بوڑھوں کا بوجھ

[سرفراز فیضی]

اْس کی عمر اسّی سال سے تجاوز کرچکی تھی۔ وہ ممبئی کے ایک پاش علاقہ میں اپنی بیٹی کے ساتھ مقیم تھا۔ بیٹی کے ساتھ وہ اس لیے نہیں رہ رہا تھا کہ اللہ نے اسے بیٹے نہیں دیے تھے۔ اس کے چار بیٹے تھے۔ چار میں سے ایک بیٹا پاگل تھا۔ باقی تین جو پاگل نہیں تھے وہ اپنی اپنی لائف میں سیٹل ہوچکے تھے۔ البتہ ان میں سے کوئی باپ کا "بوجھ" اٹھانے کے لیے تیار نہیں تھا۔ اس لیے باپ اپنی بیٹی کے ساتھ مقیم تھا۔
باپ پریشان تھا۔فلیٹ جس میں وہ اپنی بیٹی کے ساتھ مقیم تھااس کی زندگی کی واحد جمع پونجی تھا۔ اس کے تینوں بیٹے جو پاگل نہیں تھے وہ باپ سے اپنا حصہ مانگ رہے تھے۔ ان کا مطالبہ تھا کہ باپ اکلوتا فلیٹ بیچ دے ۔ اور ان کا جو "شرعی حصہ" ہوتا ہے وہ ان کو دے دیا جائے۔( حالانکہ شرعی اعتبار سے باپ کی زندگی میں باپ کے مال میں بیٹے کا کوئی حصہ نہیں ہوتا الٹا بیٹا اپنے مال سمیت باپ کا حصہ ہوتا ہے ۔ اللہ کے نبی صلی اللہ وعلیہ وسلم سے ایک صحابی نے شکایت کی میرا باپ مجھ سے میرا مال مانگتا ہے ۔ اللہ کے نبی صلی اللہ علیہ وسلم نے فرمایا "تو اور تیرا مال دونوں تیرے باپ کا ہے ۔ ) فلیٹ بیچ دینے کے بعد باپ کہاں جائے یہ ان کا مسئلہ نہیں تھا۔ پر باپ کا تو مسئلہ تھا ہی ۔ وہ اس مسئلہ کو لے کر پریشان تھا۔
یہ کوئی افسانہ نہیں اپنی گناہ گار آنکھوں سے دیکھی حقیقت ہے ۔ اور ایسی مکروہ حقیقتیں ہمارے ارد گرد سیکڑوں کی تعداد میں بکھری پڑی ہیں اور ہمارے سماج کے جسم پر پھوڑوں کی طرح بڑھتی چلی جارہی ہیں۔ ہم خطرناکی کی حد پار کرکے اس مرحلہ پر پہنچ چکے ہیں کہ اچھا خاصا "دیندار آدمی" آکر پوچھتا ہے :
"مولانا! میری بیوی امی ( جو معمر بھی ہیں اور بیوہ بھی) کے ساتھ نہیں رہنا چاہتی۔ میں کیا کروں؟"
ہمارے سماج کےاکثر بوڑھوں کے پاس بڑھاپے میں اپنے بچوں سے "خدمت" وصول کرنے کا واحد راستہ اس کی زندگی میں بنائی گئی پراپرٹی ہے ۔باپ کے پاس اپنے بچوں سے بڑھاپے کی خدمت کرانے کے لیے بس یہ دھمکی ہوتی ہے کہ ’’ اگر میری خدمت نہیں کی تو جائداد دوسروں کے نام کردوں گا۔ اور بچوں کے پاس بڑھاپے میں باپ کا بوجھ اٹھانے کے لیے ’’پراپرٹی ‘‘ ہی ایک واحد وجہ ہوتی ہے ۔

کیا یہ ہمارے زمانہ کا کڑوا سچ نہیں ہے کہ باپ بوڑھا ہوجانے کے بعد پراپرٹی بچوں کے نام نہیں کرتا صرف اس ڈر سے کہ اگر پراپرٹی بچوں کے نام کردی تھی وہ خود دربدر ہوجائے گا؟

 

[سرفراز فیضی]

