ایک حدیث کے بارے میں استفسار

[بنیامین]

کیا اس طرح کی کوئی حدیث ہے

قاضی تین قسم کے ہوتے ہیں، دو جہنم میں اور ایک جنت میں جائے گا،
جو شخص حق جانتا ہے، حق کے مطابق فیصلہ نہیں کرتا وہ جہنم میں جائے گا، دوسرا وہ جو حق جانتا ہی نہیں اور جہالت کی بنیاد پر فیصلہ کرتا ہے وہ بھی جہنم میں جائے گا، تیسرا وہ جو حق جانتا ہے اور حق کے مطابق ہی فیصلہ کرتا ہے وہ جنت میں جائے گا،،
اسحاق سلفی بھائی
خضر حیات بھائی

 

[اسحاق سلفی]

کیا اس طرح کی کوئی حدیث ہے
قاضی تین قسم کے ہوتے ہیں، دو جہنم میں اور ایک جنت میں جائے گا،

السلام علیکم ورحمۃ اللہ
بسم اللہ الرحمن الرحیم
محترم بھائی یہ بات صحیح حدیث میں وارد ہے ،جو درج ذیل ہے ،
( عَنِ ابْنِ بُرَيْدَةَ، عَنْ أَبِيهِ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: " الْقُضَاةُ ثَلَاثَةٌ: وَاحِدٌ فِي الْجَنَّةِ، وَاثْنَانِ فِي النَّارِ، فَأَمَّا الَّذِي فِي الْجَنَّةِ فَرَجُلٌ عَرَفَ الْحَقَّ فَقَضَى بِهِ، وَرَجُلٌ عَرَفَ الْحَقَّ فَجَارَ فِي الْحُكْمِ، فَهُوَ فِي النَّارِ، وَرَجُلٌ قَضَى لِلنَّاسِ عَلَى جَهْلٍ فَهُوَ فِي النَّارِ "، قَالَ أَبُو دَاوُدَ: وَهَذَا أَصَحُّ شَيْءٍ فِيهِ يَعْنِي حَدِيثَ ابْنِ بُرَيْدَةَ الْقُضَاةُ ثَلَاثَةٌ ‘‘
(سنن ابو داود ، 3573 )نیز یہ حدیث سنن الترمذی اور سنن ابن ماجہ (اور دیگر کئی کتب )میں بھی موجود ہے ،اور علامہ البانی نے اسے صحیح قرار دیا ہے ،
جناب بریدہ رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا: ”قاضی تین طرح کے ہوتے ہیں: ایک جنتی اور دو جہنمی، رہا جنتی تو وہ ایسا شخص ہو گا جس نے حق کو جانا اور اسی کے موافق فیصلہ کیا، اور وہ شخص جس نے حق کو جانا اور اپنے فیصلے میں ظلم کیا تو وہ جہنمی ہے“۔ اور وہ شخص جس نے نادانی سے لوگوں کا فیصلہ کیا وہ بھی جہنمی ہے“۔ ابوداؤد کہتے ہیں: یہ یعنی ابن بریدہ کی ”تین قاضیوں“ والی حدیث اس باب میں سب سے صحیح روایت ہے۔
سنن ابن ماجہ/الأحکام ۳ (۲۳۱۵)، (تحفة الأشراف: ۲۰۰۹)، وقد أخرجہ: سنن الترمذی/الأحکام ۱ (۱۳۲۲)

 

[محمد طارق عبداللہ]

جزاك الله خيرا

 

[بنیامین]

جزاک اللہ خیرا