بہو کے ساتھ ملازمہ کے بجائے رکن خاندان جیسا سلوک کیا جائے - سپریم کورٹ

[حیدرآبادی]

ملک میں بہوؤں کو زندہ جلا دینے اور جسمانی اذیتیں دینے کے بڑھتے ہوئے واقعات پر تشویش کا اظہار کرتے ہوئے ہندوستانی سپریم کورٹ نے کہا ہے کہ بہو کو رکن خاندان تصور کیا جانا چاہئے نہ کہ گھر کی خادمہ اور اُسے کسی بھی وقت سسرال کے گھر سے نکال باہر نہیں پھینکا جا سکتا۔
عدالت عظمی نے کہا ہے کہ سسرال میں بہو کا احترام کیا جانا چاہئے کیونکہ اس سے ایک مہذب سماج کا اظہار ہوتا ہے۔
جسٹس کے ایس رادھا کرشنن اور جسٹس دیپک مشرا پر مشتمل بنچ نے ایک شخص کی 7 سال قید کی سزا برقرار رکھتے ہوئے یہ احساسات ظاہر کئے۔ اُس پر الزام ہے کہ اس کی اذیتوں سے تنگ آکر اُس کی بیوی نے خودکشی کر لی تھی۔ بنچ نے احساس ظاہر کیا کہ بہو کو خاندان کا ایک حصہ تصور کیا جانا چاہئے، اس کے ساتھ محبت اور گرمجوشی کا رویہ روا رکھا جائے، اُسے اجنبی نہ سمجھا جائے اور نہ ہی دیگر افراد خاندان کے مقابل اس سے امتیاز برتا جائے۔ اُس کے ساتھ نوکرانی کی طرح سلوک نہیں ہونا چاہئے۔ اُسے ایسا کوئی تاثر نہ دیا جائے کہ اسے سسرالی گھر سے کسی بھی وقت نکال باہر پھینکا جا سکتا ہے۔
سسرال میں بہو کی عزت اور احترام، شادی بیاہ کے تقدس اور عہد کا حصہ ہے اور یہ ایک مہذب سماج کی پہچان ہے۔ ججس نے یہ بھی کہا کہ بہتر سلوک وہ رویہ ہے جس کا ایک دلہن خواب دیکھتی ہے لیکن شوہر اور سسرالی رشتہ داروں کی جانب سے بیشتر گھروں میں دلہن کے ساتھ جو سلوک کیا جاتا ہے اُس سے سماج کی بے حسی کا احساس ہوتا ہے۔
انہوں نے کہا کہ یہ بات باعث شرم اور تشویش ہے کہ کئی معاملات میں دلہنوں سے اُن کے جینے کا حق چھین لیا جا رہا ہے۔ دلہنوں کو زندہ جلادیا جاتا ہے یا جوڑے گھوڑے کی رقم اور جہیز کے لالچ کی بناء پر جسمانی اور ذہنی دونوں قسم کی اذیتوں کے ذریعہ اُن کی زندگی تلخ بنا دی جاتی ہے۔

تعمیر نیوز : بہو کے ساتھ ملازمہ کے بجائے رکن خاندان جیسا سلوک کیا جائے - سپریم کورٹ

 

[کنعان]

السلام علیکم

معاشرہ میں بہو کو جلانے کا رواج بھی دیکھنے میں آیا ھے اس پر بہت سے اشوز ہیں جس بنا پر ایسا ہوتا ھے مگر ایسی ہی ایک سچ سٹوری کا ذکر کرتے ہیں۔

پاکستان ہمارے محلے میں بھی ایسا ایک واقعہ ہوا تھا، تین بھائی یتیم تھے، جب تیسرے کی شادی ہوئی تو میاں بیوی اچھی زندگی بسر کر رہے تھے، تینوں بھائیوں کی بیویاں سب اکٹھے ایک گھر میں رہتے تھے یہ لڑکا اپنا گڈلک ٹرانسپورٹ کا کام کرتا تھا اور دوسرے دو بھائی میں ایک سرکاری جاب اور ایک فوٹو سٹوڈیو تھا۔

یہاں معاملہ کچھ عجیب قسم کا تھا، ایک دن یہ لڑکا ہمارے گھر آیا اور ہمارے بڑے بزورگ سے اس نے بات کی کہ میرا بڑا بھائی ؟؟؟ جس پر بزروگوں نے اسے کے بڑے بھائی کو سمجھایا کہ اگر اب تمہاری طرف سے ایسی کوئی شکایت موصول ہوئی تو پھر بہت برا ہو گا۔

پھر اس واقعہ کے چند دن بعد صبح کا وقت تھا اور لڑکے کی دلہن کے بھائی بزورگوں کے پاس آئے کہ ہماری بہن کو زندہ جلا دیا گیا ھے۔ اور اسے میوہسپتال چھوڑ کے اپنی بیوی بچوں کے ساتھ سب بھاگ گئے ہیں۔ خیر ہسپتال پہنچے تو لڑکی 60 فیصد جل چکی تھی اور بچنا مشکل تھا، اس لڑکی نے جو بیان پولیس کو ریکارڈ کروایا وہ یہ تھا کہ میرا خاوند صبح کام سے آیا اور میں روٹیان پکانے لگی جس سے آگ لگی اور میں جل گئی۔ آخر میں بھی لڑکی انہیں بچا گئی اور اسی دن انتقال فرما گئی۔

وہ تینوں تقریباً 1 سال تک غائب رہے، اور جب پھر اپنے گھر آ گئے جس پر ان کی ایک بھابھی نے بتایا کہ اصل معجرہ کیا تھا۔ غیر اخلاقی!

