہوئے ایسا کیا ، کہ اللہ کے دِین کا دوسرا مصدر اللہ کے خلیل محمد صلی اللہ علیہ وعلی آلہ وسلم کی قولی ، فعلی اور تقریری سُنّت مبارکہ ہے ، کہ جِس کے بغیر اللہ جلّ و علا کے فرامین اور احکامات کو اللہ کی مُرد کے مطابق نہیں سمجھا جاسکتا، لہذا اللہ کے دِین کے اِس دوسرے مصدر سے بد ظن کرنے کے لیے اِس مصدر کو جمع اور محفوظ کرنے والوں کی کردار کُشی اور انہیں نا قابل اعتماد بنا کر یہ شخص اور اس کے ہم پیالہ لوگ پڑھنے والوں کو دھوکہ دے کر اِس دوسرے مصدرسے دُور کرنا چاہتے ہیں ، کیونکہ یہ مصدر اِن لوگوں کے اُس دجل و فریب کو آشکار کرنے والا ہے ،جو دجل و فریب یہ لوگ اللہ کے کلام کو استعمال کر کے کرتے ہیں،
محترم قارئین ، اب اِس اعتراض کرنے والےشخص کی خیانت ، اور پڑھنے والوں کو بیوقوف بنانے کی بے ہودہ اداکاری کا ایک اور انداز دیکھیے ، لکھتا ہے :::

"""میں نے عرض کیاہے کہ اس سے پہلی آیت (16:106) پر بھی امام بخاری صاحب نے صرف نقل پر اکتفا کیا اور تبصرہ نہیں کیا ۔ اس لئے کہ اس آیت میں صاف صاف ہے ۔
إِلَّا مَنْ أُكْرِهَ وَقَلْبُهُ مُطْمَئِنٌّ بِالْإِيمَانِ
مجبور اور اکراہ کئے ہوئے لوگوں کا اپنا کوئی عمل و ارادہ غیر شرعی چیز کے لئے ثابت نہیں ہے ۔
اس لئے ان سے کوئی مواخذہ نہیں کیا جائے گا۔ """​

