امام بخاری کا راوی سے مقرونا حدیث لینا

[قاضی786]

السلام علیکم و رحمۃ اللہ و برکاتہ

امید ہے سب خیریت سے ہوں گے

سوال یہ پوچھنا ہے کہ حافظ عسقلانی اپنی تہذیب التہذیب میں جا بجا یوں لکھتے ہیں

روی عنہ البخاری مقرونا

اس کا کیا مطلب ہے؟ کیا ایسا راوی امام بخاری کی نظر میں ثقہ ہوتا ہے؟ اور صحیح کی شرط پر پورا اترتا ہے یا نہیں؟

شکریہ

 

[قاضی786]

کوئی جواب عنایت کرے گا؟

 

[محمد نعیم یونس]

السلام علیکم ورحمۃ اللہ
محترم ومکرم @رضا میاں

 

[رضا میاں]

قرین کہتے ہیں ساتھی کو۔ اگر کوئی محدث ایک روایت کو دو لوگوں سے روایت کرے تو وہ دونوں ساتھی کہلاتے ہیں اس لئے کہا جاتا کہ روی عنہ مقرونا اس نے فلاں راوی سے ایک دوسرے راوی کو ساتھ ملا کر روایت کی۔
مثال:
حَدَّثَنَا آدَمُ بْنُ أَبِي إِيَاسٍ، قَالَ: حَدَّثَنَا شُعْبَةُ، عَنْ عَبْدِ اللَّهِ بْنِ أَبِي السَّفَرِ، وَإِسْمَاعِيلَ بْنِ أَبِي خَالِدٍ، عَنِ الشَّعْبِيِّ، عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «المُسْلِمُ مَنْ سَلِمَ المُسْلِمُونَ مِنْ لِسَانِهِ وَيَدِهِ، وَالمُهَاجِرُ مَنْ هَجَرَ مَا نَهَى اللَّهُ عَنْهُ»
اس سند میں امام شعبی سے دو لوگ روایت کرتے ہیں گویا یہ دونوں اس سند میں ایک دوسرے کے ساتھی یا قرین ہیں۔

ثقہ یا غیر ثقہ ہونا یہاں غیر متعلق ہے۔
تفصیل کے لئے علماء سے رابطہ کریں۔
واللہ اعلم۔

 

[خضر حیات]

ثقہ یا غیر ثقہ ہونا یہاں غیر متعلق ہے۔
تفصیل کے لئے علماء سے رابطہ کریں۔
واللہ اعلم۔

نہیں ، ثقہ و غیر ثقہ ہونے سے بھی اس کا تعلق ہے ، یوں کہا جاسکتا ہے کہ ’’ اقتران ‘‘ اور ’’ ضعف ‘‘ لازم و ملزوم نہیں ہیں ۔
مطلب ضروری نہیں کہ جہاں کسی محدث نے دو راویوں کو ملا کر ذکر کیا ، یہ ان دونوں کے یا ان میں سے ایک کے ضعف کی وجہ سے ہی ہے ۔
لیکن بہر صورت ایسی مثالیں بھی موجود ہیں جہاں روایت کو مقرونا ذکر کرنے کا سبب راوی کا ضعف ہی ہوتا ہے ، مثلا امام مسلم وغیرہ نے ابن لہیعہ کی روایات کو صحیح مسلم میں مقرونا ذکر کیا ہے ۔
حافظ ابن حجر اور دیگر علماء کرام راویوں کے بارے میں ’’ روی لہ مقرونا ‘‘ اس لیے کہتے ہیں تاکہ کسی محدث کا کسی ضعیف راوی سے روایت لینا اس کی توثیق کی دلیل نہ سمجھا جائے ۔
واللہ اعلم۔

 

[رضا میاں]

نہیں ، ثقہ و غیر ثقہ ہونے سے بھی اس کا تعلق ہے ، یوں کہا جاسکتا ہے کہ ’’ اقتران ‘‘ اور ’’ ضعف ‘‘ لازم و ملزوم نہیں ہیں ۔
مطلب ضروری نہیں کہ جہاں کسی محدث نے دو راویوں کو ملا کر ذکر کیا ، یہ ان دونوں کے یا ان میں سے ایک کے ضعف کی وجہ سے ہی ہے ۔
لیکن بہر صورت ایسی مثالیں بھی موجود ہیں جہاں روایت کو مقرونا ذکر کرنے کا سبب راوی کا ضعف ہی ہوتا ہے ، مثلا امام مسلم وغیرہ نے ابن لہیعہ کی روایات کو صحیح مسلم میں مقرونا ذکر کیا ہے ۔
حافظ ابن حجر اور دیگر علماء کرام راویوں کے بارے میں ’’ روی لہ مقرونا ‘‘ اس لیے کہتے ہیں تاکہ کسی محدث کا کسی ضعیف راوی سے روایت لینا اس کی توثیق کی دلیل نہ سمجھا جائے ۔
واللہ اعلم۔

جی آپ ٹھیک فرما رہے ہیں شاید الفاظ کے چننے میں مجھ سے غلطی ہو گئی۔