انوکھا انداز تبلیغ ۔ ۔ ۔

[خضر حیات]

مولانا ثناء اللہ امرتسری رحمہ اللہ کے طریقہ تبلیغ کے حوالے سے اسحاق بھٹی صاحب حفظہ اللہ لکھتےہیں :

’’ان کا طریق تبلیغ سب سے نرالا اور خالص حکیمانہ تھا ۔ مولانا حنیف ندوی نے بتایا کہ ایک مرتبہ ان کے ہاں امرتسر میں کوئی اجتماع تھا ، جس میں بہت سے علماء و زعماء تشریف لا رہے تھے ۔ وہ میزبان کی حیثیت سے ان کا استقبال کر رہے تھے ۔ مولانا ظفر علی خان بھی تشریف لائے تھے ۔ مولانا ثناء اللہ مصافحے کے لیے ان کی طرف بڑھے تو دیکھا کہ ان کا پاجامہ ٹخنوں سے ذرا نیچے ہے ۔ مصافحہ کرتے ہوئے ان کے پائنچے کو ہاتھ لگا کر فرمایا :
’’آپ کے پاجامے کا یہ حصہ جو آپ کے جوتے کو مس کر چکا ہے ، بڑا متبرک ہے ۔ یہ مجھے عنایت کر دیا جائے تو میں اس سے اپنی ٹوپی بنا لوں ۔‘‘
مولانا ظفر علی خان اس فرمائش کا پس منظر سمجھ گئے اور معذرت کرتے ہوئے پاجامہ ٹخنوں سے اونچا کر لیا ۔ ‘‘
( بز م ارجمنداں ص ١٧٧ )

 

[ابوالحسن علوی]

کیا خوب !

 

[طارق بن زیاد]

ماشاءاللہ بہت خوب واقعہ آپنے شئر کیا جزاک اللہ خیر محترم
اس بات پر مجھے بھی اک واقعہ یاد آتا ہے مولانا کا کہ جب
شیعوں سے یہ مناظرہ کیلئے جارہے تھے تو اپنے جوتے ہاتھوں میں پکڑ رکھے تھے تو اس شیعہ عالم نے مولانا سے کہا کہ آپ کیوں اپنے جوتے ہاتھوں میں پکڑے آرہے ہیں بھلا آپکے جوتے کون چرائیگا تو جھٹ سے مولانا نے برجستہ جواب دے کر کہا کہ نبی صلی اللہ علیہ وسلم کے زمانے میں تو تم لوگ لوگوں کے جوتے چرا لیا کرتے تھے-یہ سن کر شیعہ عالم نے جھٹ سے کہا کہ اس وقت تو ہم لوگ تھے ہی نہیں۔تو جوتے کہاں سے چرائنگے تو مولانا نے کہا کہ ہم بھی تو یہی کہتے ہیں کہ تم اس وقت تھے ہی نہیں۔تم تو بعد کی پیداوار ہو۔

 

[ابن خلیل]

مولانا ثناء اللہ امرتسری رحمہ اللہ کے طریقہ تبلیغ کے حوالے سے اسحاق بھٹی صاحب حفظہ اللہ لکھتےہیں :

’’ان کا طریق تبلیغ سب سے نرالا اور خالص حکیمانہ تھا ۔ مولانا حنیف ندوی نے بتایا کہ ایک مرتبہ ان کے ہاں امرتسر میں کوئی اجتماع تھا ، جس میں بہت سے علماء و زعماء تشریف لا رہے تھے ۔ وہ میزبان کی حیثیت سے ان کا استقبال کر رہے تھے ۔ مولانا ظفر علی خان بھی تشریف لائے تھے ۔ مولانا ثناء اللہ مصافحے کے لیے ان کی طرف بڑھے تو دیکھا کہ ان کا پاجامہ ٹخنوں سے ذرا نیچے ہے ۔ مصافحہ کرتے ہوئے ان کے پائنچے کو ہاتھ لگا کر فرمایا :
’’آپ کے پاجامے کا یہ حصہ جو آپ کے جوتے کو مس کر چکا ہے ، بڑا متبرک ہے ۔ یہ مجھے عنایت کر دیا جائے تو میں اس سے اپنی ٹوپی بنا لوں ۔‘‘
مولانا ظفر علی خان اس فرمائش کا پس منظر سمجھ گئے اور معذرت کرتے ہوئے پاجامہ ٹخنوں سے اونچا کر لیا ۔ ‘‘
( بز م ارجمنداں ص ١٧٧ )

سبحان الله
الله ہمیں بھی اس طرح حکمت سے کام کرنے کی توفیق دے آمین