قارئین کرام ، اب اِس جھوٹے سے یہ پوچھیے کہ اِس مذکورہ بالا آیت کریمہ میں بھی لفظ """[FONT=Al_Mushaf] اِلّا[/FONT] """ہے اور عام معروف معنی اور مفہوم یعنی "استثناء" کے مطابق ہی استعمال فرمایا گیا ہے ، جس کا اقرار تم خود اپنے ان الفاظ میں کر رہے ہو کہ """مجبور اور اکراہ کئے ہوئے لوگوں کا اپنا کوئی عمل و ارادہ غیر شرعی چیز کے لئے ثابت نہیں ہے۔ اس لئے ان سے کوئی مواخذہ نہیں کیا جائے گا۔""" تو پھر پہلے ذِکر کردہ دوسری آیت کریمہ میں سے اس مفہوم کو بدلنے کے لیے تمہارے پاس کون سی قرانی دلیل ہے ؟؟؟
((((([FONT=Al_Mushaf]إِلاَّ [/FONT][FONT=Al_Mushaf]مَنْ أُكْرِهَ وَقَلْبُهُ مُطْمَئِنٌّ بِالإِيمَانِ[/FONT])))))میں سے تم مجبور کیے جانے والے مسلمانوں کی طرف سے کفر کا اظہار کرنے والے مسلمانوں کے لیے اللہ کے عذاب سے مستثنی ہونے کو مان رہے ہو، اور ((((([FONT=Al_Mushaf]إِلَّا [/FONT][FONT=Al_Mushaf]أَنْ تَتَّقُوا مِنْهُمْ تُقَاةً[/FONT]))))) میں مجبور مسلمانوں کی طرف سے کفار کے شر سےبچنے کے لیے ان سے دوستی ظاہر کرنے کے کام کو استثنائی نہیں مانتے ،!!!؟؟؟
اسے بتایے ، قارئین کرام ، کہ تمہاری دونوں باتیں ایک دوسرے کی نکیر ہیں ، اوریہ تمہارے جھوٹ ، تمہاری بد دیانتی ، تمہاری جہالت اور تمہاری بد حواسی ، بلکہ مخبوط الحواسی کے دلائل میں سے ایک ایسی دلیل ہے جو اللہ پاک نے تمہارے اپنے ہی لکھے ہوئے میں ظاہر کروا دی ہے ۔[FONT=Al_Mushaf]ولہُ الحمد و المنۃ[/FONT] ،
غور فرمایے محترم قارئین ، کون سی کسوٹی ہے اس بد دیانت جھوٹے کے پاس """[FONT=Al_Mushaf] اِلّا[/FONT] """ ہوائے نفس کی پیروی کے ،
اِس نے جو یہ لکھا ہے کہ """ مجبور اور اکراہ کئے ہوئے لوگوں کا اپنا کوئی عمل و ارادہ غیر شرعی چیز کے لئے ثابت نہیں ہےاس لئے ان سے کوئی مواخذہ نہیں کیا جائے گا """اسے شاید اندازہ ہی نہیں کہ اِس فقرے میں اللہ تعالیٰ نے اس شخص کی ذہنی ابتری ، اورحواس باختگی کو مزید وضاحت کے ساتھ ظاہر کروا دیا ہے ، کوئی اس خائن سے پوچھے تو کہ یہ جو کچھ تُم نے لکھا ہے قران کریم میں اِس کی کیا دلیل ہے ؟؟؟؟؟
کہ اگر مجبور کیے گئے لوگوں کا اپنا کوئی عمل و ارداہ غیر شرعی چیز کے لیے ثابت نہیں تو کیا شرعی چیز کے لیے ثابت ہے ؟؟؟؟؟
اِس جھوٹے حواس باختہ شخص کو شاید خبر ہی نہیں ہو پاتی کہ کیا لا یعنی باتیں لکھتا جاتا ہے ، ولا حول ولا قوۃ الا باللہ ،
قارئین کرام ، دیکھیے کہ حواس باختگی کا شکار یہ جھوٹا ، بد دیانت بوھیو ہے ، نہ کہ امیر المؤمنین فی الحدیث اِمام محمد بن اِسماعیل البخاری رحمہُ اللہ و رفع درجاتہُ ،
لکھتا ہے """ مجبور اور اکراہ کئے ہوئے لوگوں کا اپنا کوئی عمل و ارادہ غیر شرعی چیز کے لئے ثابت نہیں ہےاس لئے ان سے کوئی مواخذہ نہیں کیا جائے گا """ ،
اور اسے یہ بھی پتہ نہیں چلا کہ جِس طرح مجبور مسلمان کی طرف سے کفر کے اظہار پر اس سے مواخذہ نہ کیا جائے گا ، اسی طرح مجبور مسلمان کی طرف سے کفار کے ظلم اور شر سے بچنے کے لیے ان سے دوستی کا اظہار کرنے والے پر بھی مواخذہ نہ کیا جائے گا، اور یہ دونوں ہی عمل لغت میں """ [FONT=Al_Mushaf]تقیۃٌ [/FONT]""" کہلاتے ہیں ، اور "[FONT=Al_Mushaf]توریۃُ[/FONT] " بھی ،
توریہ کی وضاحت تو """ صِدق ، سچائی """ میں پیش کر چکا ہوں ، اس مضمون کا مطالعہ آپ درج ذیل روابط پر کر سکتے ہیں
[[[ http://bit.ly/10n2GJZ///http://bit.ly/10FcjF8 ///http://bit.ly/Vb7Ofe /// http://bit.ly/13MmRkA]]]
