اگر امام کی دوران نماز ہوا خارج ہوجائے

[طارق بن زیاد]

السلام علیکم محترم
اگر امام کی دوران نماز ہوا خارج ہوجائے اور یہ نماز جہری ہو تو کیا مقتدی امام کی جگہ آکر وہی سورت پڑھائے یا اسے جو یاد ہو وہ پڑھائے ؟
کیا بچے اپنے بڑوں کیساتھ نماز میں اسی صف میں شامل ہوسکتے ہیں ؟
میں ٥ سال سے سعودی میں مقیم ہوں اور میں اپنے گھر کی کفالت کا ذمہ دار ہوں۔مجھ پر کچھ قرض بھی ہے لیکن وہ کسی طرح ادا ہوجائیگا ان شاء اللہ۔دل چاہتا ہے کہ حج کروں لیکن ساتھ میں ایک مشکل یہ بھی ہے کہ اگر میں حج کیلئے جاؤں تو گھر کے اخراجات کیلئے پیسے بھیجنے میں دشواری پیش آئیگی کیا ایسی صورت میں مجھے کیا کرنا چاہئے؟

 

[ابوالحسن علوی]

اگر امام کی دوران نماز ہوا خارج ہوجائے اور یہ نماز جہری ہو تو کیا مقتدی امام کی جگہ آکر وہی سورت پڑھائے یا اسے جو یاد ہو وہ پڑھائے ؟

جہاں سے امام نماز سے نکلا ہے، وہاں سے ہی مقتدی کے لیے اگر ممکن ہو تو نماز کی بنا رکھے۔ اور اگر ایسا ممکن نہ ہو تو کہیں سے بھی قرآن پڑھ سکتا ہے۔

کیا بچے اپنے بڑوں کیساتھ نماز میں اسی صف میں شامل ہوسکتے ہیں ؟

بچوں کی صف پیچھے ہوتی ہے لیکن اگر کوئی بچہ بڑوں کی صف میں نماز ادا کر لے تو اس کی نماز ادا ہو جائے گی۔

میں ٥ سال سے سعودی میں مقیم ہوں اور میں اپنے گھر کی کفالت کا ذمہ دار ہوں۔مجھ پر کچھ قرض بھی ہے لیکن وہ کسی طرح ادا ہوجائیگا ان شاء اللہ۔دل چاہتا ہے کہ حج کروں لیکن ساتھ میں ایک مشکل یہ بھی ہے کہ اگر میں حج کیلئے جاؤں تو گھر کے اخراجات کیلئے پیسے بھیجنے میں دشواری پیش آئیگی کیا ایسی صورت میں مجھے کیا کرنا چاہئے؟

آپ کا جذبہ قابل قدر اور قابل تحسین ہے۔ اللہ سے دعا فرمائیں۔ وہ مشکلوں کا آسان کرنے والے ہیں۔ بظاہر تو یہی محسوس ہوتا ہے کہ آپ اپنے گھر والوں کی کفالت کو ترجیح دیں اور ان کی کفالت کے بعد اگر آپ کے پاس اتنی رقم باقی نہیں رہتی کہ آپ حج ادا کر سکیں تو اس وقت تک آپ پر حج کا فریضہ عائد نہیں ہوتا ہے۔

 

[طارق بن زیاد]

جزاک اللہ خیر محترم
اطمنان ہوا آپکا جواب سن کر حج کے تعلق سے۔