مسئلہ یہ کہ اللہ رب العزت نے رشتوں میں انسان کے لیے سکون رکھا ہے ۔ مادیت پرستی نے آج کے انسان کے ذہن کو اتنا کاروباری بنا دیا ہے کہ وہ یہ سمجھنے لگا ہے کہ دنیا کا ہر سکون پیسوں سے خریدا جاسکتا ہے۔ پیسوں کی بھوکی اس دنیا میں "آئیڈیل لائف اسٹائل" ایک سراب ہے ۔ ہر انسان اس سراب کے پیچھے بھاگ رہا ہے ۔ اس دوڑتی بھاگتی زندگی میں انسان اخلاق ، اقدار، روایات ، رشتوں کا بوجھ کندھے سے اتار دینا چاہتا ہے ۔تاکہ ترقی کی دوڑ میں اس کی رفتار سست نہ پڑے۔
ان سارے مسائل کا حل صرف دین کے پاس ہے ۔ اللہ اور آخرت پر ایمان بندے کو نیکیاں کرنے اور گناہوں سے بچنے کی وجہ فراہم کرتا ہے ۔ یہ مسائل مادہ پرستانہ ذہنیت کا نتیجہ ہیں اور دین کی طرف رجوع ہی سے اس کا علاج کیا جاسکتا ہے ۔ اللہ ہماری اصلاح فرمائے ۔
​

​

 

[محمد فیض الابرار]

شاید اسی لیے اولڈ ہوم اور پھر

ہمارے معاشرے کا انجام بھی اولڈ ہوم بنانے والوں جیسا

 

[محمد فیض الابرار]

المیہ تو یہ ہے کہ رمضان سے قبل مجھے ایک جگہ بوڑھوں کے حقوق کے موضوع پر درس دینے کے لیے دعوت دی گئی میں نے یہ دعوت قبول کر لی جس دن پروگرام تھا اس سے ایک دن قبل اس پروگرام کے منتظم کا فون برائے کنفرمیشن آیا کہ حضرت صاحب میں گاڑی بھجوا دوں گا اور ایک بات اور بھی آپ سے کہنی ہے کہ یہ ہمارے ادارے کی افتتاحی تقریب ہے اور اس میں لوگوں کو اس کارخیر میں ترغیب بھی دلانی ہے
میں یہ سمجھا کہ کوئی تعلیمی ادارہ ہے یا مسجد ہے اور لوگوں کو بزرگوں کے حقوق کی ادائیگی کے حوالے سے ترغیب کے لیے پروگرام کر رہا ہے
مقررہ دن گاڑی میرے فلیٹ کے سامنے اور میں تیار ہو کر چلا گیا جب وہ گاڑی ایک بنگلے کے سامنے رکی تو میں چونکہ اور اچانک نظر سائن بورڈ پر پڑی
لکھا تھا
۔۔۔۔۔۔۔۔۔۔ اولڈ ہوم
اور بعد میں تفصیلات معلوم ہونے پر میں نے جو کرنا تھا وہ تو کیا
لیکن کیا ہم اخلاقی اعتبار سے اس حد تک گر چکے ہیں کہ ہمیں بھی اولڈ ہومز کی ضرورت محسوس ہونے لگ گئی ہے ؟
اور وہ بھی برائے بزنس ؟

 

[گنہگار]

دین کی طرف رجوع ہی سے اس کا علاج کیا جاسکتا ہے ​

 

[محمد فیض الابرار]

یہ شہر کراچی کی ایک تصویر ہے سو پڑھیں اور استغفار کریں کہ یہ بھی قیامت سے کم نہیں

 

[محمد فیض الابرار]

قیامت جیسی قیامت ہے پھر بھی ہم یہ کہیں کہ ہمارا معاشرہ تباہی کے گھاٹ کیوں اتر رہا ہے

 

[محمد فیض الابرار]

اور اس پر ہماری بے حسی اور کیا کہوں کہ لفظ ہی نہیں ہیں

 

[محمد فیض الابرار]

یہ آج کے امت اخبار کی خبریں ہیں

 

[محمدنذیر المدنی]

ہمارا معاشرہ ذلت اور پستیوں کی طرف جارہا ہے۔اولڈ ہاؤس اسی معاشرہ میں بنتے ہیں ۔جہاں انسانی اقدار ختم ہوجائے۔
اس کا حل اپنے بچوں کتاب وسنت ی تعلیم دینا ہے
ہم جب اپنے بچوں کو مغربی تہذیب کی نرسریوں (لادین سکولوں ) میں بھیجتے ہیں تو ان سکولوں میں کیا ہوتا ۔ ہمارا بچہ انگریزی زبان سیکھتا ہے اس کی اقدار سیکھتا ہے
یادرکھیں زبان اپنے ساتھ تہذیب بھی لاتی ہے ہمارا بچہ اسی میں پروان چڑھتا ہے ۔
نتیجہ یہی نکلتا ہے ہمارے معاشرہ میں " اولڈ ہاؤس " بنتے ہیں ۔
خدراہ اپنے بچوں کتاب و سنت کی تعلیم دیجئے
اپنے بچوں کی اسلامی تربیت کیجئے
نبی علیہ السلام کی سیرت ان رٹا دیجئے
ان کو صحابہ کے واقعات سنائیے
اس میں ہماری دنیا و آخرت کی بھلائی ہے
اللہ ہمیں اپنے دین کی سمجھ دے اور اس پر عمل کی توفیق دے۔ آمین