قارئین کرام ، یہ جھوٹا ، بد دیانت ، قران کریم کا نام لے کر جہالت اور گمراہی پھیلانے والا ، پڑھنے والوں کو دھوکہ دینے کے لیے قران کریم کا عَالِم ہونے کی اداکاری کرنے والاشخص بوھیو """ [FONT=Al_Mushaf]تقیۃ[/FONT] """ کو صِرف اُسی حد تک جانتا ہے جو اہل تشیع کے ایک عقیدے کے طور پر معروف ہے ،
اللہ سُبحانہ ُ و تعالیٰ کا جتنا بھی شکر ادا کیا جائے کم ہے کہ اُس نے اِس بوھیو جیسے بد دیانتوں کے جھوٹ ظاہر کروانے کے انتظامات پہلے ہی کروا دیے ،
اِس شخص نے ہمارے عُلماء کرام کی اس حق بات کو بھی طنز کا نشانہ بنایا ہے کہ """ امام بخاری کی فقہ اُن کی صحیح کے ابواب میں ہے """ ، جس مضمون کا میں یہ جواب پیش کر رہا ہوں اُس کے آغاز میں بھی اِس نے ایسا ہی کیا ، اِن شاء اللہ ابھی میں ہمارے علماء کرام کی اِس بات کی حقانیت کا ثبوت بھی پیش کرتا ہوں ، اور اسی صحیح بخاری میں سے پیش کرتا ہوں ،
اعتراض کرنے والے جھوٹے بد دیانت ، اللہ کے دِین کے دُشمن شخص کی حواس باختگی پر مشتمل ناکام اداکاری کا یہ انداز بھی اس کی بہت سی تحاریر میں ثابت کر چکا ہوں کہ اِس شخص نے صحیح بخاری شریف کی کسی روایت یا کسی عبارت کو صحیح بخاری شریف میں کسی ایک مقام سے لے کر اعتراضات وارد کر دیے ، اور دوسری جگہ سے اُس کی کوئی مزید تحقیق کرنے کی زحمت نہیں کی ، کیوں ؟؟؟
کیونکہ یا تو یہ شخص اِس قابل ہی نہیں کہ کچھ تلاش و بیسار اور موازنہ کرنے والا مطالعہ کر سکے ، اور ، یا پھر یہ شخص جان بوجھ کر اللہ کے دِین ، اور اللہ کے رسول صلی اللہ علیہ وعلی آلہ وسلم سے دُشمنی کرتے ہوئے صرف ایسی عبارات یا روایات سامنے لاتا ہے جنہیں یہ کسی طور اپنے بد مقاصد کے لیے استعمال کر سکے ، لیکن اللہ پاک اِس کی بد دیانتی کا پول کھلوا دیتا ہے ،
جی ہاں قارئین کرام ، عربی ز ُبان میں لفظ """[FONT=Al_Mushaf]تقیۃٌ [/FONT]""" صِرف اُسی معانی اور مفہوم میں استعمال نہیں ہوتا جس معنی اور مفہوم کو لے کر اِس بد دیانت بوھیو نے اپنی ایک اور جھوٹی کہانی بنا ڈالی ، اور نہ ہی اللہ پاک کے کلام مبارک میں یہ لفظ اُس معنی میں استعمال ہوا ہے ،
اگر اِس شخص نے نیک نیتی سے صحیح بخاری شریف کا مطالعہ کیا ہوتا تو اسے یہ دِکھائی دیتا کہ ہمارے امیر المؤمنین فی الحدیث اِمام بخاری رحمہُ اللہ ورفع درجاتہُ نےاِسی صحیح بخاری شریف میں ، سورت آل عمران کی اِسی آیت مبارکہ کے اِسی لفظ کے معنی اور مفہوم کے بیان کے لیے، کتاب التفسیر/ تفسیر سورت آل عمران باب 55[FONT=Al_Mushaf]آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ[/FONT]/ میں ایک الگ باب مقرر کیا ، اور اُس کا جو عنوان رکھا وہ اس حقیقت کا عین ثبوت ہے کہ """ امام بخاری کی فقہ اُن کی صحیح کے ابواب میں ہے """،
امیر المؤمنین فی الحدیث اِمام بخاری رحمہُ اللہ ورفع درجاتہُ نے اُس آخری باب (یافصل) کا عنوان رکھا """ [FONT=Al_Mushaf]سُورة آلِ عِمرَانَ تُقَاةٌ وَتَقِيَّةٌ وَاحِدَةٌ[/FONT] :::سُورت آل عمران (میں لفظ)[FONT=Al_Mushaf]تُقَاةٌ[/FONT] اور [FONT=Al_Mushaf]تَقِيَّةٌ[/FONT]ایک (ہی معنی والے) ہیں """ اِمام بدر الدین العنی الحنفی رحمہُ اللہ نے """عمدۃ القاری شرح صحیح البخاری """میں، اس بات کے عنوان کی شرح کرتے ہوئے بیان فرمایا ہے کہ:::
