بہار ایجادی بیدل -سید نعیم حامد علی درکار ہے

[Urdu]

السلام علیکم محدثی دوستو!
مجھے کافی دنوں سے پاکستانی ادیب سید نعیم حامد علی الحامد کی کتاب

بہار ایجادی بیدل

درکار ہے جو کہ پہلی بار اردو زبان میں مشہور فارسی شاعر بیدل دہلوی کے فارسی دیوان کا ترجمہ ہے۔اگر کوئی پاکستانی بھائی اسے دستیاب کروا دیں تو بہت ممنون و مشکور رہونگا آپکا۔پلیز
انٹرنیٹ پر کہیں بھی اس کتاب کا نسخہ موجود نہیں ہے۔

 

[خضر حیات]

السلام علیکم محدثی دوستو!
مجھے کافی دنوں سے پاکستانی ادیب سید نعیم حامد علی الحامد کی کتاب

بہار ایجادی بیدل

درکار ہے جو کہ پہلی بار اردو زبان میں مشہور فارسی شاعر بیدل دہلوی کے فارسی دیوان کا ترجمہ ہے۔اگر کوئی پاکستانی بھائی اسے دستیاب کروا دیں تو بہت ممنون و مشکور رہونگا آپکا۔پلیز
انٹرنیٹ پر کہیں بھی اس کتاب کا نسخہ موجود نہیں ہے۔

زیادہ مفید معلومات تو محترم یوسف ثانی صاحب دے سکیں گے ۔
البتہ ان کی نصیحت سے پہلے ایک دفعہ اردو محفل فورم کا چکر لگا لیں وہاں شاید بہتر معلومات مل سکیں گی ۔

 

[Urdu]

جزاکم اللہ خیرا

 

[Dua]

السلام علیکم محدثی دوستو!
مجھے کافی دنوں سے پاکستانی ادیب سید نعیم حامد علی الحامد کی کتاب

بہار ایجادی بیدل

درکار ہے جو کہ پہلی بار اردو زبان میں مشہور فارسی شاعر بیدل دہلوی کے فارسی دیوان کا ترجمہ ہے۔اگر کوئی پاکستانی بھائی اسے دستیاب کروا دیں تو بہت ممنون و مشکور رہونگا آپکا۔پلیز
انٹرنیٹ پر کہیں بھی اس کتاب کا نسخہ موجود نہیں ہے۔

اردو بھائی،
اس کتاب کے بارے میں کچھ بتائیں۔شکریہ

 

[Urdu]

اردو بھائی،
اس کتاب کے بارے میں کچھ بتائیں۔شکریہ

پیاری بہن۔یہ لیجیئے ایک مختصر تبصرہ ملاحظہ کریں۔

ابوالمعانی میرزا عبدلقادر بیدل

کا شمار ہندوستان کے مشہور ترین فارسی شعراء میں کیا جاتا ہے۔
آپ 1644ء میں پٹنہ (بہار) میں پیدا ہوئے اور 1720ء میں دہلی میں انتقال کیا۔ آپ کے خاندان کا اصل تعلق بخارا سے تھا۔ شیخ سعدی کے ایک قطعہ سے متاثر ہو کر آپ نے اپنا تخلص "بیدل" منتخب کیا تھا۔ اس زمانے میں فارسی زبانی اور تحریری طور پر مستعمل اصل زبان تھی۔ اردو عالم طفولیت میں تھی اور اس کے زخیرہ الفاظ میں کئی ہندی الفاظ تھے۔ لیکن تعلیم یافتہ طبقہ فارسی زبان ہی کا استعمال کرتا تھا اسی لئے زیادہ تر کتابیں فارسی زبان ہی میں لکھی جاتی رہیں۔
بیدل کا کلام بہت ہی اعلیٰ معیار کا تھا اور ان کی مشکل پسندی کا اعتراف مرزا غالب جیسے عظیم شاعر نے بھی کیا ہے۔ حالانکہ غالب کو فارسی زبان پر مکمل دسترس حاصل تھی لیکن پھر بھی وہ اس بات کا اعتراف کرنے پر مجبور تھے کہ بیدل کی طرز میں شاعری کرنا تقریباً ناممکن ہے۔
طرز بیدل میں ریختہ کہنا
اسد اللہ خاں قیامت ہے
تین صدیوں بعد بیدل کے فارسی کلام کا اردو ترجمہ سید نعیم حامد علی الحامد نے "بہارِ ایجادی بیدل" کے زیرعنوان کیا ہے۔ نعیم حامد خود بھی اعلیٰ درجہ کے شاعر ہیں لہذا بیدل کے خیالات و احساسات کو گرفت میں لینے وہ کامیاب رہے۔
مشہور اردو نقاد پروفیسر انور مسعود نے کہا ہے کہ : اردو زبان اصلی فارسی متن کے صحیح معنوں کے اظہار کی اہلیت نہیں رکھتی اسی وجہ سے ترجمہ اور بھی مشکل ہو جاتا ہے۔
پروفیسر انور مسعود نے اعتراف کیا کہ نعیم حامد کی طرف سے بیدل کے کلام کا اردو ترجمہ طبع زاد شاعری کی مثال بن گیا ہے۔
واضح رہے کہ اس ترجمہ کیلئے نعیم حامد نے 20 برس صرف کئے ہیں۔
ساری تخیلاتی بلندیوں ، مسکراہٹوں اور خیالات کی گہرائیوں کو برقرار رکھتے ہوئے ، اور دونوں زبانوں کے مانوس اور عام الفاظ کو بھی ان کی اصل شکل میں جوں کا توں رکھتے ہوئے مطالب کی پیشکشی کا کارنامہ ایک قابل قدر کام بن گیا ہے۔
چند نمونے ملاحظہ ہوں ۔۔۔ ۔۔۔ ۔۔۔ ۔
بےگناہ جب بھی سرِ دار نظر آتے ہیں
ایک نئے دور کے آثار نظر آتے ہیں
سرفرازی کے سب آثار نظر آتے ہیں
اہل حق دار پہ سردار نظر آتے ہیں
کسی صورت میں میرا سر تری ٹھوکر میں کیا ہوگا
یہ ممکن ہے کہ تیرا تاج ہوگا میری ٹھوکر میں
***
لالچی محترم نہیں ہوتا
شرم آتی نہیں بھکاری کو
شوخی بادِ صبا کی کارفرمائی کو دیکھ
اس نے گلشن کا ہر اک تنکا سنہری کر دیا
کوئی بھی مغموم دنیا میں نہیں میری طرح
عمر پنجرے میں کٹی دیکھا نہیں صیاد کو
***
دل بیاد پرتو جلوہ مجسم آگ ہے
سامنے سورج کے آئینہ مجسم آگ ہے
---
احمد الدین اویسی کے انگریزی مقالے (ترجمہ : رفعت صدیقی) سے انتخاب۔ (بشکریہ روزنامہ منصف ، حیدرآباد دکن)
(حیدرآبادی بھائی کے شکریہ کے ساتھhttp://www.urduweb.org/mehfil/threads/میرزا-عبدلقادر-بیدل-کے-فارسی-کلام-کا-اردو-ترجمہ.33653/)

