بیس پیسے کا اسلام

[غزنوی]

بیس پیسے کا اسلام

سالوں پہلے کی بات ہے جب ایک امام مسجد صاحب روزگار کیلئے برطانیہ کے شہر لندن پُہنچے تو روازانہ گھر سے مسجد جانے کیلئے بس پر سوار ہونا اُن کا معمول بن گیا۔ لندن پہنچنے کے ہفتوں بعد لگے بندھے وقت اور ایک ہی روٹ پر بسوں میں سفر کرتے ہوئے کئی بار ایسا ہوا کہ بس بھی وہی ہوتی تھی اور بس کا ڈرائیور بھی وہی ہوتا تھا۔ ایک مرتبہ یہ امام صاحب بس پر سوار ہوئے، ڈرائیور کو کرایہ دیا اور باقی کے پیسے لےکر ایک نشست پر جا کر بیٹھ گئے۔ ڈرائیور کے دیئے ہوئے باقی کے پیسے جیب میں ڈالنے سے قبل دیکھے تو پتہ چلا کہ بیس پنس زیادہ آگئے ہیں۔ امام صاحب سوچ میں پڑ گئے، پھر اپنے آپ سے کہا کہ یہ بیس پنس وہ اترتے ہوئے ڈرائیور کو واپس کر دیں گے کیونکہ یہ اُن کا حق نہیں ۔پھر ایک سوچ یہ بھی آئی کہ بھول جاؤ ان تھوڑے سے پیسوں کو۔ اتنے تھوڑے سے پیسوں کی کون پرواہ کرتا ہے۔ ٹرانسپورٹ کمپنی ان بسوں کی کمائی سے لاکھوں پاؤنڈ کماتی بھی تو ہے، ان تھوڑے سے پیسوں سے اُن کی کمائی میں کیا فرق پڑ جائے گا ؟ میں چپ ہی رہتا ہوں۔بس امام صاحب کے مطلوبہ سٹاپ پر رُکی تو امام صاحب نے اُترنے سے پہلے ڈرائیور کو بیس پنس واپس کرتے ہوئے کہا؛
یہ لیجیئے بیس پنس، لگتا ہے آپ نے غلطی سے مُجھے زیادہ دے دیئے ہیں۔
ڈرائیور نے بیس پنس واپس لیتے ہوئے مُسکرا کر امام صاحب سے پوچھا؛ کیا آپ اس علاقے کی مسجد کے نئے امام ہیں؟
میں بہت عرصہ سے آپ کی مسجد میں آ کر اسلام کے بارے میں معلومات لینا چاہ رہا تھا۔ یہ بیس پنس میں نے جان بوجھ کر آپ کو آزمانے کے لیے زیادہ دیئے تھے تاکہ آپ کا اس معمولی رقم کے بارے میں رویہ اور دیانت داری پرکھ سکوں۔ امام صاحب جیسے ہی بس سے نیچے اُترے، اُنہیں ایسے لگا جیسے اُنکی ٹانگوں سے جان نکل گئی ہے، گرنے سے بچنے کیلئے ایک کھمبے کا سہارا لیا، آسمان کی طرف منہ اُٹھا کر روتے ہوئے دُعا کی،
یا اللہ مُجھے معاف کر دینا، میں ابھی اسلام کو بیس پنس میں بیچنے لگا تھا۔

قابل توجہ :

ہم لوگ کبھی اپنے افعال پر لوگوں کے رد فعل کی پرواہ نہیں کرتے , ہمیں یہ یاد رکھنا ہوگا کہ بعض اوقات لوگ صرف زبانی دعوت اور قرآن پڑھ کر اسلام کے بارے میں جاننے کے بجائے ہم مسلمانوں کو دیکھ کر اسلام کا تصور باندھتے ہیں۔ ہم لوگ اللہ کے پسندید مذہب اسلام کے نمائندے ہیں, ہمیں دوسروں کیلئے ایک اچھی مثال پیش کرنی ہوگی اور اپنے معاملات صاف اور کھرے رکھنے ہوں گے۔۔یہ ہی ذہن میں رکھ کرکہ کہیں کوئی ہمارے رویوں کے تعاقب میں تو نہیں ؟ کوئی ہمارے شخصی تصرف کو سب مسلمانوں کی مثال نہ سمجھ بیٹھے۔یا اسلام کی تصویر ہمارے تصرفات اور رویئے کے مُطابق ذہن میں نہ بٹھا لے!!! اور ہم اسکی دین حق سے دوری کی وجہ بن کر اپنے ساتھ اسے بھی ہمیشہ کی جہنم کا حق دار بنادیں۔