"""""[FONT=Al_Mushaf]أشار بهذا إلى ما في قوله تعالى إلا أن تتقوا منهم تقاة ويحذركم الله نفسه وإلى الله المصير ( آل عمران28 ) والمعنى مرتبط بما قبله وهو أول الآية لا يتخذ المؤمنون الكافرين أولياء من دون المؤمنين ومن يفعل ذلك يعني ومن يوالي الكفار ( فليس من الله في شيء )[/FONT][FONT=Al_Mushaf]يقع عليه اسم الولاة ( إلا أن تتقوا منهم تقاة ) يعني إلا أن تخافوا من جهتهم أمرا يجب اتقاؤه وانتصاب تقاة على أنه مفعول تتقوا ويجوز أن يكون تتقوا متضمنا معنى تخافوا كما ذكرنا ويكون تقاة نصبا على التعليل ،،، [/FONT][FONT=Al_Mushaf]ومعنى قول البخاري تُقَاةٌ وَتَقِيَّةٌ وَاحِدَةٌ يعني كلاهما مصدر بمعنى واحد قرىء في موضع تقاة تقية والعرب إذا كان معنى الكلمتين واحدا واختلف اللفظ يخرجون مصدر أحد اللفظين على مصدر اللفظ الآخر وكان الأصل هنا أن يقال إلا أن تتقوا منهم اتقاء ،،،وهنا أخرج كذلك لأن تقاة مصدر تقيت فلانا ولم يخرج على مصدر اتقيت لأن مصدر اتقيت إتقاء، وتقاة وتقية وتقى وتقوى كلها مصادر تقيته، بمعنى واحد،،، يقال تقى يتقي مثل رمى يرمى وأصل التاء الواو لأنها في الأصل من الوقاية ومن كثرة استعمالها بالتاء يتوهم أن التاء من نفس الحروف۔[/FONT]
::: ترجمہ ::: امام بخاری رحمہُ اللہ نے اپنے اِس قول (یعنی باب کے عنوان) کے ذریعے اللہ تعالیٰ کے فرمان """[FONT=Al_Mushaf]إِلَّا أَنْ تَتَّقُوا مِنْهُمْ تُقَاةً وَيُحَذِّرُكُمُ اللَّهُ نَفْسَهُ وَإِلَى اللَّهِ الْمَصِيرُ[/FONT]"""(آل عمران آیت 28۔) کے معانی کی طرف اشارہ کیا ہے ، اور اس فرمان کا معنی اِس سے پہلے والے فرمان کے ساتھ جُڑا ہوا ہے ، اور وہ پہلے والا فرمان اِس آیت کا آغاز ہے کہ """[FONT=Al_Mushaf]لَا يَتَّخِذِ الْمُؤْمِنُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ وَمَنْ يَفْعَلْ ذَلِكَ[/FONT]""" یعنی جو کوئی کافروں کے ساتھ دوستی اور قلبی لگاؤ رکھے گا تو"""[FONT=Al_Mushaf]فَلَيْسَ مِنَ اللَّهِ فِي شَيْءٍ[/FONT]"""،یعنی ایسا کرنے والے پر (کافروں کے )دوست کا نام آئے گا ،"""[FONT=Al_Mushaf]إِلَّا أَنْ تَتَّقُوا مِنْهُمْ تُقَاةً [/FONT]"""یعنی تم لوگ صِرف اِس صُورت میں (اللہ کے ہاں)کافروں کے دوست اور ان سے قلبی لگاؤ رکھنے والا نہ ہو گے جب تم لوگ کافروں سے کسی بھی طرف سےکسی ایسے نقصان یا شر کا اندیشہ ہو جس سے بچنا شرعی طور پر واجب ہے (تو ایسی صورت میں اگر تم لوگ کافروں کے لیے دوستی والا ظاہری رویہ دکھاؤ تو کوئی حرج نہیں )،
اور(لفظ )"""[FONT=Al_Mushaf]تُقَاةً [/FONT]"""کو منصوب اس لیے فرمایا گیا ہے کیونکہ وہ"""[FONT=Al_Mushaf]تَتَّقُوا[/FONT]""" کا مفعول ہے ، اور (لغوی طور پر )یہ بھی درست ہے کہ"""[FONT=Al_Mushaf]تَتَّقُوا[/FONT](تم لوگ بچو)"""میں"""[FONT=Al_Mushaf]تَخافُوا[/FONT](تم لوگ ڈرو)""" کا مفہوم بھی ہو ، جیسا کہ ہم پہلے بیان کر چکے ہیں ، اورلفظ """[FONT=Al_Mushaf]تُقَاةً [/FONT] """اس علت پر منصوب ہو ،
اور (امام)بخاری(رحمہُ اللہ و رفع درجاتہ ُ )کے فرمان"""[FONT=Al_Mushaf]تُقَاةٌ وَتَقِيَّةٌ وَاحِدَةٌ[/FONT]""" کا معنی یہ ہے کہ دونوں ہی لفظ ایک ہی معنی والے مصدر ہیں ، (جیسا کہ)کسی جگہ """[FONT=Al_Mushaf]تُقَاةٌ[/FONT]""" کو """ [FONT=Al_Mushaf]تَقِيَّةٌ[/FONT]""" بھی پڑھا جاتا ہے ، اور عربوں کا یہ معمول ہے کہ اگر کسی دو الفاظ کا ایک ہی معنی ہو ، اور لفظ مختلف ہوں تو وہ کسی ایک لفظ کا مخرج دوسرے لفظ کے لیے استعمال کر لیتے ہیں ، اور اِس (طرح اِس آیت شریفہ )میں (لغوی ) مفہوم یہ بھی ہوا کہ یُوں کہا جائے گا کہ """[FONT=Al_Mushaf]إلا أن تتقوا منهم اتقاء[/FONT]:::سوائے اِس کے کہ تُم لوگ اُن(کافروں)سے بچنے کے لیے(دوستی کا دکھاوا بطور)بچاؤ اختیار کرو """،،،اوریہاں(امام)بخاری(رحمہُ اللہ ورفع درجاتہُ)نے اِس لفظ کو اسی لیے ذِکر کیا ہے کہ لفظ """[FONT=Al_Mushaf]تُقَاةٌ[/FONT] """ مصدر ہے """[FONT=Al_Mushaf]تُقَیتُ فلاناً [/FONT] """کا،،،اور(امام)بخاری(رحمہُ اللہ ورفع درجاتہُ)نے اِس لفظ کو"""[FONT=Al_Mushaf] أَتقَيتُ[/FONT]""" کے مصدر کےمطابق ذِکر نہیں کیا کیونکہ """[FONT=Al_Mushaf] أَتقَيتُ[/FONT]""" کا مصدر """[FONT=Al_Mushaf] أَتقَاءٌ [/FONT]"""ہے ،،،
