برائے تبصرہ

[ماریہ انعام]

 

[ماریہ انعام]

محترم جاوید چوہدری صاحب کا کالم ہے ۔جس میں انھوں نے اپنے مخصوص انداز میں بظاہر بڑااسلامی اور اصلاحی کالم لکھ کر اپنے تئیں دین کی خدمت سر انجام دی ہے۔۔۔۔۔۔۔۔۔جبکہ درحقیقت وہ دانستگی یا نا دانستگی میں کئی اہم مسائل میں مغالطے کا شکار ہوئے ہیں۔۔۔
بوقتِ نکاح و رخصتی حضرت عائشہ کی عمر ایک ایسا مسئلہ ہے جو ہر ایک پر روزِ روشن کی طرح عیاں ہے۔۔۔۔۔لیکن موصوف فکرِ غامدی سے مغلوب ہو کر اس میں بھی غلطی کھا بیٹھے ہیں۔۔۔چنانچہ حضرت عائشہ کی عمر انھوں نے بوقتِ رخصتی اٹھارہ یا انیس سال بیان کی ہے حالانکہ آپﷺ کے وصال کے وقت ام المومنین کی عمر اٹھارہ سال تھی ۔۔۔۔۔۔۔۔۔۔۔۔۔بخاری کی حدیث اس پر شاہد ہے کہ رخصتی پر حضرت عائشہ کی عمر نو سال تھی


- عن عائشةَ رضىِ اللهُ عنها قالت: تزَوَّجَني النبيُّ - صلى الله عليه وسلم - وأنا بنتُ ستِّ سنينَ، فقَدِمْنا المدينَةَ، فنَزَلْنا في بني الحارِثِ بنِ خَزْرجٍ , فوُعِكْتُ، فتمَرَّق (53) شَعَري، فوَفَى جُمَيْمَة، فأتَتْني أمِّي أمِّ رُومانَ، وإنِّي لَفِي أُرْجُوحَةٍ، ومعي صواحِبُ لي، فصرَخَتْ بي، فأتَيْتُها لا أدْري ما تُريدُ بِي، فأخَذتْ بيدِي حتَّى أوْقَفَتْني على بابِ الدَّارِ، وإنِّي لأنْهَجُ، حتى سَكَنَ بعضُ نَفَسي، ثم أخَذَتْ شيئاً من ماءٍ فمَسَحَتْ بهِ وجْهي ورأْسي، ثم أدخَلَتني الدَّارَ، فإذا نسوة من الأنصارِ في البيتِ، فقلْنَ: على الخيرِ والبركَةِ، وعلى خيرِ طائرٍ، فأسْلَمَتْني إليهِنَّ، فأصْلَحْنَ مِن شَأْني، فلمْ يَرُعْني إلَّا رسولُ اللهِ - صلى الله عليه وسلم - ضُحىً، فأسْلَمْنَني إليهِ، وأنا يومئذٍ بنتُ تسعَ سنينَ.
1656 - عن هشامٍ عن أبيهِ (عُروةَ) (54) قالَ: تُوُفَّيتْ خديجَةُ قبلَ مَخْرَجِ النبيِّ - صلى الله عليه وسلم - إلى المدينةِ بثلاثِ سنينَ، فلَبِثَ سنتينِ أوْ قريباً مِن ذلك، ونَكَحَ عائشةَ وهي بنتُ ستِّ سنينَ، ثمَّ بَنى بها وهيَ بنتُ تسعِ سنينَ.
[قال هشامٌ: وأْنبِئت أنها كانت عندَه تسعَ سنينَ 6/ 134]
__________


گیارہ نبوی میں نکاح ہوا تھا جبکہ دو ہجری میں رخصتی ہوئی تھی۔

 

[Dua]

چند ایک بات کے سوا بہترین تحریر ہے۔
تاہم ماریہ بہن کی نشاندہی بھی درست ہے۔
جزاک اللہ خیرا

 

[ماریہ انعام]

جناب جاوید صاحب نے اپنے کالم میں مولوی صاحبان سے مطالبہ کیا ہے کہ وہ یتیم بچوں کو اپنی سرپرستی میں لے کر انھیں پال پوس کر جوان کریں ۔۔۔۔۔۔۔۔۔انھیں اپنی سرپرستی میں لے لیں ۔۔۔۔۔یہاں تک تو ان کی بات درست ہے بلکہ شریعت کے مزاج کے عین مطابق ہے۔لیکن ان کی اگلی فرمائش صحیح نہیں ۔۔۔۔بقول ان کے ایسے لے پالک بچوں کو وراثت میں بھی حصّہ دار بنایا جانا چاہیے۔
اسبابِ وراثت تین ہیں
نسب
نکاح
ولاء
لے پالک بچوں میں درج بالا کوئی بھی سبب نہیں پایا جاتا۔
ہاں! ایک صورت میں وہ وراثت سے حصّہ پا سکتے ہیں ۔۔۔اور وہ یہ ہے کہ مورث(صاحبِ وراثت) اپنے مال کے ایک تہائی حصّہ کے اندر اندر رہتے ہوئے ان کے حق میں وصیّت کر جائے ۔۔۔۔یہ صورتحال پسندیدہ ہو گی

 

[123456789]

مشتاق سنت پر عمل کا مشتاق نکلا

 

[حافظ اختر علی]