لڑکے نے اپنے سسرال والوں سے تعلقات رکھے کیونکہ وہ جانتے تھے کہ اس کا کوئی قصور نہیں، پھر بھی لڑکی کا ایک بھائی اس کے ٹرانسپورٹ اڈہ پر جا کر اکثر اس سے مال بٹورتا رہتا تھا پھر ایک دن اچانک کیا ہوا لڑکی کے بھائی نے اسے اس کے اڈہ میں گولیاں فائر کر کے مار دیا۔ اور جو اصل مجرم تھا اس پر کسی کو ہوا بھی نہیں پھڑکی۔

حالات ہی کچھ اسطرح کے ہیں کہ بچیوں کی شادی پر لڑکی کا کاروبار یا اچھی جاب ہی نہیں دیکھنی چاہئے اس کے علاوہ اور بھی بہت کچھ دیکھنے والا ہوتا ھے جسے لوگ نذر انداز کر دیتے ہیں اس لئے اس معاملہ میں چھان بین ضرور کرنی چاہئے۔

پہلے وقتوں میں جب کوئی رشتہ ہوتا تھا تو ایک، دو سال تک شادی نہیں کرتے تھے اس کی وجہ یہ ہوتی تھی کہ اس مدت میں اگر کوئی بھی ایسا معاملہ ہوا تو سامنے آ جائے گا اور رشتہ توڑا جا سکتا ھے۔ مگر اب دور ھے کہ ایک تو رشتہ اتنی جلدی ملتا نہیں اور مل جائے تو فوراً شادی کر دی جاتی ھے۔

کسی کو زندہ جلانے پر ایک گھر کے سارے افراد شامل ہوتے ہیں، زہنی مریض!

والسلام

 

[انس]

ایسے واقعات ہندو معاشرے میں نظر آجائیں تو سمجھ آتی ہے کہ ان کے ہاں عورت دوسرے درجے کی مخلوق ہے، جسے شوہر کے مرنے پر ساتھ ہی ستی ہو جانا چاہئے وغیرہ وغیرہ۔ ہندوؤں کا آخرت کا کوئی ایمان نہیں۔

لیکن اگر ہندوانہ رسم ورواج کے تحت ایسے واقعات مسلمانوں میں نظر آئیں تو ڈوب مرنے کا مقام ہے کہ ہمارا تو دعویٰ ہے کہ ہم اللہ اور آخرت کے دن پر، جنت جہنم پر ایمان رکھتے ہیں، ہمارا دعویٰ ہے کہ ہم اس نبی کے امتی ہیں جن کے متعلق ازواج مطہرات بیان فرماتی ہیں:

ما ضرب رسول الله صلى الله عليه وسلم بيده شيئا قط إلا أن يجاهد في سبيل الله ، ولا ضرب خادماولا امرأة

الراوي: عائشة أم المؤمنين المحدث: الألباني المصدر: مختصر الشمائل الصفحة أو الرقم: 299​

خلاصة حكم المحدث: صحيح
کہ رسول کریمﷺ نے جنگ کے علاوہ کبھی کسی کو مارنے کیلئے ہاتھ بھی نہیں لگایا نہ کہ غلام کو، نہ بیوی کو۔

 

[کنعان]

السلام علیکم

پاکستان میں جتنی بھی عورتیں سسرال میں جلائی جاتی ہیں نہ جانے انہیں اس بات کا علم ہوتا ھے کہ وہ اب زندہ نہیں رہیں گی جس سے وہ آخری نیکی کرنا چاہتی ھے یا علم ہوتا ھے کہ وہ بچ جائیں گی جس سے شائد انہیں اس پر سسرال والوں سے بہتر صلہ ملے گا، جس وجہ سے وہاں ایسے جتنے بھی کیس دیکھنے اور سننے میں آئے ہر جلنے والی بہو ایف آئی آر میں ہمیشہ یہی لکھواتی ھے کہ وہ کوئی کام کر رہی تھی اور آگ لگنے سے خود ہی جل گئی، اس میں دوسرے کسی کا ہاتھ نہیں، پھر بعد میں لڑکی کے گھر والے کسی بھی طرح ایف آئی آر بدلواتے ہیں۔

جو واقعہ میں نے لکھا ھے اس پر وہ لڑکی گریجوئیٹ تھی اور اس نے بھی رپورٹ خود جلنے کی لکھوائی تھی مگر بعد میں اس کے بھائیوں نے ایف آئی آر بدلوا کر خاوند کو جلانے پر کٹوائی، اس پر جب بھی کیس چلا تو لڑکا باعزت بری ہو گیا، جس پر بری ہونے کی وجہ پوچھی گئی تو معلوم ہوا کہ لڑکی گریجوئیٹ تھی جس پر اس کی تعلیمی اسناد پیش کی گئی اور یہ کہا گیا کہ گریجوئیٹ انگوٹھا نہیں لگاتی انگوٹھا مرنے کے بعد لے کر ایف آئی آر بدلی گئی ھے۔

خود کو آگ لگانا اور خود کشی، خود نہیں ہوتا اس پر کوئی دوسرا انوالو ہوتا ھے

والسلام