اور """[FONT=Al_Mushaf] تُقاةٌ و تَقيةٌ و تَقىٌ و تَقوى[/FONT] """سب """[FONT=Al_Mushaf] تَقَيتُهُ[/FONT] """کے مصادر ہیں، اور سب کا ایک ہی معنی ہے ۔
جیسا کہ """[FONT=Al_Mushaf] رمى يرمى [/FONT]""" کی طرح کہا جاتا ہے"""[FONT=Al_Mushaf] تقى يتقي [/FONT]"""، اور (لفظ [FONT=Al_Mushaf]تقى [/FONT]میں )"""ت""" کا اصل """و"""ہے ، کیونکہ یہ (لفظ [FONT=Al_Mushaf]تقى [/FONT])اصل میں """[FONT=Al_Mushaf]الوِقَایۃُ [/FONT]"""سے ہے ،اور """ت """کے ساتھ اِس کے استعمال کی کثرت کی وجہ سے یہ خیال کیا جانے لگا کہ یہ"""ت"""اصل لفظ کا حصہ ہے """"" ۔
دیکھیے قارئین کرام ، امیر المؤمنین فی الحدیث امام محمد بن اسماعیل البخاری رحمہُ اللہ و رفع درجاتہ ُ کے صحیح بخاری شریف میں لکھے ہوئے ابواب کے عناوین میں اُن کی گہری اور دُرست فقہ کی ایک مثال بھی پیش ہوئی اور جھوٹے خائن بوھیو کی طرف سے لگائے گئے جھوٹے الزام کی تردید بھی اسی صحیح بخاری شریف میں سے امیر المؤمنین فی الحدیث امام محمد بن اسماعیل البخاری رحمہُ اللہ و رفع درجاتہ ُ کے الفاظ سے بھی میسر ہوگئی ،
قارئین کرام ، اُمید کہ اِن شاء اللہ ، یہاں تک کی معلومات کے ذ ریعے آپ کو اِس جھوٹے، حواس باختہ ، ناکام اداکار بوھیو کی بد دیانتیوں کے بارے میں اچھی طرح سے وضاحت میسر ہو چکی ہو گی ، اس کی تقریبا ً ساری ہی خرافات اِسی طرح کی ہیں ، جن میں سے کچھ کی وضاحت پیش کرنے کا کام اللہ تعالیٰ نے مجھ سے لیا ، اور اللہ سے اُمید کرتا ہوں کہ وہ مجھے اُس کے دِین اور اُس کے خلیل محمد صلی اللہ علیہ وعلی آلہ وسلم کی سُنّت مبارکہ کی خدمت کی توفیق عطاء فرماتا رہے گا ، تو میں اِس شخص کے جھوٹ ، اور خرافات کی حقیقت واضح کر سکوں گا ،
اِس خائن بوھیو نے اپنے مضمون کے آخر میں امام الحسن البصری رحمہُ کے خلاف بھی بد کلامی کی ہے ، جس کا جواب صِرف اتنا ہی کافی ہے کہ چاند پر تھوکنے والا کام ہے ،
اور حدیث شریف """ انما الاعمال بالنیات """ کے خلاف بھی اپنے بد طینتی کا مظاہرہ کیا ہے اور اپنی اِسی خلاف قران جہالت کے مطابق اِس صحیح حدیث شریف کو خلاف قران قرار دینے کی ناکام اداکاری کی ہے ، اِس کا جواب میں دو الگ مضامین میں دے چکا ہوں جِن کے آن لائن مطالعے کا لنک میں اوپر ذِکر کر چکا ہوں ، سب قارئین سے گذارش ہے کہ اُن مضامین کا بھی بغور مطالعہ کیجیے گا ، اِن شاء اللہ اِس خائن کی خیانت مزید کھل کر سامنے آئے گی،
آپ سب سے گذارش ہے کہ ہم سب کے لیے یہ دُعا بھی کیا کیجیے کہ اللہ ہمیں اُس کے خلیل اور آخری رسول محمد صلی اللہ علیہ وعلی آلہ وسلم کی سُنّت مبارکہ کے قولی او ر عملی خادموں اور محافظین میں شامل فرما لے ، اور اُن صلی اللہ علیہ وعلی آلہ وسلم کا قولی اور فعلی طور پر سچا محب بننے کی ہمت عطاء فرمائے رکھے ۔والسلام علیکم۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مضمون کا برقی نسخہ درج ذیل لنک سے اتارا جا سکتا ہے :::
http://bit.ly/T69sSg
میں اپنے ہر اس بھائی اور بہن سے درخواست کرتا ہوں جو اللہ کے خلیل محمد صلی اللہ علیہ وعلی آلہ وسلم سے محبت رکھتا ہے کہ وہ اِس مضمون کو اور اس قسم کے دیگر مضامین کو زیادہ سے زیادہ مسلمانوں تک پہنچائے خاص طور پر ایسے لوگوں تک جن لوگوں کو رسول اللہ صلی اللہ علیہ وعلی آلہ وسلم سے دشمنی رکھنے والے ، اُن صلی اللہ علیہ وعلی آلہ وسلم کی سنت مبارکہ پر طعن کرنے والے لوگ اپنی خرافات پہنچاتے ہیں، اللہ ہی آپ کو اس کا اجر عطاء فرمائے گا ، اور اپنی شان عطاء کے مطابق عطاء فرمائے گا ۔