 

[Dua]

بہت خوب۔۔۔۔
شکریہ بھائی۔

 

[Urdu]

کچھ بیدل کی شاعری کے بارے میں ایک اقتباس:
علامہ اقبال نے ویسے تو نہیں کہا تھا کہ "دنیا میں چار اشخاص یعنی محی الدین ابنِ عربیؒ ، شنکر اچاریہ ، بیدل اور ہیگل کے طلسم میں جو شخص گرفتار ہو گیا تو وہ مشکل سے رہائی پاسکتا ہے۔ "ان میں سے ایسے اشخاص بھی ہیں جو اپناتن من دھن سب تج کر بیدل کے چرنوں میں دھونی رما کے یوں بیٹھ رہتے ہیں کہ پھر موت کے علاوہ اُنہیں وہاں سے کوئی اُٹھا نہیں پاتا۔ میری مراد خواجہ عباد اللہ اختر ، ڈاکٹر عبدالغنی اور سید نعیم حامد علی الحامد سے ہے۔ ان میں اوّل الذکر نے اپنی بے نظیر کتاب بیدل کے محیطِ بے ساحل میں چالیس سال کی عمیق غوّاضی کے بعد تحریر کی، ثانی الذکر تا دمِ آخر میں بیدل کی سوانح شخصیت اور فن کے مختلف پہلوﺅں پر دادِ تحقیق دیتے رہے اور ثالث الذکر نے بھی "بہار ایجادی بیدل" کی تالیف ، تحقیق اور ترجمے پر حیاتِ مستعار کے بیس سال پھونک ڈالے ۔ مجھے تو ایسا لگتا ہے کہ صاحبِ کرامات مرزا بیدل نے اپنے بعد آنے والے اِسی چُنیدہ اور گرویدہ گروہ کے لیے کہا تھا :
دیگر چہ سحر پرورد افسونِ آرزو
من زاں جہاں بہ حسرتِ دیدارت آمدم
کسی قدر طویل یہ تعارفی تمہید اس لیے باندھنی پڑی کہ اردو کے ساتھ ساتھ فارسی کا بھی ذوق رکھنے والے قارئینِ ادب پر واضح ہو سکے کہ بیدل فہمی کی روایت عالمانہ شان اور تحقیقی وقار کے ساتھ بیدل کی وفات سے لے کر تادمِ تحریرِہذا اردو میں نہ صرف موجود رہی ہے بلکہ مستقبل میں بھی پرنٹ اور الیکٹرانک میڈیا کے ذریعے اس کے جاری و ساری رہنے کے امکانات نہایت روشن ہیں۔"
بحوالہ:http://aahng.wordpress.com/2013/01/30/قلزمِ-فیض-میرزا-بیدل/

 

[Urdu]

روح بیدل
سوز بیدل
فیض بیدل
بہار ایجادیء بیدل
یہ کتابیں بھی درکار ہیں۔
یوسف ثانی
شاکر

 

[فقیر]

میرے پاس حضرت بیدل پر لکھی گئی مندرجہ ذیل اردو اور انگریزی کتابیں پی ڈی ایف فارمیٹ میں ہیں۔
میرزا بیدل: لائف اینڈ ورکس (انگریزی) از عبدالغنی
میرزا بیدل: حیات اور کارنامے (اردو)
حل نکات بیدل (اردو)
قلزم فیض مرزا بیدل (اردو)
بیدل از عباد اللہ اختر (اردو)

 

[محمد زاہد بن فیض]

محترم فقیر بھائی۔آپ اپنی تصویر ہٹادیں۔کیونکہ یہ محدث فارم کے قوانین کے خلاف ہے۔شکریہ
@فقیر