نوٹ:
بالا سطور کی صحت کا تو علم نہیں، لیکن ایک فکر موجود ہے، جس وجہ سے شیئر کی گئی ہیں۔

 

[کلیم حیدر]

بعض اوقات لوگ صرف زبانی دعوت اور قرآن پڑھ کر اسلام کے بارے میں جاننے کے بجائے ہم مسلمانوں کو دیکھ کر اسلام کا تصور باندھتے ہیں۔ ہم لوگ اللہ کے پسندید مذہب اسلام کے نمائندے ہیں, ہمیں دوسروں کیلئے ایک اچھی مثال پیش کرنی ہوگی اور اپنے معاملات صاف اور کھرے رکھنے ہوں گے۔۔یہ ہی ذہن میں رکھ کرکہ کہیں کوئی ہمارے رویوں کے تعاقب میں تو نہیں ؟ کوئی ہمارے شخصی تصرف کو سب مسلمانوں کی مثال نہ سمجھ بیٹھے۔یا اسلام کی تصویر ہمارے تصرفات اور رویئے کے مُطابق ذہن میں نہ بٹھا لے!!! اور ہم اسکی دین حق سے دوری کی وجہ بن کر اپنے ساتھ اسے بھی ہمیشہ کی جہنم کا حق دار بنادیں۔

جزاکم اللہ خیرا

 

[ابن خلیل]

جزاکم اللہ خیرا

 

[محمد ارسلان]

جزاک اللہ خیرا

 

[ابن بشیر الحسینوی]

اس مضمون میں ہم سب کے لئے نصیحت ہے ۔

 

[کنعان]

السلام علیکم

مضمون نگار نے اپنے اس مضمون پر امام مسجد کو نشانہ پر رکھا، استغفراللہ! اور ایسے بےلگام موضوع فیس بک پر ہی شیئر کئے جاتے ہیں جن کی اپنی کوئی گارنٹی نہیں ہوتی، اگر کوئی غلطی پکڑی جائے تو نیا اکاؤنٹ بنا لو۔ جو نہیں جانتا اس کے لئے سبق اموز ہی ھے مگر جو جانتا ھے اس کے لئے امام صاحب کا نام استعمال کر کے ۔۔۔۔۔۔۔۔، ایسی بہت سی باتیں ہیں اگر کوئی جاننا چاہے تو آپکی درخواست پر آپکو آگاہ کی جائیں گی ورنہ اسے ایسے ہی چلنے دیں۔

والسلام

 

[غزنوی]

السلام علیکم

مضمون نگار نے اپنے اس مضمون پر امام مسجد کو نشانہ پر رکھا، استغفراللہ!

وعلیکم السلام
امام صاحب کو اس تحریر کے کن الفاظ میں نشانہ تنقید بنایا گیا ہے، کم از کم مجھے سمجھ نہیں آیا۔

 

[کنعان]

السلام علیکم

امام مسجد کے ساتھ ۔۔۔۔۔۔ اسلام کو بھی۔

امام مسجد کے لئے ٢٠ پیسہ کا اسلام، صرف آپکو سمجھ نہیں آیا؟ ابھی انتظار کریں دیکھتے ہیں اور بھائیوں کو بھی سمجھ آیا کہ نہیں پھر میں کوشش کروں گا آپکو سمجھانے کی۔

والسلام

 

[شاکر]

کنعان بھائی،
مجھے بھی شامل کر لیجئے۔ سمجھ مجھے بھی نہیں لگی کہ امام صاحب کیسے نشانہ بن رہے ہیں؟ بیس پنس کے لئے دل میں وقتی لالچ آ جانا تو ایسی قابل اعتراض بات نہیں معلوم ہوتی؟
غزنوی صاحب کی طرح مجھے بھی واقعہ کی صحت و ضعف سے کچھ لینا دینا نہیں، سبق اہم ہے جو اس واقعے سے ملتا ہے۔

 

[کنعان]

السلام علیکم

شاکر بھائی ٢٠ پینس کے لئے امام مسجد کا امان ڈگمگا جائے آپکی نظر میں کوئی اہمیت نہیں، پھر جس امام مسجد کا امان ڈگمگایا اس نے اسے کسی دوسرے کو بھی بیان کیا جس سے اس نے اپنے لئے گواہ بھی پیدا کیا جو یہ واقعہ فیس بک کی زینت بنا۔ آپ اس واقعہ کو سچ ثابت کریں اگر کر سکتے ہیں پھر میں آپکو اس کے جھوٹ ہونے پر ہر قسم کی تسلی کرواؤں گا۔

والسلام