 

[جانی اعوان]

عادل بھائی کتابت میں ایک دو غلطیاں ہے۔۔

 

[شاکر]

جزاکم اللہ خیرا عادل بھائی جان۔ اللہ تعالیٰ آپ کو خوش رکھیں!

 

[عادل سہیل]

السلام علیکم ورحمۃ اللہ و برکاتہ ،
سب بھائیوں کو میری طرف سے شکریہ قبول ہو ، اللہ تبارک و تعالیٰ آپ سب کو بہترین اجر سے نوازے ، اور ہم سب کو یہ توفیق عطاء فرمائے کہ ہم اللہ کے دِین کے دوسرے مصدر اُس کے خلیل محمد صلی اللہ علیہ وعلی آلہ وسلم کی سنت مبارکہ کی قولی اور عملی حفاظت کر سکیں ،
محترم بھائی جانی اعوان کتابت کی غلطیوں کے بارے میں بتانے پر شکریہ اور جزاک اللہ خیرا، اگر آپ اُن غلطیوں کی نشاندہی بھی فرما دیجیے تو ان شاء اللہ بہت بھلا ہو گا کہ ان شاء اللہ اُن کی تصحیح ہو جائے گی ، اپنے لکھے ہوئے میں اِس قسم کی غلطیاں عموماً نظر میں نہیں آ پاتیں ، اس لیے آپ اُن کی نشاندہی فرما دیجیے ، جزاک اللہ خیرا ، و السلام علیکم۔

 

[محمد ارسلان]

جزاک اللہ خیرا

 

[علی بہرام]

