تاریخ اہل حدیث (بہاؤالدین )

[عبد الرشید]

کتاب کا نام

تاریخ اہل حدیث (بہاؤالدین )

مصنف

ڈاکٹر محمد بہاؤ الدین

ناشر

مکتبہ اسلامیہ،لاہور

تبصرہ

’اہل حدیث‘ ایک فکر اور تحریک کا نام ہے جو سنت کو مدار عمل ٹھہرانے میں انتہائی حریص اور رد بدعات میں نہایت بے باک ہے۔ اس کا مطمح نظر فقط عمل بالقرآن والحدیث ہے۔ معاشرے میں پھیلے رسوم و رواج کو یہ جماعت سنت رسول کی نگاہ سے دیکھتی ہے اگر ان میں سے کوئی چیز سنت کی میزان پر پوری اترتی ہے تو اسے فوراً قبول کر لیا جاتا ہے اور اگر کسی چیز کا کوئی بھی گوشہ سنت رسول سے متصادم ہے تو اس سے اعراض کر لیا جاتا ہے۔ اس تحریک کے خلاف جہاں بریلی شہر سے صدائیں بلند ہوئیں وہیں ابنائے دیوبند بھی اس کام میں پیچھے نہیں رہے اور اس تحریک پر طرح طرح کے الزامات لگا کر اس کا راستہ روکنے کی سعی لاحاصل کرتے رہے۔ برصغیر میں جماعت اہل حدیث مختلف مصائب اور آزمائشوں سے دوچار رہی لیکن اس ابتلا کے دور میں بھی اس فکر سے وابستہ لوگوں کی توانائیاں کم نہیں ہوئیں اور وہ پامردی کے ساتھ تمام مصائب کا مقابلہ کرتے رہے۔ ضرورت اس امر کی تھی کہ آزمائشوں کے تسلسل میں جماعت کی ثابت قدمی اور پامردی کی داستان رقم کی جائے۔ ڈاکٹر محمد بہاؤ الدین نے دیار غیر میں ہونے کے باوجود زیر نظر کتاب کی صورت میں تاریخ اہل حدیث بیان کر کے اس قرض اور فرض کو ادا کرنے میں اپنا کردار ادا کیا ہے۔ ڈاکٹر صاحب کے کام پر ایک نظر ڈالنے سے اندازہ ہوتا ہے کہ اس قدر وسیع اور ہمہ گیر کام شاید اس سے پہلے انجام نہیں پایا۔ انہوں نے اکابر اہل حدیث کی زبانی مسلک اہل حدیث کے خدو خال واضح کیے ہیں اور اس کے مابہ الامتیاز مسائل کو اکابر کی تحریروں سے نقل کیا ہے جو اہل حدیث جماعت کے تاریخی ورثے کی حفاظت کی بہترین صورت ہے۔ مصنف نے تاریخ میں اہل حدیث مسلک کے تسلسل کو بیان کیا ہے اور برصغیر میں جن لوگوں نے عمل بالحدیث کی راہیں دشوار گزار بنانے کی کوشش کی ہے انہیں بے نقاب کیا ہے۔ اس کے علاوہ کتاب میں اور بھی بہت کچھ ہے جو یقیناً قارئیں کے لیے افادے کا باعث ہوگا۔ یہ تاریخی دستاویز اور داستان عزیمت، جماعت اہل حدیث کے اصول و مقاصد اور خصائص و امتیازات کے لیے ایک سنگ میل ثابت ہوگی۔ (ع۔م)
اس کتاب تاریخ اہل حدیث جلد1 کو آن لائن پڑھنے یا ڈاؤن لوڈ کرنے کے لیے یہاں کلک کریں
اس کتاب تاریخ اہل حدیث جلد2 کو آن لائن پڑھنے یا ڈاؤن لوڈ کرنے کے لیے یہاں کلک کریں
اس کتاب تاریخ اہل حدیث جلد3 کو آن لائن پڑھنے یا ڈاؤن لوڈ کرنے کے لیے یہاں کلک کریں
اس کتاب تاریخ اہل حدیث جلد4 کو آن لائن پڑھنے یا ڈاؤن لوڈ کرنے کے لیے یہاں کلک کریں
اس کتاب تاریخ اہل حدیث جلد 5 کو آن لائن پڑھنے یا ڈاؤن لوڈ کرنے کے لیے یہاں کلک کریں
اس کتاب تاریخ اہل حدیث جلد 6 کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[عبد الرشید]

فہرست مضامین
عرض ناشر
حرفے چند
پیش لفظ
مقدمہ
تاثرات
حدیث کے لغوی واصطلاحی معنی
عہد صحابہ میں عمل بالحدیث
لفظ وہابی کی تاریخ
سید عبدالقادر جیلانی کا مسلک
ہند کے اہل حدیث
اتباع سنت
مقام صحابہ
مضامین تقویۃ الایمان
مسئلہ علم غیب
رفع الیدین
فاتحہ خلف الامام
آمین بالجہر
دیہات میں جمعہ
نماز تراویح
علم متن حدیث
مسئلہ رفع الیدین پر چند ابتدائی تصانیف
شاہ احمد رضا خان
شاہ محمد اسماعیل دہلوی
ابو الوفاء ثناء اللہ امرتسری
رشید احمد گنگوہی
مناظرہ رنگ پور
محبوب علی دہلوی
مسعود عالم ندوی
کتابیات

 

[خضر حیات]

جزاکم اللہ خیرا جزیلا ۔
تاریخ اہل حدیث جلد نمبر ١ ۔۔۔۔۔۔۔۔۔۔۔۔۔۔۔۔ جلد نمبر اساتھ کیوں لکھا گیا ہے کیا اس کی مزید جلدیں بھی ہیں ؟
عبد الرشید ، کلیم حیدر بھائی توجہ فرمائیں ۔

 

[کلیم حیدر]

جزاکم اللہ خیرا جزیلا ۔
تاریخ اہل حدیث جلد نمبر ١ ۔۔۔۔۔۔۔۔۔۔۔۔۔۔۔۔ جلد نمبر اساتھ کیوں لکھا گیا ہے کیا اس کی مزید جلدیں بھی ہیں ؟
عبد الرشید ، کلیم حیدر بھائی توجہ فرمائیں ۔

جی خضر بھائی باقی جلدیں بھی ہیں، لیکن ہمیں ابھی تک وصول نہیں ہوئی۔ ایک صاحب ہیں جو ان پیج فائلیں بھیجا کرتے ہیں۔ دیکھتے ہیں باقی جلدوں کی فائلز وہ کب میل کرتے ہیں۔

 

[ابومحمد]

تاریخ ختم نبوت مولانا ابن انیس حبیب الرحمان لدھیانوی ایک دیوبندی نے لکھی ہے اس نے بھاو الدین صاحب پر الزام لگایا ہے کہ انھوں نے اپنے پی ایچ ڈے کے مقالہ جس کا عنوان تھا نبی پاک صلی اللہ علیہ وسلم کا جنگی جاسوسی کا طریقہ کار ۔میں نبی پاک صلی اللہ علیہ وسلم کی شان میں گستاخی کی ہے اور ١٩٨٤ میں عالمی مجلس ختم نبوت نے اس کے خلاف احتجاج بھی کیا تھا ۔اس الزام کی تحقیق درکار ہے ۔