بنک میں رکھی جانے والی رقم پر سال گزرنے کے بعد کیا ذکواۃ لازم ہوگی.؟

[محمد زاہد بن فیض]

السلام و علیکم ورحمۃ اللہ وبرکاۃ
اگر کسی کی سیونگ اکائونٹ میں رقم با الفرض ایک لاکھ پڑی ہو.اور اُس پر سال گزر جائے. تو کیا اُس پر زکواۃ لازم ہوگی.؟

نیز
اگر اُس نے اس میں سے 70,000 قرضہ دینا ہو تو کیا پھر بھی زکواۃ لازم ہوگی.؟

 

[ابوالحسن علوی]

وعلیکم السلام

سیونگ اکاونٹ پر اگر ایک سال گزر جائے تو اس پر زکوۃ فرض ہے جو اڑھائی فی صد ہو گی۔ اگر تو بینک نے زکوۃ کاٹ لی ہے تو راجح موقف کے مطابق یہ زکوۃ ادا ہو جاتی ہے۔ دوبارہ زکوۃ ادا کرنا لازم نہیں ہے۔

اور اگر سیونگ اکاونٹ ہولڈر پر قرض بھی ہو تو وہ قرض کی رقم اصل رقم سے منہا کر لے اور اگر بقیہ رقم اتنی ہو کہ وہ نصاب کو پہنچتی ہو تو اس بقیہ رقم کی زکوۃ ادا کر دے۔

کرنسی کے نصاب کے بارے اہل علم کا اختلاف ہے۔ بعض سونے کو نصاب بناتے ہیں جبکہ بعض چاندی کو۔ پاکستان میں عام طور فتوی یہ ہے کہ چاندی کو نصاب بنایا جائے یعنی ساڑھے باون تولے چاندی کی قیمت کے برابر کرنسی ہو تو اس پر زکوۃ ادا کر دے۔
جزاکم اللہ