اس میں ایک بات تو یہ ثابت ہوئی کہ امام بخاری بھی تقیہ کے قائل تھے اور دوسری بات جو میں سمجھنا چاہتا ہوں وہ یہ کہ جو الزام امام بخاری پر لگایا گیا کہ آیات کے ٹکڑے جوڑ کر ایک نئی آیت بنا وہ بھی اس طرح سے صحیح ثابت ہورہا ہے کہ جن لوگوں کے لئے اللہ یہ فرمارہا ہے کہ ایسوں کا ٹھکانہ جہنم ہے لیکن انھیں لوگوں کے لئے امام بخاری نے ایسا تاثر دینے کی کوشش کی ہے کہ اللہ نے ان کے لئے ارشاد فرمایا ہے کہ عفوا غفورا‏

پہلے صحیح بخاری کتاب الاکراہ کے باب کا عربی متن

وقول الله تعالى ‏ {‏ إلا من أكره وقلبه مطمئن بالإيمان ولكن من شرح بالكفر صدرا فعليهم غضب من الله ولهم عذاب عظيم‏}‏ وقال ‏ {‏ إلا أن تتقوا منهم تقاة‏}‏ وهى تقية وقال ‏ {‏ إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض‏}‏ إلى قوله ‏ {‏ عفوا غفورا‏}‏ وقال ‏ {‏ والمستضعفين من الرجال والنساء والولدان الذين يقولون ربنا أخرجنا من هذه القرية الظالم أهلها واجعل لنا من لدنك وليا واجعل لنا من لدنك نصيرا‏}‏ فعذر الله المستضعفين الذين لا يمتنعون من ترك ما أمر الله به،‏‏‏‏ ‏‏‏‏ والمكره لا يكون إلا مستضعفا غير ممتنع من فعل ما أمر به‏.‏ وقال الحسن التقية إلى يوم القيامة‏.‏ وقال ابن عباس فيمن يكرهه اللصوص فيطلق ليس بشىء،‏‏‏‏ ‏‏‏‏ وبه قال ابن عمر وابن الزبير والشعبي والحسن‏.‏ وقال النبي صلى الله عليه وسلم ‏"‏ الأعمال بالنية ‏"‏‏.
ترجمہ داؤد راز
جس پر زبردستی کی جائے اور درآنحالیکہ اس کا دل ایمان پر مطمئن ہو لیکن جس کا دل کفر ہی کے لیے کھل جائے تو ایسے لوگوں پر اللہ کا غضب ہو گا اور ان کے لیے عذاب دردناک ہو گا اور سورۃ آل عمران میں فرمایا یعنی یہاں یہ ہو سکتا ہے کہ تم کافروں سے اپنے کو بچانے کے لیے کچھ بچاؤ کر لو۔ ظاہر میں ان کے دوست بن جاؤ یعنی تقیہ کرو۔ اور سورۃ نساء میں فرمایا بیشک ان لوگوں کی جان جنہوں نے اپنے اوپر ظلم کر رکھا ہے جب فرشتے قبض کرتے ہیں تو ان سے کہیں گے کہ تم کس کام میں تھے وہ بولیں گے کہ ہم اس ملک میں بے بس تھے اور ہمارے لیے اپنے قدرت سے کوئی حمایتی کھڑا کردے-----آخر آیت تک۔ امام بخاری نے کہا اس آیت میں اللہ تعالیٰ نے ان کمزور لوگوں کو اللہ کے احکام نہ بجالانے سے معذور رکھا اور جس کے ساتھ زبردستی کی جائے وہ بھی کمزور ہی ہوتا ہے کیونکہ اللہ تعالیٰ نے جس کام سے منع کیا ہے وہ اس کے کرنے پر مجبور کیا جائے۔ اور امام حسن بصری نے کہا کہ تقیہ کا جواز قیامت تک کے لیے ہے اور ابن عباس رضی اللہ عنہما نے کہا کہ جس کے ساتھ چوروں نے زبردستی کی ہو (کہ وہ اپنی بیوی کو طلاق دیدے) اور پھر اس نے طلاق دے دی تو وہ طلاق واقع نہیں ہو گی یہی قول ابن زبیر، شعبی اور حسن کا بھی ہے اور نبی کریم صلی اللہ علیہ وسلم نے فرمایا کہ اعمال نیت پر موقوف ہیں۔