کالم میں اکثر باتیں بہت اچھی اور قابل توجہ ہیں لیکن جن کی نشاندہی کی گئی ہے یہ قابل غور ہیں اور اس میں بنیادی کوتاہی جو میں محسوس کرتا ہوں وہ یہی ہے کہ ہمارے مصنفین دین کے علم سے ناواقف ہونے کی وجہ سے عقل کی بنیاد پر سوچنا شروع کرتے ہیں اور شرعی راہنمائی کے باوجود علمی غلطی کا شعوری یا لاشعوری طور پر شکار ہو جاتے ہیں۔

 

[نسرین فاطمہ]

جزاک اللہ خیرا سسٹر

 

[انس]

جاوید چودھری کا کالم پڑھ کر ان کے متعلق تاثر مزید خراب ہی ہوا ہے۔ کالم میں اچھی باتیں بھی موجود ہیں لیکن مولوی مخالف تاثر نے سارا مزا کرکرا کر دیا ہے۔

ناجانے اس بات سے ان کی کیا مراد ہے کہ مسلمانوں نے اپنے درمیان مسجد اور مولوی کو ڈال دیا؟؟؟ فرماتے ہیں کہ ’’نماز کیلئے مولوی کی ضرورت نہیں؟ وقت ہوجائے تو اکیلے نماز پڑھ لو؟‘‘ یہ کہاں لکھا ہے؟ کیا مردوں پر عام حالات میں مسجد میں اور باجماعت نماز فرض نہیں۔

داڑھی بڑھانا، ٹخنے ننگے کرنا وغیرہ اگر اتنے ہی آسان ہیں تو محترم اتنی آسان چیز پر عمل کیوں نہیں کر لیتے۔

محترم نے بہت سے نیک اعمال کا مطالبہ صرف علماء سے کیا ہے کہ وہ ایسا اور ایسا کیوں نہیں کرتے؟؟؟ کیا دین صرف علماء کیلئے ہے اور آپ جیسے لوگوں کا کام ان پر اعتراض کرنا؟؟؟ علماء کو بھی دینی احکام پر عمل کرنا چاہئے اور عوام کو بھی۔

علماء حضرات پر مطلقا تنقید کرکے بلاوجہ کا غصّہ نکالا ہے۔ جو دین کو، کتاب وسنت کو اہمیت دے گا ظاہر ہے وہ ان کے حاملین کو بھی اہمیت دے گا: خيركم من تعلم القرآن وعلمه اور جس کے نزدیک قرآن وسنت کی اہمیت نہیں اس کے نزدیک ان کے حاملین کے بھی اہمیت نہیں۔ یہی وجہ ہے کہ منافقین نبی کریمﷺ کے دور صحابہ کرام رضوان اللہ علیہم اجمعین کو برا بھلا کہتے اور ان پر الٹے سیدھے اعتراض کرتے رہتے تھے۔

اللہ تعالیٰ ہماری اصلاح فرمائیں!

حالانکہ آپﷺ کے وصال کے وقت ام المومنین کی عمر اٹھارہ سال تھی ۔۔۔۔۔۔۔۔۔۔۔۔۔

نبی کریمﷺ کے دنیا سے اٹھ جانے کیلئے ’موت‘ یا ’وفات‘ کا لفظ ہی استعمال کرنا چاہئے اور اسے نبی کریمﷺ کی توہین ہرگز نہیں سمجھنا چاہئے جیسے بعض لوگ کا خیال ہے۔ اگر یہ الفاظ توہین آمیز ہوتے تو اللہ رب العٰلمین کبھی انہیں نبی کریمﷺ اور دیگر انبیاء کرام علیہم السلام کیلئے استعمال نہ فرماتے، نبی کریمﷺ سے سب سے زیادہ محبت کرنے والے اور حد سے زیادہ احترام والے صحابہ کرام کبھی بھی ایسے الفاظ آپﷺ کیلئے استعمال نہ فرماتے۔ لیکن قرآن کریم میں بھی یہ الفاظ آپﷺ کیلئے استعمال ہوئے ہیں اور صحابہ کرام رضی اللہ عنہم نے بھی استعمال کیے ہیں۔ نبی کریمﷺ کی وفات پر سیدنا ابو بکر صدیق کا معروف مقولہ سب کو علم ہے، آپ نے فرمایا تھا: من كان يعبد محمدا فإن محمدا قد مات ۔۔۔

والله اعلم!

 

[محمد ارسلان]

نبی کریمﷺ کے دنیا سے اٹھ جانے کیلئے ’موت‘ یا ’وفات‘ کا لفظ ہی استعمال کرنا چاہئے اور اسے نبی کریمﷺ کی توہین ہرگز نہیں سمجھنا چاہئے جیسے بعض لوگ کا خیال ہے۔ اگر یہ الفاظ توہین آمیز ہوتے تو اللہ رب العٰلمین کبھی انہیں نبی کریمﷺ اور دیگر انبیاء کرام علیہم السلام کیلئے استعمال نہ فرماتے، نبی کریمﷺ سے سب سے زیادہ محبت کرنے والے اور حد سے زیادہ احترام والے صحابہ کرام کبھی بھی ایسے الفاظ آپﷺ کیلئے استعمال نہ فرماتے۔ لیکن قرآن کریم میں بھی یہ الفاظ آپﷺ کیلئے استعمال ہوئے ہیں اور صحابہ کرام رضی اللہ عنہم نے بھی استعمال کیے ہیں۔ نبی کریمﷺ کی وفات پر سیدنا ابو بکر صدیق کا معروف مقولہ سب کو علم ہے، آپ نے فرمایا تھا: من كان يعبد محمدا فإن محمدا قد مات ۔۔۔

والله اعلم!

جزاک اللہ خیرا انس بھائی

لنک