ہائی لائٹ کردہ آیت قرآنی کچھ اس طرح سے ہے
إِنَّ الَّذِينَ تَوَفَّهُمْ الْمَلَئِكَةُ ظَالِمِي أَنفُسِهِمْ قَالُوا فِيمَ كُنتُم ْقَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَسِعَةً فَتُهَاجِرُوا فِيهَا فَأُوْلَئِكَ مَأْوَهُمْ جَهَنَّمُ وَسَاءَتْ مَصِيرًا
سورہ النساء : 97
وہ لوگ جن کی جان فرشتے نکالتے ہیں اس حال میں کہ وہ اپنے اوپر ظلم کرتے تھے اُن سے فرشتے کہتے ہیں تم کاہے میں تھے کہتے ہیں کہ ہم زمین میں کمزور تھے کہتے ہیں کیا اللہ کی زمین کشادہ نہ تھی کہ تم اس میں ہجرت کرتے تو ایسوں کا ٹھکانا جہنّم ہے اور بہت بری جگہ پلٹنے کی ( مترجم : امام احمد رضا بریلوی )

یہ سورہ النساء کی آیت 97 جیسے امام بخاری نے اس طرح سے پیش کیا ہے

{‏ إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض‏}‏ إلى قوله ‏ {‏ عفوا غفورا‏}‏ وقال ‏ {‏ والمستضعفين من الرجال والنساء والولدان الذين يقولون ربنا أخرجنا من هذه القرية الظالم أهلها واجعل لنا من لدنك وليا واجعل لنا من لدنك نصيرا‏}
ترجمہ داؤد راز
بیشک ان لوگوں کی جان جنہوں نے اپنے اوپر ظلم کر رکھا ہے جب فرشتے قبض کرتے ہیں تو ان سے کہیں گے کہ تم کس کام میں تھے وہ بولیں گے کہ ہم اس ملک میں بے بس تھے اور ہمارے لیے اپنے قدرت سے کوئی حمایتی کھڑا کردے-----آخر آیت تک۔
( یہاں مترجم نے تو کمال ہی کردیا کہ سورہ النساء کی آیت 97 اور 75 کو بلکل ہی ملا کر لکھ دیا )
اگر دیکھا جائے تو یہاں امام بخاری نے سورۃ النساء کی آیت 97 کا کچھ حصہ بیان کرنے کے بعد ایسی سورہ کی آیت 99 کا کچھ حصہ ملایا اور پھر ایسی سورہ نساء کی آیت 75 کا کچھ حصہ ملا کر ایک نئی آیت بنا ڈالی ہے اور ان لوگوں کو جن کے بارے میں اللہ سورہ النساء میں فرمارہا ہے کہ ان کا ٹھکانہ جہنم ہے ان کے لئے ایسا تاثر دینے کی کوشیش کی کہ اللہ ایسوں کو معاف فرمانے والا ہے جبکہ اللہ نے معاف کرنے کا وعدہ ان لوگوں سے کیا جو دبا لئے گئے مرد اور عورتیں اور بچے جنہیں نہ کوئی تدبیر بن پڑے نہ راستہ جانیں ہجرت کرنے کا
سورہ النساء آیت 99
فَأُوْلَئِكَ عَسَى اللَّهُ أَنْ يَعْفُوَ عَنْهُمْ وَكَانَ اللَّهُ عَفُوًّا غَفُورًا
تو قریب ہے اللہ ایسوں کو معاف فرمائے اور اللہ معاف فرمانے والا بخشنے والا ہے ( مترجم : امام احمد رضا بریلوی )
سورہ النساء آیت 75
وَمَا لَكُمْ لَا تُقَتِلُونَ فِي سَبِيلِ اللَّهِ وَالْمُسْتَضْعَفِينَ مِنْ الرِّجَالِ وَالنِّسَاءِ وَالْوِلْدَنِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَنَا مِنْ لَدُنْكَ وَلِيًّا وَاجْعَل لَنَا مِنْ لَدُنْكَ نَصِيرًا
اور تمہیں کیا ہوا کہ نہ لڑو اللہ کی راہ میں اور کمزور مردوں اور عورتوں اور بچوں کے واسطے جو یہ دعا کر رہے ہیں کہ اے رب ہمارے ہمیں اس بستی سے نکال جس کے لوگ ظالم ہیں اور ہمیں اپنے پاس سے کوئی حمایتی دے دے اور ہمیں اپنے پاس سے کوئی مددگار دے دے ( مترجم : امام احمد رضا بریلوی )
http://4.bp.blogspot.com/-00tRtcVcR0w/Unj03eYibJI/AAAAAAAAAMM/LnFkK29S-M0/s1600/JOIN+TWO+VERSES+1.JPG